انعام کیا مجھ پہ عجب شاہِ عرب نے ۔۔ مقصود علی شاہ

انعام کیا مجھ پہ عجب شاہِ عرب نے
مدّاحِ نبیﷺ کہہ کے پکارا مجھے سب نے

اُس خواب کے آنگن سے نکلتے نہیں لمحے
کس کیفِ مسلسل سے نوازا تری چھب نے

مدحت تو ہے بس آپ کا ہی اذنِ گرامی
لفظوں کا ہُنر، گرچہ سکھایا مجھے رب نے

ممکن تو بہت تھا کہ تری جالی کو چھُو لوں
روکے ہی رکھا مجھ کو مری حدِ ادب نے

اب کیسے کوئی اور سخن راستہ پائے
جس دھج سے نوازا ہے تری نعتِ طرب نے

فرحت سی اُتر آئی مرے پُورے بدن میں
حالانکہ ترا نام فقط چُوما تھا لب نے

وہ دستِ عطا خُو ابھی مائل بہ کرم تھا
کوتاہ رکھا مجھ کو مری اپنی طلب نے

فائق ہے بشر زاد تری نسبتِ عالی
بخشے ہیں شرف سارے ترے نام و نسب نے

امکان میں ڈھل آئے سبھی وصل اُجالے
مقصود عجب رنگ لکھے ساعتِ شب نے
-----
مقصود علی شاہ
Maqsood Ali Shah
​

 

انعام کیا مجھ پہ عجب شاہِ عرب نے
مدّاحِ نبیﷺ کہہ کے پکارا مجھے سب نے​

 

اُس خواب کے آنگن سے نکلتے نہیں لمحے
کس کیفِ مسلسل سے نوازا تری چھب نے​

 

ممکن تو بہت تھا کہ تری جالی کو چھُو لوں
روکے ہی رکھا مجھ کو مری حدِ ادب نے​

 

فرحت سی اُتر آئی مرے پُورے بدن میں
حالانکہ ترا نام فقط چُوما تھا لب نے​

 

فائق ہے بشر زاد تری نسبتِ عالی
بخشے ہیں شرف سارے ترے نام و نسب نے​

 

امکان میں ڈھل آئے سبھی وصل اُجالے
مقصود عجب رنگ لکھے ساعتِ شب نے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین