آنکھ اٹھے تیرے لیے کھلتے ہیں لب تیرے لیے (مُظؔفّر وارثی)

آنکھ اٹھے تیرے لیے کھلتے ہیں لب تیرے لیے
میرا جینا میرا مرنا میرے رب تیرے لیے

دائرہ تیری رضا، پرکار میری زندگی
ہر تمنا، ہر ارادہ، ہر طلب تیرے لیے

مسجدِ الفاظ میں بھی دے رہا ہوں میں اذاں
میرا فن، میرا ہنر، میرا ادب تیرے لیے

رات کو اکثر تلاشی لوں ضمیر و ذہن کی
اپنے اندر بھی لگاتا ہوں نقب تیرے لیے

کیسے ہوسکتا ہے مجھ سے منحرف اِک سانس بھی
وقف میں نے کردیا ہے خود کو جب تیرے لیے

میری باقی عمر کے دن قیمتی ہیں کس قدر
میرا ہر لمحہ بسر ہوتا ہے اب تیرے لیے

روشنی ہو یا اندھیرا تجھ سے میں غافل نہیں
میرا دن تیرے لیے ہے میری شب تیرے لیے

تیرے مدّاحوں میں شامل ہے مُظؔفر کا بھی نام
اس نے دنیا سے لیا ہے یہ لقب تیرے لیے​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین

 

آنکھ اٹھے تیرے لیے کھلتے ہیں لب تیرے لیے
میرا جینا میرا مرنا میرے رب تیرے لیے​

 

کیسے ہوسکتا ہے مجھ سے منحرف اِک سانس بھی
وقف میں نے کردیا ہے خود کو جب تیرے لیے​

 

میری باقی عمر کے دن قیمتی ہیں کس قدر
میرا ہر لمحہ بسر ہوتا ہے اب تیرے لیے​

 

روشنی ہو یا اندھیرا تجھ سے میں غافل نہیں
میرا دن تیرے لیے ہے میری شب تیرے لیے​

 

تیرے مدّاحوں میں شامل ہے مُظؔفر کا بھی نام
اس نے دنیا سے لیا ہے یہ لقب تیرے لیے​