انہیں ﷺ خبر ہے لبوں پر صدا ضروری نہیں ۔۔ محمد عمران شریف

انہیں ﷺ خبر ہے لبوں پر صدا ضروری نہیں
دعا کےواسطے حرف دعا ضروری نہیں

فقیر لوگوں کو بس آسرا حضور ﷺ کا ہے
میں کس طرح یہ کہوں کہ سخا ضروری نہیں

زباں پہ جاری ہو اسمِ حضور ﷺ پاک کا ورد
تو حبس کچھ نہیں کہتا ہوا ضروری نہیں

خدا کو مانا گیا آپ ﷺ کے وسیلے سے
وگرنہ لوگ یہ کہتے خدا ضروری نہیں

حضور ﷺ آپ یہ کہہ دیں کہ ہم تمہارے ہیں
تو غیر کا ہمیں کچھ آسرا ضروری نہیں

حضور ﷺ حال جو بیمار کا اگر پوچھیں
قسم خدا کی شفا ہو , دوا ضروری نہیں

کہا حضور ﷺ کا عمران مجھ کو کافی ہے
کسی بھی اور کا مجھ کو کہا ضروری نہیں
------
محمد عمران شریف​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

فقیر لوگوں کو بس آسرا حضور ﷺ کا ہے
میں کس طرح یہ کہوں کہ سخا ضروری نہیں​

 

کہا حضور ﷺ کا عمران مجھ کو کافی ہے
کسی بھی اور کا مجھ کو کہا ضروری نہیں
------​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین