انھیں اب کَروں میں بیاں کیسے کیسے ۔بلال رشید

انھیں اب کَروں میں بیاں کیسے کیسے
کہ مولا ہیں تیرے نِشاں کیسے کیسے
تری حمد کرتے ھوئے یا الٰہی
ھوئے راز مجھ پر عیاں کیسے کیسے
اُسی کے کَرم سے اُسی کی عَطا سے
مَزے لُوٹتی ہے زُباں کیسے کیسے
ہُوا جو غَضب اُس کا طاری تو دیکھو
فَنا ہو گئے حُکمراں کیسے کیسے
کَریں غور تو بزمِ ہَستی میں ہَر سُو
ہیں اِک بے نِشاں کے نِشاں کیسے کیسے
مَریضوں کی خاطر بنا کر وَسیلے
کِھلاتا ہے وہ مہرباں کیسے کیسے
رَسولوں ، اِماموں، صحابہ کی صورت
ہیں توحید کے ترجماں کیسے کیسے
تِلاوت میں ، حج میں ، نماز و اذاں میں
ہیں حَمد و ثَنا کے بیاں کیسے کیسے
بلال اکبر و عون و قاسم کی صورت
کٹے راہ ۔حق میں جواں کیسے کیس
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین