اگرمجھے بھی شہیدکردیا جائےتو"انقلاب" تک مجھے دفنایا نہ جائے۔ طاہرالقادری کی وصیت

ووٹ اس لیے پڑتے ہیں کہ نمبر 1۔۔ کم و بیش ہر حلقہ میں 25-30 ہزار جعلی ووٹ ہیں ۔ یہ بات الیکشن کمیشن بھی کہہ چکا ہےاور عدالتوں میں کئی درخواستیں بھی گردوغبار سے اٹے ریکارڈ میں موجود ہیں۔
نمبر2۔ ہر حلقہ میں 4/5 بااثر خاندان ہیں جو بااثر ہونے کے ساتھ ساتھ کروڑپتی، غنڈہ گردی، کرپشن یا کنگ میکروں کے ساتھ تعلقات رکھتے ہیں۔ عمران خان ہو، طاہرالقادری ہو یا (بالفرض) قائدِ اعظم رح ۔ وہ پارٹی ٹکٹ انہی خاندانوں میں سے کسی کو دیں گے تو کامیابی کے امکانات ہیں وگرنہ یا تو امیدوارغنڈہ گردی کا شکار ہوگا یا ضمانتیں ضبط کروا بیٹھے گا۔
نمبر3۔ جمہوریت میں رائے دہندگی کے لیے بنیادی لوازمات میں '' آزادی '' ہے۔ رائے دہندگی کی آزادی۔ جہاں 60فیصد سے زائد آبادی خطِ غربت سے نیچے رہ رہی ہو۔ وہاں چند ہزار روپے دے کر اپنی مرضی سے ووٹ ڈلوا لینا کیا مشکل ہے؟
نمبر4۔ ووٹ کی اہمیت کا شعور۔۔ جس ملک میں لوگ اپنے بچوں کو سکول کالج کے داخلے، کلرک کی نوکری، بجلی یا ٹیلفون کے کنکشن، گاؤں تک پکی سڑک یا گلی کی نالیاں بنوانے پر امیدوار کو ووٹ دیتے ہوں وہاں ووٹ کی اہمیت کا شعور چہ معنی دارد ؟
نمبر5۔ کیا اس حقیقت سے انکار ممکن ہے کہ پاکستانی سیاست یا جمہوریت کروڑپتیوں اور ارب پتیوں کا کھیل بن کر رہ گئی ہے؟ جو امیدوار 20-25 کروڑ روپے لگا کر اسمبلی پہنچتا ہے وہ ملک و قوم کی خدمت خاک کرے گا؟ وہ تو اپنی تجوریاں اصل زر مع نفع کے بھرنے کو ترجیح دے گا۔
پیپلز پارٹی کا ووٹ بنک بھی ہے۔ وہ بھٹو مرحوم کی مہربانی ہے۔ لوگ آج بھی بھٹو نام کو دیوتا کی طرح پوجتے ہیں۔ لیکن بہت سارا حصہ اوپر دیے گئے نظام کے ووٹ بھی ہیں۔
مسلم لیگ ؟ 80کی دہائی میں ہر پیپلزپارٹی مخالف کو اکٹھا کرکے ایک چھتری بنائی گئی جسکا نام مسلم لیگ رکھ دیا گیا۔ مسلم لیگ وہ گھوڑی ہے جس پر ہر دور کے آمر نے سواری کی۔ موجودہ مسلم لیگ بھی ایک آمر اور ایجنسیوں کی پیداوار ہے۔ ہم وہ قوم ہیں جو کتے و خنزیر کے گوشت سے "حلال" کباب بنانے کی کوشش کرتے ہیں۔ مسلم لیگ کے ووٹ بنک کا بھانڈہ عمران خان کے خلاف تاریخی دھاندلی سے بخوبی پھوٹ چکا ہے۔
آئینِ پاکستان کے خلاف کوئی بھی بات نہیں کرتا۔ میں متفق ہوں کہ آئین کی ساری شقیں عین وہی ہیں جو ہر جماعت کے منشور میں ہیں۔ لیکن خرابی کہاں ہے؟ خرابی اس سیاسی کلچر اور انتخابی نظام میں ہے جو پچھلے 65 سال سے بالعموم اور 35 سال سے بالعموم کچھ بھی ڈیلیور کرنے سے قاصر ہے۔ جس نے ملک کے بچے بچے کو قرضے کی دلدل میں دھکیل دیا۔ جس نظام نے چند ہزار اشرافیہ کو کروڑوں کی تقدیر کا مالک بنا ڈالا ۔ جس نظام نے غریب کو غریب تر اور امیر کو قارون بننے کے راستے دکھائے۔ جس نظام میں غریب و شریف کے لیے عدل و انصاف ایک خواب بن کر رہ گیا ہے۔ یہ وہ "جمہوریت" ہے جس میں جمہورکو ایک گائے بھینس کی طرح 5 سال بعد ایک دن کے لیے بریانی پلیٹ یا قیمے والے نان کھلا کر پولنگ بوتھ تک ہانک کر لایا جاتا ہے ۔ پھر اگلے 5 سال غربت، ذلت ، دہشت گردی اور خود کشیوں و خود سوزیوں کی اذیت میں جلنے کے لیے بےیارومددگار چھوڑ دیا جاتا ہے۔
نعرہ چاہے انقلاب ہو، تبدیلی ہو یا انتخابی منشور ہو ۔۔۔ مقصد یہ ہے کہ نظام بدلنا ضروری ہے۔ وہ نظام لانا تقاضائے وقت ہے جو آئین پاکستان کو اصل روح کے ساتھ نافذ کرکے عوام الناس کو امن، تحفظ، روزگار اور دیگر بنیادی حقوق کی ضمانت فراہم کرسکے۔
اسکے لیے اولیں ضرورت ۔۔
1) کرپشن کے ذریعے لوٹی گئی دولت کو ملکی خزانے میں واپس لاکر عوامی فلاح و بہبود کےلیے تعلیم، علاج، صنعت وحرفت کے شعبہ جات پر صرف کیا جائے۔
2) جاگیرداروں کی لامحدود ملکیت کو ختم کرکے اللہ و رسول ص کےاحکامات کے مطابق خلافت راشدہ کے اصولوں پر زمین کی تقسیم تناسب کے ساتھ غریبوں کی ملکیت میں دی جائے۔ جیسا کہ ڈاکٹرقادری کےایجنڈے میں ہے کہ 10کروڑقابل کاشت اراضی میں سے کم سے کم 5 ایکڑ جاگیرداروں سے لے کر ہاریوں کسانوں میں تقسیم کردی جائے ۔ جو زمین آباد کرتا ہے وہی اسکا پہلا مالک ہے۔
3) سرکاری اختیارات و انتظامی امور کی نیچے تک فراہمی۔ گوکہ آئین پاکستان کے مطابق بلدیانی نظام کی شرط موجود ہے اور سابقہ و موجودہ ِحکومت بلدیاتی انتخابات نہ کروا کے بذاتِ خود آئین شکن بن چکی ہے۔ لیکن ہمیں دنیا بھر کی جمہوریتوں کی طرح انتظامی بنیادوں پر مزید چھوٹے صوبوں کی اشد ضرورت ہے۔ ڈاکٹرقادری اپنے ایجنڈے میں اہم نکتہ یہ بھی دے چکے ہیں کہ کم و بیش 35 صوبے انتظامی بنیادوں پر ناگزیر ہیں۔ انکے لیے صوبائی حکومت کی ضرورت نہ ہوگی۔ بلکہ صرف ایک گورنر اور بحالتِ ضرورت دو تین مشیروں سے چھوٹا صوبہ چلایا جائے گا۔ سرکاری خزانہ و وسائل براہ راست چھوٹے صوبوں کو دیے جائیں ، صوبائی یا ضلعی سطح تک عدالتیں ہوں ہر کسی کو بنیادی حقوق کے لیے سینکڑوں میل کے سفر نہ کرنے پڑیں بلکہ اپنے علاقے میں عدل و انصاف، علاج ، روزگار دستیاب ہو۔
4) ملک کا سربراہ براہ راست عوام کے ووٹ سے منتخب ہو ۔
ہمارے موجودہ نظام میں سربراہ پارلیمان ہی سربراہِ مملکت بن جاتا ہے۔ اب چونکہ کرپٹ انتخابی نظام کے ذریعے پارلیمان میں کرپٹ ونااہل لوگ براجمان ہوتے ہیں۔ اس لیے جیسی روح ویسے فرشتے کے مصداق انکا سربراہ بھی ایسا ہی نالائق نکلتا ہے جو دیگر ممالک کے دوروں پر " ہیلو ہائے " کرنے کے لیے بھی تشریف والی جیب میں چٹیں لیے پھرتا ہے۔
ڈاکٹرقادری کے ایجنڈے میں سربراہ مملکت، براہ راست عوام کے ووٹوں سے منتخب ہو۔ الیکشن سے چند ماہ پہلے ٹی وی میڈیا کے ذریعے ہر امیدوار قوم کے مسائل پر اپنے اپنے خیالات قوم کےسامنے رکھے۔ صحافی ، اینکرز اور عوام براہ راست سوالات کریں وہ اپنی عقل و فہم اور شعور سے عوام کے مسائل کا حل پیش کرے۔ پھر منصفانہ و غیرجانبدارانہ الیکشن کمیشن اور شفاف الیکشن کے ذریعے عوام قیمے والے نان، بریانی دیگ، جعلی ووٹوں ، دھن دھونس دھاندلی جیسی لعنتوں کے بغیر اپنی مرضی سے اپنا لیڈر منتخب کریں۔ کیبنٹ کے لیے ایک آئینی میرٹ ہو۔ منتخب لیڈر کو اپنی مرضی کی کیبنٹ بنانے کی آزادی ہو۔ اور اپنے منشور پر عمل پیرا ہونے کی آزادی ہو۔
آئین پاکستان مقدس ضرور ہے۔۔۔ لیکن اس پر عمل درآمد ایک نئے شفاف و منصفانہ نظام سے ہی ممکن ہے۔ موجودہ نظام دراصل چند ہزار کرپٹ اشرافیہ کا بنایا ہوا ایک جال ہے جس میں غریب عوام ہمیشہ محروم و مظلوم اور طاقتور فرعون و قارون بنتے چلے جائیں گے۔ شریفوں، زرداریوں ،چوہدریوں کے بعد اب انکی اگلی نسلیں پر محکوموں پر آقائیت کا خواب دیکھ رہی ہیں۔
اگر ہمیں آئندہ نسلوں کو آزادی، روشنی، فلاح و بہبود اور عزت و وقار دینا ہے تو ہمیں آج جدوجہد کرنا ہوگا۔ ورنہ جس ذلت و محرومی میں ہم سسک رہے ہیں۔ آئندہ نسلوں کے لیے اس سے کئی گنا زیادہ یہی تذلیل بطور تحفہ دے کر جائیں گے۔
علامہ نے کیا خوب فرمایا تھا۔
جس کھیت سے دہقاں کو میسر نہیں روزی
اس کھیت کے ہر خوشہ گندم کو جلا دو
گویا بالفاظ دیگر ۔۔۔۔ لعنت ایسے " نظام " پر جو غریب فاقہ کش کو لقمہ نہ دےسکے، جو مریض کو علاج نہ دلوا سکے، جو فریادی کو انصاف نہ دلا سکے، جو انسان کو زندگی و عزت کا تحفظ نہ دے سکے۔

 

بجا فرمایا ۔۔۔ معذرت کے ساتھ ہر دو ممالک اور ایسے دیگر ممالک کی مثال پاکستان میں " تبدیلی نظام " کی خواہش پر منطبق نہیں ہوتی ۔
وہاں بیرونی طاقتوں نے جنگ مسلط کی ۔ خوشحال ممالک میں " جمہوریت " کے نام پر اپنے ناپسندیدہ حکمران ہٹا کر "پسندیدہ غلام " لگوا کر جمہوریت کا لیبل چسپاں کردیا گیا۔ وہاں کے ملکوں کو " فلاحی و ترقی یافتہ" بنانا بیرونی طاقتوں کا ایجنڈہ ہی نہ تھا۔ بلکہ ایجنڈا تو انکو کمزور ناتواں کرنا تھا۔
پاکستان میں وہی بیرونی طاقتوں موجودہ نظام سیاست کے تحت اپنے " غلام حکمرانوں" کو کروڑوں عوام پر مسلط کرتی ہیں جو اپنی نااہلیت، مفاد پرستی اور غلامانہ فکر کے باعث ملک کو معاشی ، سماجی اور اخلاقی تباہی سے ہمکنار کرتے رہتے ہیں۔ ہر کوئی اپنی اپنی باری کی خدمت سرانجام دیتا ہے۔
اسی لیے اب عوام کو جاگنے کی ضرورت ہے ۔ قبل اس کے کہ یہ کرپٹ اشرافیہ ملک کے حصے بخرے کرکے اور لوٹ مار کرکے خود یورپ و امریکہ میں جا بسے جہاں پہلے سے انکے محلات، انکی بزنس ایمپائیر، اور کروڑوں اربوں کے اثاثے محفوظ ہیں۔ اور ہمارے پاس سوائے کفِ افسوس ملنے کے کچھ نہ رہے۔۔۔
آئیے جاگیں اور کسی بیرونی طاقت کے ذریعے نہیں بلکہ عوام الناس اپنے زور بازو پر اقتدار ان چند ہزار کرپٹ اشرافیہ سے چھین کر ایک حقیقی جمہوری نظام کے ذریعے اپنے ملک اور اپنی آئندہ نسلوں کے حقوق کے تحفظ کو یقینی بنائیں۔

