الہٰی صاحبِ تمجید ہے تو ۔۔ حسین سحرؔ

حمد باری تعالیٰ​

الہٰی صاحبِ تمجید ہے تو
خدایا لائقِ تحمید ہے تو

یگانہ ، منفرد یکتا و تنہا
کہ اصلِ معنیِ توحید ہے تو

تری ہی کبریائی کو بقا ہے
کہ دائم زندہ جاوید ہے تو

نہیں ہے مثل تیری دو جہاں میں
خود اپنی ذات کی تائید ہے تو

ہے تو ہی لاشریک و لامکانی
سراسر صورتِ تجرید ہے تو

تری ہے ہستی ہے منبع روشنی کا
کہ خلاقِ مہ و خورشید ہے تو

ابد کی شام کی تو انتہا ہے
ازل کی صبح کی تمہید ہے تو

ہماری زیست کا پہل سہارا
ہماری آخری امید ہے تو
------
حسین سحرؔ
مجموعہ نعت ﷺ " تجلی "​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین