اچار گوشت کی ترکیب

السلام علیکم !
نئے انتظامی ارکان ( مشیروں ) کی پرانی فرمائش پر ۔۔۔اچار گوشت کی ترکیب لے کر حاضر ہوں ۔۔
امید ہے آپ سب کو پسند آئے گی ۔۔۔

۔۔۔۔۔۔۔ اچار گوشت ۔۔۔۔۔۔۔​

اجزاء :


گوشت ٢/١ کلو
پیاز ٢ عدد
دہی ١ کپ یا ٢٠٠ گرام
ادرک لہسن ١ چائے کا چمچہ
نمک/لال مرچ حسب ذائقہ
ہلدی ٢/١ چائے کا چمچہ
ہری مرچ درمیانی ١٠ عدد
دھنیا پاؤڈر ١ چائے کا چمچہ
تیل ١ کپ

مرچوں میں بھرنے کا مصالحہ :

میتھی دانہ ١ چائے کا چمچہ
سفید زیرہ ٢ چمچے
کلونجی ١ چائے کا چمچہ
لیموں کا رس
ان تینوں چیزوں کو بھون کر پیس لیں پھر لیموں کا رس شامل کر کے پیسٹ بنا لیں اور مرچوں کا درمیان سے کاٹ کر اس میں بھر دیں ( چاہیں تو بیج نکال دیں ) ۔

ترکیب :

دہی میں نمک ' لال مرچ ' دھنیا پاؤڈر ' ہلدی ' ادرک لہسن ڈال کر مکس کریں اور گوشت شامل کر کے کم سے کم ایک گھنٹے کے لیے رکھ دیں ۔ اب تیل گرم کر کے اس میں پیاز براؤن کر لیں پھر گوشت ڈال کر ہلکی آنچ پر گلنے دیں ۔
ہری مرچوں کو الگ سے تیل میں فرائی کریں ۔ جب گوشت گل جائے اور پانی خشک ہو جائے تو مصالحے بھری مرچوں کو گوشت پر ڈال کر دم پر رکھ دیں ۔
١٠ منٹ بعد چولہا بند کر دیں ۔
اچار گوشت تیار ہے ۔۔

 

بہت شکریہ ارحم بہنا۔
اتنا مزیدار اچار گوشت کی ریسی پی پڑھ کر منہ میں پانی آگیا ۔
جب کھانے کو ملے گا تو لطف کا عالم کیا ہوگا۔

 

اچار گوشت بنان ے کے لئے شان مسالہ ملتا ھے اس سے مزے کا بنتا ھےا چار گوشت