 

بادی النظر میں ایسا ہی لگتا ہے۔ میں آپ سے متفق ہوں۔
لیکن تاریخ سے سبق یہی ملتا ہے کہ قیادت ایک ہوتی ہے۔ اسکی بصیرت و صلاحیت پر اعتماد ہوتا ہے۔ وہ قیادت وقت کے تقاضوں کے ساتھ کس کس کو لے کر چلتی ہے ۔۔ یہ اسکی بصیرت ہوتی ہے۔
اس امر پر دلیل سنتِ رسول کا " میثاقِ مدینہ " اور سنتِ صحابہ کرام رضوان اللہ عنھم سے بھی ملتی ہیں۔ واقعہ کربلا میں سیدنا امام حسین کے ایجنڈے پر یزیدی فوج کے " حر " کا آن ملنا اور امام کی قیادت کو تسلیم کرلینا ۔۔۔۔۔ اگر ہمارے جیسے تنقیدی ذہن امام حسین کے لشکر میں ہوتے تو کالم لکھ مارتے کہ " اب امام نے یزیدی فوج کے سپایوں کو بھی ساتھ ملالیا " ۔
آج چونکہ الا ماشاءاللہ ہم نے اپنی سوچ سے آگے کچھ سننا نہیں ہوتا اس لیے ان عظیم روشن میناروں سے رہنمائی لینے کی بجائے بڑی آسانی سے یہ کہہ کر پہلو تہی کر لیتے ہیں " وہ تو عظیم لوگ تھے۔ ان کا اور موجودہ مسلمانوں کا بھلا کیا موازنہ " حالانکہ سنت نبوی، سنتِ صحابہ ہر دور میں مسلمانوں کے لیے " مشعلِ راہ " ہیں۔
اس لیے علامہ کے ساتھ چوہدری برادران اور شیخ رشید وغیرھم کے ملنے کو حضرتِ قائد اعظم کی تاریخ تک محدود کر کے دیکھ لیتے ہیں۔
عوام الناس کو قائد اعظم کی زبان تک سمجھ نہ آتی تھی ۔ لیکن قیادت پر اعتماد ضرور تھا ۔۔۔ قائد اعظم کے ساتھ سب فرشتے تھے؟ کیا وہ سب بھی قائد اعظم جیسی بصیرت و ایمانداری کے حامل تھے؟ اگر ایسا ہوتا تو قائدِ اعظم کو یہ اعلان کبھی نہ کرنا پڑتا کہ " میری جیب میں کھوٹے سکے ہیں " ۔۔۔ لیکن یہی تو قیادت ہوتی ہے کہ کھوٹے سکوں کو بھی بوقت ضرور صحیح جگہ و صحیح موقع کے لیے استعمال کیا جائے۔
اور اس سے بھی کچھ پیچھے چلے جائیں تو علامہ اقبال رح کا یہ احسان مسلمانانِ برصغیر پر ہمیشہ رہے گا کہ انہوں نے روٹھے ہوئے کانگریسی قائدِ اعظم کے اندر چھپی ہوئی " مسلم قیادت" کو دیکھ لیا تھا۔ چنانچہ انہیں مجبور کرکے برطانیہ سے ہندوستان لائے اور مسلمانوں کی قیادت انکے سپرد کردی ۔۔۔۔۔۔۔۔۔۔۔۔۔ آگر آج کے ناقدین اور آزادی اظہارِ رائے کے چیمپین اس دور میں ہوتے اور ویڈیو کیمرے ہوتے اندازہ کریں قائد اعظم رح کا کیا حال ہوچکا ہوتا ۔۔ کردار کشی کے کیسے کیسے ویڈیو کلپ چلتے "جناح ۔۔ جو کل تک کانگریس کے ہندوؤں کا ساتھی تھا " ۔۔ " کانگریس کے ٹکٹ پر الیکشن لڑنے والا مفاد پرست یا موقع پرست جناح " ۔۔ " جو کل تک ہندو ریاست کا حامی تھا ۔۔ آج اچانک مسلمانوں کی الگ ریاست کا علمبردار کیسے بن گیا ؟؟" ضرور پیچھے کوئی ہاتھ ہے۔۔۔ پیچھے ہاتھ تلاش کیا جائے۔
(معاذ اللہ و استغفراللہ ) ۔۔۔ یہ صرف مثال عرض کی ہے کہ اگر معاشرےمیں باہمی عدمِ اعتماد کی روش پیدا ہوجائے اورصرف تنقید برائے تنقید کی روایت چل نکلے تو پھر بات کہاں تک پہنچ سکتی ہے۔
لیکن یہ باوقار و بااصول معاشروں کے رویے نہیں ہوتے۔
بقول رؤف کلاسرا " ہر شخص ڈاکٹرطاہرالقادری کی ذات کو ہدفِ تنقید بنائے ہوئے ہے۔ لیکن اسکے دیے گئے ایجنڈے پر کوئی بات نہیں کرتا۔۔۔ کیوں ؟ "
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انبیائے کرام علیہم السلام کے سوا کوئی بھی خطاؤں سے پاک نہیں ہوتا۔ بشری کمزوریاں ہر کسی میں ہوتی ہیں۔ لیکن اس کے باوجود اسلام کا تصورِ اخلاقیات یہ ہے کہ ہم ان عظیم و محترم شخصیات کے مثبت پہلوؤں کو پیش نظر رکھیں۔ یہی وجہ سے تاریخ اسلام میں ہمیشہ عظیم شخصیتوں کے کارناموں اور دینی خدمات کو ہی اجاگر کیا گیا ہے۔

 

بالکل بجا فرمایا۔ ایسا ہی ہونا چاہیے۔ ظلم ہر شکل میں ظلم ہے اسکے خلاف بقدرِ استطاعت مزاحمت لازم ہے۔
12 مئی کو عنانِ اقتدار ایک آمر کے ہاتھ میں تھی ۔ اور فائرنگ ایک پارٹی کی طرف سے کی گئی تھی ۔ ریاستی جبروتشدد براہ راست ملوث نہ تھا۔
لال مسجد میں بھی معاملہ مختلف تھا۔ مسجد کے اندر آتشیں اسلحہ اور تربیت یافتہ دہشتگرد موجود تھے۔ جو براہ راست پولیس پر فائرنگ کررہے تھے۔
لیکن 17جون کو تو خوابیدہ لوگوں پر شب خون مارا گیا۔ اور اس میں براہ راست " جمہوری حکومت" ملوث تھی۔ ریاستی مشینری کا ظالمانہ استعمال ہوا۔ عوام کے جان و مال کے تحفظ کی " قسم کھانے " والی پولیس سے سینکڑوں نہتے عوام کو گولیوں سے بھون کر رکھ دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
23جون کی صبح کو اسلام آباد میں ایک بار پھر عوام الناس کو جس طرح جبروتشدد کا نشانہ بنایا گیا وہ " جمہوریت " کے منہ پر ایک اور طمانچہ تھا۔ حکمرانوں نے عین آمرانہ روش اپنائی۔ ایک دوہری شہریت کے حامل چودھری سرور کو برطانیہ سے بلا کر " گورنر پنجاب " لگا دیا جاتا ہے۔ دوسرے دہری شہریت کے حامل کو " اسلام آباد " اترنے پر پابندی ؟؟؟ سبحان اللہ کیا جمہوری انصاف ہے۔ پاکستان عوامی تحریک اور منہاج کی 33 سالہ تاریخ اور بالخصوص گذشتہ برس اسلام آباد لانگ مارچ گواہ ہے کہ ہزاروں لاکھوں کے اجتماع میں ایک پتہ یا گملہ نہیں توڑا جاتا۔ لاھور میں ہفتہ پہلے انکی لاشوں کا انبار لگادیا گیا۔ اور لاھور میں ایک ٹائر نہ جلا، ایک شیشہ نہ ٹوٹا ۔
لیکن اگر وہی کارکنان اپنے قائد کا استقبال کرنےجاتے ہیں تو اسلام آباد کی تاریخ کی بدترین آنسو گیس شیلنگ اور لاٹھی چارج کا کیا جواز ہے ؟؟؟ کارکنان ائیرپورٹ جارہے تھے کوئی پارلیمنٹ ہاؤس پر قبضہ کرنے تو نہیں جارہے تھے۔
بدقسمتی سے آج وہ وقت ہے جس کے متعلق احادیث نبویہ میں اشارہ ہے کہ " معاشرے کے ذلیل لوگ حکمران بنائے جائیں گے" اور ایسا وقت ہوگا کہ " سچ و جھوٹ میں تمیز مشکل ہوجائے گی"

