اپنے نفس کی قید سے نکلا نہ جا سکا------برائے اصلاح

شکیل احمد خان
محمد سعید سعدی
--------------
اپنے نفس کی قید سے نکلا نہ جا سکا
مجھ سے کسی بھی اور کا سوچا نہ جا سکا
-------------
محور مری ہی ذات تھی میرے لئے سدا
باہر بھی اک جہان ہے دیکھا نہ جا سکا
---------------
تجھ سے حسین اور بھی ملتے رہے مجھے
لیکن کسی بھی اور کو چاہا نہ جا سکا
-----------
تجھ کو جفا کا شوق تھا کرتے رہے یہی
-------یا
تیری جفا کو بھول کے کرتے رہے وفا
مجھ سے تجھے جو بیر تھا پرکھا نہ جا سکا
-----------یا
دل میں ترا جو پیار تھا نوچا نہ جا سکا
-----------
چاہا غبارِ غم کو میں رو کے نکال دوں
روکا مجھے انا نے تھا رویا نہ جا سکا
----------
دنیا مری نہ آج ہے کل بھی مری نہ تھی
مجھ سے ہی اس جہان کو برتا نہ جا سکا
---------
پردیس جا کے آپ نے ڈیرا لگا لیا
مجھ سے بہت ہی دور تھے پہنچا نہ جا سکا
---------
کرتا ہوں تجھ کو یاد میں ، جانے کے بعد بھی
دل سے ترے خیال کو کھرچا نہ جا سکا
-------
ارشد کا دل اداس تھا تیرے بغیر کل
تیرے بغیر آج بھی سویا نہ جا سکا
-----------

 

اپنے نفس کی قید سے نکلا نہ جا سکا۔۔۔۔۔۔۔۔۔۔۔۔۔۔۔۔یہاں اپنی ذات ،ہستی ،شخصیت اور جاں میں سے کچھ ہونا چاہیے ،نفس کا محل معلوم نہیں ہوتا
مجھ سے کسی بھی اور کا سوچا نہ جا سکا۔۔۔۔۔۔۔۔۔۔۔۔۔۔اِس مصرعے میں کسی بھی اور کی بجائے دوسروں کا زیادہ موزوں ہے

÷÷÷​

ہستی کی اپنی قید سے نکلا نہ جاسکا
ہم سے تو دوسروں کا بھی سوچا نہ جاسکا۔۔۔۔۔۔۔۔۔۔۔یہا ں یہ قباحت ہے کہ ہم سے کہیں گے تو اِس کا ایک مطلب ہم جیسے بھی نکلتا ہے۔۔۔۔۔۔۔

ذرا یوں سوچیں!۔۔۔۔۔۔اوروں کا ایک بار بھی سوچا نہ جاسکا​

ہستی کی اپنی قید سے نکلا نہ جاسکا
اوروں کا ایک بار بھی سوچا نہ جاسکا

÷÷÷​

محور مری ہی ذات تھی میرے لئے سدا۔۔۔۔۔۔۔۔محور تھی مری ذات نہیں بلکہ محور تھی اپنی ذات ہونا چاہیے اور اِس سے بھی زیادہ موزوں محور رہی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر یہاں محور کی ر اور رہی کی ر سے روانی میں فرق آرہا ہے۔۔۔۔۔تو چلیں اِسے یوں کردیکھتے ہیں

۔۔۔اپنی ہی ذات محور و مرکز رہی سدا​

محور مری ہی ذات تھی میرے لیے سدا
باہر بھی اک جہان ہے دیکھا نہ جا سکا

÷÷÷​

اپنی ہی ذات محور ومرکز رہی سدا
باہر جو اک جہان ہے دیکھا نہ جاسکا۔۔۔۔۔۔۔۔۔۔۔۔۔میرتقی میر فرماگئے ہیں:سرسری تم جہان سے گزرے ۔۔۔ورنہ ہر جاجہان دیگر تھا

÷÷÷​

تجھ سے حسین اور بھی ملتے رہے مجھے۔۔۔۔۔۔۔۔۔۔۔سوال اُٹھتا ہے کہاں ملتے رہے؟جواب ہے زندگی میں۔۔۔۔۔۔۔۔
لیکن کسی بھی اور کو چاہا نہ جا سکا

÷÷÷​

تجھ سے بھی بڑھ کے کتنے حسیں راہ میں ملے۔۔۔۔۔۔گویا راہ زندگی کا استعارہ ہوئی۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے سوا کسی کو بھی چاہا نہ جاسکا

 

غالب نے کہاتھا:
تیری وفا سے کیا ہو تلافی کہ دہر میں
تیرے سوا بھی ہم پہ بہت سے ستم ہوئے
مطلب:عشق میں جو صدمے اُٹھائے ہیں اُن کی تلافی کو تیرا دعوائے مہرووفا ناکافی ہے۔دنیانے اس ضمن میں جو ستم ڈھائے
ہیں اُن کی داستاں الگ ۔۔۔۔۔اور یہ سب تیرے عشق کے نتیجے میں ہی دیکھنے کو ملا،جھیلنے کو ملاتو اب بین السطور یہی شکایت
ہے کہ فرقت تو برقرار ہے ،محبوب کی طرف سےعاشق کے حق میں الفت کے نعرے ،مہرو وفا کے راگ بیکار ہیں۔۔۔۔۔۔
۔۔عاشقِ مہجور کے لیےوفا کی یہ نوید وفا داری نہیں جفا کی ہی اپنے اندازمیں ۔۔۔ضربِ کاری ہے۔۔۔۔۔۔۔۔۔۔۔۔۔۔۔
تھا تیرے دل میں چور یہ اب جا کے ہے کھلا
تیری۔ جفا ۔کا ۔طور۔ یہ ۔پرکھا۔ نہ، جاسکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یا: ۔۔پہلے جفا کا طور یہ پرکھا نہ جاسکا