انقلابی شاعری

یہ غزل میرے سب سے پیارے دوست اظہار احمد کی ہے ویسے تو اُن کی سبھی شاعری بے مثال ہے میں اُس میں سے ایک انقلابی غزل آپ لوگوں‌کی اور ہماری اردو کی خدمت میں پیش کرتا ہوں ۔ امید ہے آپ کو بہت پسند آئے گی۔
سبھی منتظر ہیں

سبھی منتظر ہیں کہ آئے کوئی
قیدِ دوراں سے ہم کو چھڑائے کوئی

ہم ہیں محرومِ ذوقِ تماشا سبھی
غیر کے آگے دھرتے ہیں کاسہ سبھی

ہم کہ مجبور ہیں ، نارسا تو نہیں
زخم گہرا سہی ، لادوا تو نہیں

قید میں ہے زباں ، بے صدا تو نہیں
قفس تاریک ہے ، بے صدا تو نہیں

اِن ہواوں‌پہ تحریریں لکھ چھوڑءیے
اپنی آہوں سے زنجیریں سب توڑئیے

آندھیوں‌ کے گلے میں قبا ڈالئے
خرمنِ بے بسی اب جلا ڈالئے

خود سہارا بنیں‌ اپنا پھر بات ہے
غیرتِ ہستی کی یہی سوغات ہے

تیز رَو کارِ‌دنیا چلا جاتا ہے
ہم پہ قرضِ‌زمانہ بڑھا جاتا ہے

اظہار احمد​

 

بہت خوب اور واقعی انقلابی کلام ہے۔

میں لفظ “ آہوں “ کی جگہ “جذبوں“ کو ترجیح دوں گا۔

اِن ہواؤں‌ پہ تحریریں لکھ چھوڑئیے
اپنے جذبوں سے زنجیریں سب توڑئیے​

کیونکہ آہیں بھرنا اور ٹسوے بہانا بےحوصلہ لوگوں کا کام ہے۔ جبکہ حوصلہ مند لوگ جذبہ سے سرشار ہوتے ہیں۔

 

اقبال تیرے دیس کا کیا حال سناوں

اقبال تیرے دیس کا کیا حال سناؤں
دہقان تو مرکھپ گیا اب کس کو جگاؤں
ملتا ہے کہاں خوشہٰ گندم کہ جلاؤں
شاہین کا ہے گنبدشاہی پہ بسیرا
کنجشک فرومایہ کو اب کس سے لڑاؤں
اقبال تیرے دیس کا کیا حال سناؤں

ہر داڑھی میں تنکا ہے،ہر ایک آنکھ میں شہتیر
مومن کی نگاہوں سے بدلتی نہیں تقدیر
توحید کی تلوارسے خالی ہیں نیامیں
اب ذوق یقیں سے نہیں کٹتی کوئی زنجیر
اقبال تیرے دیس کا کیا حال سناؤں
شاہیں کا جہاں آج گرگس کا جہاں ہے
ملتی ہوئی ملاّ سے مجاہد کی اذاں ہے
مانا کہ ستاروں سے بھی آگے ہیں جہاں اور
شاہیں میں مگر طاقت پرواز کہاں ہے
اقبال تیرے دیس کا کیا حال سناؤں

مرمر کی سلوں سے کوئی بے زار نہیں ہے
رہنے کو حرم میں کوئی تیار نہیں ہے
کہنے کو ہر اک شخص مسلمان ہے،لیکن
دیکھو تو کہیں نام کو کردار نہیں ہے
اقبال تیرے دیس کا کیا حال سناؤں

بیباکی و حق گوئی سے گھبراتا ہے مومن
مکاری و روباہی پہ اتراتا ہے مومن
جس رزق سے پرواز میں کوتاہی کا ڈرہو
وہ رزق بڑے شوق سے اب کھاتا ہے مومن
اقبال تیرے دیس کا کیا حال سناؤں

پیدا کبھی ہوتی تھی سحر جس کی اذاں سے
اس بندہ مومن کو میں اب لاؤں کہاں سے
وہ سجدہ زمیں جس سے لرز جاتی تھی یارو!
اک بار تھا ہم چھٹ گئے اس بارگراں سے
اقبال تیرے دیس کا کیا حال سناؤں

جھگڑے ہیں یہاں صوبوں کے ذاتوں کے نسب کے
اگتے ہیں تہ سایہٰ گل خار غضب کے
یہ دیس ہے سب کا مگر اس کا نہیں کوئی
اس کے تن خستہ پہ تو اب دانت ہیں سب کے
اقبال تیرے دیس کا کیا حال سناؤں

محمودوں کی صف آج ایازوں سے پرے ہے
جمہور سے سلطانی جمہور ڈرے ہے
تھامے ہوئے دامن ہے یہاں پر جو خودی کا
مرمرکے جئے ہے کبھی جی جی کے مرے ہے
اقبال تیرے دیس کا کیا حال سناؤں

دیکھو تو ذرا محلوں کے پردوں کو اٹھا کر
شمشیر و سناں رکھی ہیں طاقوں پہ سجا کر
آتے ہیں نظر مسند شاہی پہ رنگیلے
تقدیر امم سو گئی طاوٰس پہ آ کر
اقبال تیرے دیس کا کیا حال سناؤں

مکاری و عیاری و غداری و ہیجان
اب بنتا ہے ان چار عناصر سے مسلمان
قاری اسے کہنا تو بڑی بات ہے یارو!
اس نے تو کبھی کھول کے دیکھا نہیں قرآن
اقبال تیرے دیس کا کیا حال سناؤں

کردار کا گفتار کا اعمال کا مومن
قائل نہیں ایسے کسی جنجال کامومن
سرحد کا ہے مومن کوئی بنگال کا مومن
ڈھونڈے سے بھی ملتا نہیں قرآن کا مومن
اقبال تیرے دیس کا کیا حال سناؤں​

 

کبھی رحمتیں تھیں نازل

میں یہ کس کے نام لکھّوں جو الم گزر رہے ہیں
مرے شہر جل رہے ہیں مرے لوگ مر رہے ہیں

کوئی غنچہ ہو کہ گُل ہو کوئی شاخ ہو شجر ہو
وہ ہوائے گُلستاں ہے کہ سبھی بکھر رہے ہیں

کبھی رحمتیں تھیں نازل اسی خطّہء زمیں پر
وہی خطہء زمیں ہے کہ عذاب اتر رہے ہیں

وہی طائروں کے جھرمٹ جو ہَوا میں جھولتے تھے
وہ فضا کو دیکھتے ہیں تو اب آہ بھر رہے ہیں

بڑی آرزو تھی ہم کو نئے خواب دیکھنے کی
سو اب اپنی زندگی میں نئے خواب بھر رہے ہیں

کوئی اور تو نہیں ہے پس ِ خنجر آزمائی
ہمیں قتل ہو رہے ہیں، ہمیں قتل کر رہے ہیں​

 

اسے انقلابی شاعری کی بجائے مرثیہ نگاری کہنا چاہیئے

اسے انقلابی شاعری کی بجائے مرثیہ نگاری کہنا چاہیئے کیونکہ اس میں افراداور قوم کی ناکامی کا رونا رویا گیا ہے۔

 

عرفان بھائی آپ کی بات میں کچھ وزن تو لگتا ہے(بلکہ حب الوطنی کا عنصر بھی نظر آتا ہے کہ آپ شاید شکایت کی بجائے عمل پر توجہ دلانے والی کاوشوں کو دیکھنے کے خواہاں ہیں) مگر ہماری ناقص رائے میں مرثیہ ان پر کہا جاتا ہے جو گزر چکے ہوں اور ان پر رونے اور ان کی خوبیاں بیان کرنے کے سوا اب کوئی چارہ نہ ہو۔ اگر آپ سمجھتے ہیں کہ ہم بحیثیتِ قوم بالکل فنا ہو چکے ہیں‌ اور عبیداللہ علیم کا یہ کلام ہمارے مقبرے پر پڑھا جا رہا ہے تو پھر واقعی یہ مرثیہ ہو گا۔ بصورتِ دیگر،کسی انقلاب کے پیچھے جو احساسِ زیاں کار فرما ہو سکتا ہے اس احساس کو اجاگر کرنے والی (بلکہ اس کی طرف اشارہ تک کرنے والی) تمام کاوشوں کو انقلابی کہنا شاید اتنا غلط نہ ہو گا۔

وائے ناکامی متاعِ کارواں جاتا رہا
کارواں کے دل سے احساسِ زیاں جاتا رہا

(یہ صرف ہماری رائے ہے، آپ کا اس سے متفق ہونا ضروری نہیں)

 

ہر آمر کے دماغ میں گونجنے والی خرافات

میں نے اس سے یہ کہا
یہ جو دس کروڑ ہیں
جہل کا نچوڑ ہیں
ان کی فکر سو گئی
ہر امید کی کرن
ظلمتوں میں کھو گئی
یہ خبر درست ہے
ان کی موت ہوگئی
بے شعور لوگ ہیں
زندگی کا روگ ہیں
اور تیرے پاس ہے
ان کے درد کی دوا

میں نے اس سے یہ کہا
تو خدا کا نور ہے
عقل ہے شعور ہے
قوم تیرے ساتھ ہے
تیرے ہی وجود سے
ملک کی نجات ہے
ہے مہرِ صبح نو
تیرے بعد رات ہے
بولتے جو چند ہیں
سب یہ شرپسند ہیں
ان کا گھونٹ دے گلا

میں نے اس سے یہ کہا
جن کو تھا زباں پہ ناز
چُپ ہیں وہ زباں دراز
چین ہے سماج میں
بے مثال فرق ہے
کل میں اور آج میں
اپنے خرچ پر ہیں قید
لوگ تیرے راج میں
آدمی ہے وہ بڑا
در پہ جو رہے پڑا
جو پناہ مانگ لے
اُس کی بخش دے خطا

میں نے اس سے یہ کہا
ہر وزیر ہر سفیر
بے نظیر ہے مشیر
واہ کیا جواب ہے
تیرے ذہن کی قسم
خوب انتخاب ہے
جاگتی ہے افسری
قوم محوِ خواب ہے
یہ ترا وزیر خاں
دے رہا ہے جو بیاں
پڑھ کے ان کو ہر کوئی
کہہ رہا ہے مرحبا

میں نے اس سے یہ کہا
چین اپنا یار ہے
اس پہ جاں نثار ہے
پر وہاں ہے جو نظام
اس طرف نہ جائیو
اس کو دور سے سلام
دس کروڑ یہ گدھے
جن کا نام ہے عوام
کیا بنیں گے حکمراں
تُو ‘یقین‘ ہے یہ ‘گماں‘
اپنی تو دعا ہے یہ
صدر تو رہے سدا
میں نے اس سے یہ کہا

حبیب جالب​

 

حبیب جالب مرحوم نے جس وقت یہ کلام کہا تھا اس وقت ہم “دس کروڑ “ ہی ہوں گے۔
لیکن ہماری اعلی قومی تعلیم یافتگی ، مستقبل بینی، دوراندیشی اور قومی بصیرت کے پیش نظر چند ہی برسوں میں ہم بےتحاشہ آبادی میں ترقی کرتے ہوئے سولہ کروڑ ہوچکے ہیں۔

اس لیے حبیب جالب مرحوم کی روح سے عرض ہے کہ تصحیح کردیں۔شکریہ

 