پاکستان عوامی تحریک یا منہاج کے کارکنان نے اپنی دینی بہنوں یا فیملی کی حفاظت کے لیے یا چند دن قبل پولیس کے جبروتشدد کے جواب میں کہیں صبر کا دامن ہاتھ سے چھوڑا ہے تو وہ بھی قابلِ مذمت ہے۔ لیکن بہرحال انسان ہے۔ یہ فرشتے نہیں ۔ اگر میرے اپنے اوپر ایسا گذرے تو یقینا میرے لیے بھی جواب میں " مرنجاں مرنج" بنے رہنا مشکل ہوگا۔
لیکن ایمان سے بتائیے کہ اسلام آباد و راولپنڈی تا کشمیر سے جب 6000 پولیس وہاں موجود تھی تو پھر سول کپڑوں میں" پولیس گلو بٹس " کو ڈنڈے دے کر پولیس کی بس میں وہاں بھیجا کیوں گیا ؟ منہاج کے پاس شواہد موجود ہیں کہ سادہ کپڑوں میں ملبوس انہی گلو بٹس نے پولیس کانسٹیبلز کی زیادہ مارکٹائی کی۔ تاکہ عوامی تحریک کو بدنام کیا جاسکے۔ انشاءاللہ رب تعالی کے انصاف کی لاٹھی بہت جلد دودھ کا دودھ اور پانی کا پانی کر دے گی ۔
لیکن ہمیں عقل و شعور کو استعمال کرتے ہوئے کسی کے ماضی کو جھانک کر دیکھ لینا چاہیے کہ آیا وہ امن پسند ہے یا تشدد پسند ۔ اور اسکے مقابلے میں پنجاب پولیس جو شریف برادران کی ذاتی لونڈی کا کردار ادا کررہی ہے۔ اور پچھلے دو ہفتوں سے اعلی افسران کی جو اکھاڑ پچھاڑ جاری ہے۔ دہشتگرد تنظیموں کے متعلق ماضی رکھنے والے افراد کو جس طرح اعلی انتظامی و سیاسی عہدوں پر تقرر کیا گیا۔ کیا یہ ثابت کرنے کے لیے کافی نہیں کہ ظلم حکومت کی طرف سے کیا جارہا ہے۔ !!!!

 

بجا فرمایا۔ میں ڈاکٹرطاہرالقادری کے بالخصوص پچھلے 2 سال سے انکے انقلاب کے ایجنڈے پر انٹرویوزو تقریر اکثر سنتا ہوں ۔
میں نے آج تک نہیں سنا کہ ڈاکٹر صاحب " آئین پاکستان " کو نہیں مانتے اور وہ اس کو تبدیل کرنا چاہتے ہیں۔
اگر آپ بھائیوں میں سے کسی نے سنا ہو تو براہ کرم اس تقریر کا کوئی ریفرنس یہاں عنایت فرما دیں۔

جو بات آپ کررہے ہیں یہی ڈاکٹرطاہرالقادری کرتے ہیں کہ "آئین پاکستان " اپنی اصل روح کے ساتھ نافذ ہوجائے۔ چور لٹیرے اپنے انجام کو پہنچیں ، عوام کو انکےبنیادی حقوق انکی دہلیز پر میسر ہوں۔ عدل و انصاف کا دور دورہ ہو اور ملک ترقی و خوشحالی اور عظمت و وقار کے راستے پر گامزن ہو۔
اپنی اسی جدوجہد کو وہ " سبز انقلاب " کا نام دیتے ہیں۔
جبکہ ہم عوام الناس " انقلاب " کو شاید مسلح تصادم و خونی جنگ سمجھتے ہوئے سہم جاتے ہیں اور مخالفت شروع کردیتے ہیں۔ جو کہ کم از کم ڈاکٹرقادری کے پیش کردہ تصورکی غلط تعبیر ہے۔

 

نواز شریف نے پچھلے ایک ہفتے یعنی 17جون 2014 کے قتلِ عام سے لے کر 23 جون تک میڈیا کو 2بلین روپے لگائے (سنئیرصحافی ایازامیر)

نوازے جانے والوں میں عبدالقادرحسن، عطاء الحق قاسمی، نصرت جاوید، مشتاق منہاس، اثرچوہان، طلعت حسین، عرفان صدیقی وغیرہ کے علاوہ دیگر نام بھی شامل ہیں۔

ویسے محترم @فیصل سادات بھائی ۔ یہ چونکہ تبادلہ خیالات کی لڑی ہے۔ بہتر ہے کہ آپ اپنے ذاتی خیالات شئیر کریں۔اخباری کالم نویسوں اور میڈیا پرسنز میں سے اکثرحکمرانوں کے تنخواہ دار بھی ہوتے ہیں۔

اور ہاں اگر ہوسکے تو لاہور میں گھروں میں سوئے ہوئے لوگوں پر پنجاب حکومت کے دھاوے ، ڈاکٹرطاہرالقادری کے گھر اور منہاج القرآن پر حملے اور 14معصوم خواتین و حضرات کی لاشوں اور سو سے زائد شدیدان زخمیوں کہ جن کے سینے، بازوؤں میں گولیاں پیوست کی گئیں ان پر بھی اپنا تبصرہ فرمائیے اور اسکے ذمہ داران کے بارے میں اپنی رائے کا اظہار کیجئے گا۔ انتظار رہے گا۔

 

وزیراعلی شہبازشریف نے9 بجے پہلے اپنے پرنسپل سیکرٹری اور پھر 9:03بجے رانا ثناءاللہ کو کال کی ۔ پھر رانا ثناءاللہ نے ہوم سیکرٹری اور 9:12بجے سی سی پی او لاھور شفیق گجر کو کال کی۔ اس کے بعد پولیس فورس کی طرف سے منہاج کے کارکنوں پرفائر کھول دیا گیا۔ یاد رہے کہ پولیس رات 2بجےسے صبح 9 بجے تک منہاج سیکرٹیریٹ پر موجود رہی لیکن کوئی گولی نہیں چلی۔ وزیراعلی اور رانا ثناءاللہ کے فون کالز کے بعد پولیس فائرنگ شروع ہوئی اور فائرنگ 83 کارکنوں کے بالائی جسم میں ڈائریکٹ ماری گئیں۔ جن میں سے 11 موقع پر شہید ہوئے۔ بقیہ 6-7 افراد بعد ازاں شہادت پاگئے۔

 

فون کالز کے اس ریکارڈ کے بعد وزیراعلیٰ کا وہ بیان سامنے رکھیں جو سانحہ کے فوری بعد پہلی پریس کانفرنس میں بولا تھا
" مجھے اس پورے واقعے کا کوئی علم نہیں ۔ حتیٰ کہ پورا دن فائرنگ ہوتی رہی اور مجھے خبر نہیں تھی " ۔۔۔۔۔۔۔۔۔۔۔۔

قرآن مجید لعنۃ اللہ علی الکاذبین فرما کر جھوٹوں پر اللہ کی لعنت فرماتا ہے۔۔ اور ہم پاکستانی مسلمان انہی لعنتی جھوٹوں کو ہیرو اور نجات دہندہ بنانے پر تل جاتے ہیں۔