الف سے شروع ہونے والے اشعار

اس لڑی میں صرف “الف“ سے شروع ہونے والے اشعار شیئر کرنے ہیں۔

 

اس دشت بے وفائی میں جائیں كہاں كہ ہم
ہیں اپنے آپ سے كوئی وعدہ كیے ُہوئے

 

اٹک کے رہ گیا پلکوں پہ خواب ایسا تھا
ھزار طرح سے خود کو جگا کے دیکھ لیا

 

اے دوست تجھ پہ رات یہ بھاری ہے جس طرح
ہم نے تمام عمر گزاری ہے اس طرح

 

انداز اپنا دیکھتے ہیں آئنے میں وہ
اور یہ بھی دیکھتے ہیں کوئی دیکھتا نہ ہو

 

اب یاد رفتگاں کی بھی ہمت نہیں رہی
یاروں نے کتنی دور بسائ ہیں بستیاں
فراق گو رکھپوری

 

آپ کی یاد آتی رہی رات بھر
چشم نم مسکراتی رہی رات بھر

 

اپنے مرکز کی طرف مائل پرواز تھا حسن
بھولتا ہی نہیں عالم تیری انگڑائ کا
عزیز لکھنوی

 

آیا یہ کون سایۂ زلف دراز میں
پیشانئ سحر کا اجالا لیے ہوئے

 

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم

 

اللہ رے حسنِ یار کی خوبی کہ خود بخود
رنگینیوں میں ڈوب گیا پیرہن تمام (حسرت موہانی)

 

ایک بس تم ہی نہیں رات کے گھائل فرحت
خاک اڑتی ہے ہماری بھی ادھر شام کے بعد
فرحت عباس شاہ

 

آپ کو آتا رہا میرے ستانے کا خیال
صلح سے اچھی رہی مجھ کو لڑائی آپ کی

 

اس لیے برخاستہ دل بزم دلبر سے ہوئے
جس کے پروانے تھے ہم وہ رونق محفل نہ تھا

 

آنکھیں جلتی ہیں تپ فرقت سے
آمری آنکھ کی ٹھنڈک آجا
مسرور

 

آنکھیں تلووں سے لگاتا ہوں تو وہ از رہ ناز
سرہٹاتا ہے پرے مار کے ٹھوکر میرا
جرأت

 

اب تو بسم اللہ کر قاتل کہ بسمل نے ترے
پاؤں پر سر رکھ دیا خنجر برابر رکھ دیا

 

اک لطف کی نگہ بھی ہم نے نہ چاہی اُس سے
رکھا ہمیں تو اُن نے آنکھیں دکھا دکھا کر
میر تقی میر

 

اب تو ہے راکھ کی ایک مُٹھی، یہ دل
جو ہوا سے لڑا تھا دیا اور ہے!
امجد اسلام امجد