لازم ہے کہ ہم بھی دیکھیں گے
وہ دن کہ جس کا وعدہ ہے
ہم دیکھیں گے
جو لوحِ ازل پہ لکھا ہے
ہم دیکھیں گے

جب ظلم و ستم کے کوہِ گراں
روئی کی طرح اُڑ جائیں گے
ہم محکوموں کے پاؤں تلے
یہ دھرتی دھڑ دھڑ‌ دھڑکے گی
اور اہلِ حطم کے سروں پر
اک بجلی کڑ کڑ کڑکے گی
ہم دیکھیں گے
لازم ہے کہ ہم بھی دیکھیں گے

جب ارضِ خدا کے کعبے سے
سب بت اٹھوائے جائیں گے
ہم اہلِ صفا ، مردودِ حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے
ہم دیکھیں گے
لازم ہے کہ ہم بھی دیکھیں گے

بس نام رہے گا اللہ کا
جو غائب بھی ہے حاضر بھی
جو منظر بھی ہے ناظر بھی
اٹھے گا انا الحق کا نعرہ
جو میں بھی ہوں اور تم بھی ہو
اور راج کرے گی خلقِ خدا
جو میں بھی ہوں اور تم بھی ہو

ہم دیکھیں گے
لازم ہے کہ ہم بھی دیکھیں گے

(شاعر کا نام معلوم نہیں۔ اگر کسی کو معلوم ہوتو پلیز لکھ دیجئے۔ شکریہ )

 

انشاءاللہ
واہ واہ نعیم بھیا۔ نظم پڑھ کر جی خوش ہو گیا :a165:

 

یہ فیض احمد فیض کا کلام ہے

میں اس کو اس طرح لکھنا پسند کروں گا
ارضِ خدا کے کعبے سے
جب سب بت ہم اٹھوائیں گے
ہم اہلِ صفا ، منظورِ حرم
مسند پر منصف دیکھیں گے
انقلاب کے رستے سے جیتیں گے
شارٹ کٹ کوئی نیہں ماریں گے
تخت یا تختہ کردیں گے
ہم دیکھیں گے

 

احمد ندیم قاسمی کی ایک غزل ابھی ابھی کسی اور لڑی میں‌بھی پوسٹ کی ہے۔ لیکن مجھے لگا کہ یہ انقلابی لڑی اسکے لیے زیادہ موزوں ہے۔

[center:27i578gc]اندھیری رات کو یہ معجزہ دکھائیں گے ہم
چراغ اگر نہ جلا تو دل کو جلائیں گے ہم

ہماری کوہ کنی کے ہیں مختلف معیار
پہاڑ کاٹ کے رستے نئے بنائیں گے ہم

جنونِ عشق پہ تنقید اپنا کام نہیں
گلوں کو نوچ کے کیوں تتلیاں اڑائیں گے ہم

بہت نڈھال ہیں سستا تو لیں گے پل دوپل
الجھ گیا کہیں دامن تو کیوں چھڑائیں گے ہم

اگر ہے موت میں کچھ لطف تو بس اتنا ہے
کہ اسکے بعد خدا کا سراغ پائیں گےہم

ہمیں تو قبر بھی تنہا نہ کرسکے گی ندیم
کہ ہرطرف سے زمیں کو قریب پائیں گےہم

(احمد ندیم قاسمی)[/center:27i578gc]

 

[dropshadow=blue:296q6r9y]

چلو ساری زمیں کھودیں
اور اس میں اپنے دل بو دیں
کریں‌سیراب اسکو آرزووں کے پسینے سے
کہ اس بے رنگ جینے سے
نا میں‌خوش ہوں
نا تم خوش ہو
نا ہم خوش ہیں۔​

[/dropshadow:296q6r9y]

 

نہ ڈرو کہ ضرورت پڑی
تو ہم دیں گے
جگر کا خون
چراغوں میں جلانے کے لئے

پاکستان زندہ باد​

 

بہت خوب!!! اللہ تعالی ہمیں توفیق دے۔ جیسے کسی نے کہا تھا کہ مجھے یہ فکر نہیں کہ یہ ملک کیسے چلے گا، مجھے یہ فکر ہے کہ کہیں ایسے ہی نہ چلتا رہے۔

 

بھائ جی اللہ تعا لٰی وہی دیتا ہے جو انسان مانگتا ہے اسلئے ہمیں‌ہمیشہ خیر اور بھلائی کی توقع کرنی چاہئے، اور جہاں تک اس ملک کی بات ہے، تو یہ ملک کوئی نہیں صرف اللہ رب العزت چلا رہے ہیں اپنی رحمت سے اور جو کچھ یہاں‌ہو رہا ہے یہ سب ہمارے اپنے اعمال اور نا شکری کا نتیجہ ہے۔

حالات کے قدموں میں
قلندر نہیں‌گرتا
ٹوٹے جو ستارہ تو
زمیں پر نہیں گرتا
گرتے ہیں‌بڑے شوق سے
سمندر میں‌دریا
لیکن کسی دریا میں سمندر
نہیں گرتا

:titli: :titli: :titli: :titli: :titli: :titli:

 

اچھی بات کہی
شاعری بھی اچھی ہے :a165:

 

بہت خوبصورت بات کہی، وجدان بھائی۔ بے شک، حالات کے قدموں میں قلندر نہیں گرتا۔

 

حسن مجتبییٰ کے بلاگ سے ماخوذ

کچھ شاعر جیتے جی عظیم ہوتے ہیں۔ انکی شاعری لوک شاعری بن جاتی ہے۔ احمد فراز بھی عہد حاضر کے ایک ایسے شاعر ہیں۔ میں جب ٹین ایج میں تھا تو انکی ایک نظم "اسمگل" ہوکر پاکستان کے کونے کھدرے میں خوشبو کی طرح پھیلی ہوئی تھی۔ پاکستان پر ضیاءالحق سوار تھے اور فراز کی اس نظم کو کوئی 'پیشہ ور قاتلوں سے خطاب' کا عنوان دیتا تھا تو کوئی کچھ اور۔

احمد فراز مرحوم کی اس احتجاجی یا باغیانہ نظم کے کچھ بند اسطرح ہیں:

میں نے اکثر تمہارے قصیدے لکھے
اور آج اپنے نغموں سے شرمندہ ہوں
پابہ زنجیر یاروں سے نادم ہوں میں
اپنے گیتوں کی عظمت سے شرمندہ ہوں
سرحدوں نے کبھی جب پکارا تمہیں
آنسووں سے تمہیں الوداعیں کہیں
تم ظفرمند تو خير کیا لوٹتے
ہار کر بھی نہ جی سے اتارا تمہیں
جس جلال و رعونت سے وارد ہوئے
کس خجالت سے تم سوئے زنداں گئے
تیغ در دست وکف در دہاں آئے تھے
طوق در گردنوں پابہ جولاں گئے
سینہ چاکان مشرق بھی اپنے ہی تھے
جنکا خوں منہ کو ملنے کو تم آئے تھے
مامتائوں کی تقدیس کو لوٹنے
یا بغاوت کچلنے کو تم آئے تھے
انکی تقدیر تم کیا بدلتے مگر
انکی نسلیں بدلنے کو تم آئے تھے
جیسے برطانوی راج میں ڈوگرے
جیسے سفاک گورے تھے ویتنام میں
تم بھی ان سے ذرا مختلف تو نہیں
حق پرستوں پہ الزام انکے بھی تھے
وحشیوں سے چلن عام انکے بھی تھے
رائفلیں وردیاں نام انکے بھی تھے
آج سرحد سے پنجاب و مہران تک
تم نے مقتل سجائے ہیں کیوں غازیو
اتنی غارتگری کس کے ایما پر ہے
کس کی خاطر ہے یہ کشت و خوں غازیو
کس شہنشاہ عالی کا فرمان ہے
کس کے آگے ہو تم سرنگوں غازیو
آج شاعر پہ ہی قرض مٹی کا ہے
اب قلم ميں لہو ہے سیاہی نہیں۔
آج تم آئینہ ہو میرے سامنے
پیشہ ور قاتلو تم سپاہی نہیں- '

 

بہت خوب۔

 

فیض کا انقلابی کلام پیش ہے


یہ گلیوں کے آوارہ بےکار کُتے
کہ بخشا گیا جن کو ذوقِ گدائی

زمانے کی پھٹکار سرمایہ اُن کا
جہاں بھر کی دھتکار ، ان کی کمائی

نہ آرام شب کو، نہ راحت سویرے
غلاظت میں گھر، نالیوں میں بسیرے

جو بِگڑیں تو اک دوسرے سے لڑا دو
ذرا ایک روٹی کا ٹکڑا دکھا دو

یہ ہر ایک کی ٹھوکریں کھانے والے
یہ فاقوں سے اکتا کے مر جانے والے

یہ مظلوم مخلوق گر سر اٹھائے
تو انسان سب سرکشی بھول جائے

یہ چاہیں تو دنیا کو اپنا بنا لیں
یہ آقاؤں کی ہڈیاں تک چبا لیں

کوئی ان کو احساسِ ذلت دلا دے
کوئی ان کی سوئی ہوئی دم ہلا دے

۔۔۔ فیض احمد فیض ۔۔۔

 

واہ

 

واہ بہت خوب منّے۔ :a165:

 

بہت خوب

 

واہ ۔ بہت خوب طنزیہ کلام ہے۔
کاش ہم بطور قوم اپنی اہمیت و وقعت کا احساس کرلیں۔

 

نیا سال اچھا ہے

ا ک برہمن نے کہا ہے کہ یہ سال اچھا ہے
نئے وعدوں کا جو ڈالا ہے وہ جال اچھا ہے

ظلم کی رات بہت جلد ڈھلے گی
آگ چولہوں میں ہر ا ک روز جلے گی

بھوک کے مارے کوئی بچہ نہیں روئے گا
چین کی نیند ہر ا ک شخص یہاں سوئے گا

آندھی نفرت کی چلے گی نہ کہیں اب کے برس
پیار کی فصل اگائے گی زمیں اب کے برس

ہے یقیں اب نہ کوئی شور شرابہ ہو گا
ظلم ہو گا نہ کہیں ، خون خرابہ ہو گا

اوس اور دھوپ کے صدمے نہ سہے گا
کوئی اب میرے دیس میں بے گھر نہ رہے گا

را ہنماؤں نے کہا ہے کہ یہ سال اچھاہے
دل کے بہلانے کوغالب یہ خیال اچھاہے

شاعر : صابر دت​

 

اچھا کلام ھے

 

یہ ڈھونگ اہل سیاست رچائے رکھیں گے
"گھروں* میں آگ ہمارے لگائے رکھیں گے

کبھی تو مرتبہ سچ کا بھی جان لیں گے لوگ
لبوں پہ جھوٹ کو کب تک سجائے رکھیں گے

جو آگ اہل سیاست لگا رہے ہیں بھلا
"گھروں* کو اپنے وہ کب تک بچائے رکھیں گے

اسی سے ہم نے سنواری ہے زندگی اپنی
تمھارے درد کو دل سے لگائے رکھیں گے

کسی کی یاد میں سلوک دنیا کا
بھلائے رکھا ہے ہم بھلائے رکھیں گے

نڈھال ہوکے بھی رنج و الم سے [highlight=#FFFFFF:3akro8a4]اے فرح[/highlight:3akro8a4]
خوشی کے ہاتھ میں پرچم اٹھائے رکھیں گے​

 

اچھی شاعری ھے