آٹھ پہر کا روزہ رکھا حُور سے رشتے داری کی

آٹھ پہر کا روزہ رکھا حُور سے رشتے داری کی
اک دوجے کو دور سے دیکھا اور پھر گریہ و زاری کی
اول اول ہم دونوں میں جھگڑا وگڑا ہوتا تھا
عشق ہوا تو ہاتھ ملایا، اک خاموشی طاری کی
پہلے شرم اتاری اس نے دروازے سے باہر، اور
بعد میں ہم دونوں نے کیسی کھلم کھلا یاری کی
جوشؔ ملیح آبادی کی جب یادوں کی بارات پڑھی
میرؔ کی غزلیں رونے لگ گئیں غالبؔ نے سرداری کی
ہم جس شخص کو اپنا جان کے سو جاتے تھے اس نے ہی
وقت پڑا تو ایک منافق سی ہم سے غداری کی
(ندیم ملک)
​