اپنے جنم دن پر ایک نظم۔۔۔

اپنے جنم دن پر ایک نظم۔۔۔

سلامت رہو، رب عمریں بڑھائے
کرو جو تمنا، وہ پوری ہو جائے
جنم دن مبارک۔۔۔
جنم دن مبارک۔۔۔
بچپن سے لے کر، آج تلک میں
یہ رسمی جملے، سنتا آیا
اِن اُڑتے جَھڑتے سالوں میں
بہت سے سپنے بُنتا آیا
بچپن سے اچھے جیون کے
جو سپنے ذہن پہ لادے ہیں
نِصف عمر کٹی اور یہ اب تک
ادھورے ہیں اور آدھے ہیں
تعبیروں کی رفتار ہے کم
سانسوں کی رفتار زیادہ ہے
جب فاصلہ ہے آدھے کا
تو اب میرا یہ ارادہ ہے۔۔۔
بس اسی لئے یہ سوچا ہے
نئے سپنے اب نہ دیکھوں گا
جو آدھے ادھورے رہ گئے ہیں
ان کی تکمیل کا سوچوں گا
تاوان لاحاصل جیون کا۔۔۔۔
میں تھک گیا بھرتے بھرتے
سب کو خوش رکھنے کی کوشش
میں تھک گیا کرتے کرتے۔۔۔
(ازقلم: طارق اقبال حاوی)

 

اللہ تعالی خوش و خرم رکھے۔

 

بہت شکریہ و نوازش محترم
شاد رہیں، آباد رہیں۔ آمین