امپائرنگ اینڈ میچ ریفریز ورکشاپ، 9 خواتین امپائرز کا انتخاب

امپائرنگ اینڈ میچ ریفریز ورکشاپ، 9 خواتین امپائرز کا انتخاب

پی سی بی امپائرز اینڈ میچ ریفریز ورکشاپ میں شرکت کیلئے نو خواتین امپائرز کا انتخاب کر لیا گیا۔ قذافی سٹیڈیم پر ہونے والی تین روزہ ورکشاپ میں پانچ خواتین امپائرز نے شرکت کی۔

میڈیا رپورٹ کے مطابق آئی سی سی ایلیٹ پینل امپائر علیم ڈار، احسن رضا اور آصف یعقوب نے شرکا کو لیکچرز دئیے۔ علیم ڈار نے کہا کہ خواتین امپائرز دوسروں کیلئے رول ماڈل اور قومی کرکٹ کا سرمایہ ہیں، ان کی حوصلہ افزائی کرنے کی ضرورت ہے۔

انھوں نے مزید کہا کہ خواتین امپائرز جتنے زیادہ میچز سپروائز کریں گی، ان کی کارکردگی میں نکھار آئے گا۔ ورکشاپ کا حصہ بننے والی امپائرز نے کہا کہ انٹرنیشنل امپائرز کا تجربہ اور رہنمائی ہمارے کام آئے گی۔​