ان ﷺ کی نسبت سے ہوئی جاتی ہے ممتاز بہت ۔۔ محمد عمران شریف

ان ﷺ کی نسبت سے ہوئی جاتی ہے ممتاز بہت
اپنی قسمت پہ نہ کیونکر ہو ہمیں ناز بہت

عنچہِٕ دل ہے ترو تازہ غمِ عصیاں میں
کیونکہ آقا ﷺ کی طبیعت ہے کرم ساز بہت

دامنِ جود و سخا ، چشم کرم، خاکِ پا
ہیں مدینے میں مرے واسطے اعزاز بہت

حیطہِٕ خواب سجاتے رہیں آقا ﷺ آ کر
خوش نصیبی کے لیے اتنی ہے پرواز بہت

نور فردوس یہاں مہر و مہ و تارے بھی
خاک طیبہ میں پڑے دیکھے ہیں اعجاز بہت

کہیں وحدت کی تجلی کہیں یزداں کی زباں
ہیں جدا صاحبِ قرآن ﷺ کے انداز بہت

نامِ احمد ﷺ کی صدا جب سے لگائی عمران
تب سے ہی رقص مسلسل میں ہے آواز بہت
------
محمد عمران شریف
​

 

ان ﷺ کی نسبت سے ہوئی جاتی ہے ممتاز بہت
اپنی قسمت پہ نہ کیونکر ہو ہمیں ناز بہت​

 

سبحان اللہ & جزاک اللہ

 

اللہ تعالیٰ آپ کو بھی جزائے خیر عطا کرے آمین