ان ہائوس تبدیلی کی صورت میں شاہ محمود قریشی کا نام آیا تو غور کریں گے: رانا ثناء اللہ

ان ہائوس تبدیلی کی صورت میں شاہ محمود قریشی
کا نام آیا تو غور کریں گے: رانا ثناء اللہ
پاکستان مسلم لیگ (ن) پنجاب کے صدر رانا ثناء اللہ نے کہا ہے کہ ''ان ہائوس تبدیلی کی صورت میں شاہ محمود قریشی کا نام آیا تو غور کریں گے‘‘ چنانچہ ہم نے دانہ ڈال دیا ہے‘ اب دیکھنا یہ ہے کہ وہ اسے چگتے ہیں یا نہیں۔ ویسے بھی‘ دانے دانے پر مہر ہوتی ہے‘ اس لیے انہیں اس دانے پر اپنی مہر تلاش کرنے میں دیر نہیں کرنی چاہیے‘ جبکہ ان کی خواہش وزیراعلیٰ پنجاب بننا تھی‘ جو وزارت عظمیٰ کے مقابلے میں پرِ کاہ کی بھی حیثیت نہیں رکھتی اور وہ اپنے نفع و نقصان کو بخوبی سمجھتے ہیں اور اگر نہیں سمجھتے تو ہم انہیں سمجھانے کے لیے یار ہیں اور یہ مشورہ مفت ہوگا؛ حالانکہ ہم کوئی کام بھی مفت میں نہیں کرتے‘ جبکہ ویسے بھی یہ فری لنچ کا زمانہ نہیں۔آگے ان کی اپنی مرضی ہے‘ کیونکہ ہم اپنے خلوصِ نیت کا مظاہرہ‘ اسی طرح کر سکتے تھے ‘جبکہ عمران خان کو ڈپٹی پرائم منسٹر بنایا جا سکتا ہے اور امید ہے کہ وہ اس پر راضی بھی ہو جائیں گے۔ آپ اگلے روز مسلم لیگ (ن )سیکرٹریٹ میں پریس کانفرنس سے خطاب کر رہے تھے۔
سرخیاں ‘متن اور منتخب شعر و شاعری
ظفر اقبال
کے کالم سے انتخاب​