اوسط آمدنی والے مردوں کا بطور جیون ساتھی انتخاب

جیون ساتھ کے انتخاب کے لیے خواتین اوسط آمدنی والے مردوں کو ترجیح دیتی ہیں۔ ​

لنکاشائر یونیورسٹی کے ماہرین کی تحقیق​

یونیورسٹی آف سنٹرل لنکا شائر کے ماہرین کی تحقیق کے نتیجے میں حیرت انگیز معلومات سامنے آئی ہیں۔ ان نتائج کے مطابق خواتین نے جیون ساتھی کے انتخاب کے لیے اوسط آمدنی والے مردوں کو انتہائی امیر مردوں پر ترجیح اس لیے دی کیونکہ ان کا خیال تھا کہ یہ مرد زیادہ اچھے باپ ثابت ہوں گے۔

تحقیقات کار سائمن چو کےمطابق بڑے عہدوں پر فائز مردوں کو خواتین اپنی رسائی سے دور اور ’مصنوعی‘ تصور کرتی ہیں۔ ان کا کہنا ہے کہ ’بعض حالات میں امیر طبقے کے مرد واقعی زیادہ پرکشش ثابت نہیں ہوتے اور گھر کو کم توجہ دینے والے ثابت ہوتے ہیں‘۔

سائمن چو کا کہنا ہے کہ خواتین مردوں میں ظاہری کشش اور خدوخال دیکھتی ہیں جبکہ امیر مردوں کے بارے میں ان کا خیال ہے کہ یہ اچھے باپ ثابت نہیں ہوسکتے۔

تحقیق کے دوران خواتین کے سامنے 20 سے 30 سال کے 60 مردوں کی تصویریں رکھی گئیں۔ پھر ان میں سے چھ خوبصورت، چھ اوسط اور چھ معمولی شکل و صورت کے مردوں کی تصاویر منتخب کی گئیں۔ پھر ان تصاویر کے ساتھ ان مردوں کی آمدنی کی تفاصیل دی گئیں۔ ان میں سے چند افراد نہایت اعلٰی عہدوں پر فائز تھے، کچھ معمولی ملازمتوں پر تھے اور کچھ کم آمدنی والے تھے۔

خواتین نے جن مردوں کا انتخاب کیا ان میں سے بیشتر اچھی شکل و صورت والے مگر اوسط آمدنی والے طبقے سے تعلق رکھتے تھے۔

ایک ماہر نفسیات انگرڈ کولنز کا کہنا ہے کہ خواتین بچوں کی پرورش کے بارے میں گھر کا اہم ترین فرد ہوتی ہیں اور یہی وجہ ہے کہ وہ ایسے جیون ساتھی کا ساتھ چاہتی ہیں جو اس ذمہ داری میں ان کا ساتھ دے سکے۔‌‌

بی بی سی رپورٹ : 10 جنوری 2007

 

اب آپ ذرا محتاط رہنا ، دولت زیادہ نہ جمع ہونے پائے ورنہ ۔۔۔۔۔۔۔۔۔۔۔۔۔

 

نعیم بھائی ! شیر افضل بھائی کے مشورے پر غور کیجیئے گا۔۔۔۔۔ ورنہ ۔۔۔۔۔۔۔۔۔۔۔۔۔۔۔۔۔۔

 

اوہ یارو ۔۔۔۔۔۔۔ ورنہ کیا ؟؟

میں خود کو ایک وڈا امیر ظاہر کرنے کی بجائے 4 مختلف جگہوں پر

تھوڑا تھوڑا امیر ظاہر کر کے 4 کھڑکا لوں گا۔۔۔۔ اس میں پریشانی والی کیا بات ہے ؟؟

ویسے کیسا بھولپن ہے میرا ؟؟ :237:

 

اللہ معاف کرے۔

مجھے تو بھولپن سے زیادہ علاماتِ قربِ قیامت لگتی ہیں :176:

 

:201: :135: :201:

 

اگر یہ بھولپن ہے تو کھوچلپن کیا ہوتا ہے ؟؟ :shock: