ان کے وعدوں پر اعتبار نہیں کیوں کہ ظاہر ہے ان کو پیار نہیں آ بھی جائیں اگر منانے کو اب تو دل پر کچھ اختیار نہیں عادتیں سب خراب ہیں انکی وہ تو عزت کا پاسدار نہیں بھول بھی جائے تو نہیں ہے غم مرا کسی پر انحصار نہیں دل ملانے کی بات نا کرنا اب مرا دل بھی بے قرار نہیں لو لگا تے ہیں جو بھی مولا سے ان کا دنیاسے سروکار نہیں پیار شرطوں پر آگیا ہے گُل اب کسی پر بھی اعتبار نہیں زنیرہ گل
اُن کے وعدوں کا اعتبار نہیں ۔۔۔۔۔۔۔۔۔۔۔۔۔۔۔صاف ظاہر ہے مجھ سے پیار نہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پہلے مصرعے میں لفظ ۔۔۔۔اُن۔۔۔ یعنی اُن کے وعدوں ۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دوسرے مصرعے میں بھی ۔۔اُن۔۔۔یعنی اُن کو پیار ۔۔۔۔۔۔۔۔۔۔ ۔۔۔تو دونوں مصرعوں میں ایک ہی لفظ کی تکرار مناسب نہیں ۔اِ سے علمائے ادب عجزبیانی سے تعبیر کرتے ہیں یعنی شاعر قحط الالفاظ سے دوچار ہے مگر ۔۔۔۔۔۔۔۔۔۔یہاں دونوں مصرعوں میں ایک ہی جیسے لفظ ۔۔۔۔۔اُن ۔۔۔۔۔کے درمیان خاصا فاصلہ ہے تو امید ہے اس عیب کو گوارہ کرلیا جائے۔۔۔۔۔۔۔۔۔۔۔۔۔۔ (تبصرہ)پہلا مصرع بہت خوبصورت ، مبنی بر حقیقت اور بے ساختہ ہے ،جس کی داد اور شاباش پڑھنے اور سننے والے پر لازم آتی ہے۔مگر دوسرامصرع جو پہلے مصرعے کے لیے دلیل کا کام کرتا یا جواب بن جاتا وہ بجائے دلیل کے اعتراض اور جواب کی جگہ یہ سوال اٹھا رہا ہے ۔۔۔۔۔کہ کیا اُن میں محبت اور پیار کی خُو ہی موجود نہیں ہے ؟اِس سوال کو پیدا ہونے سے روکنے کے لیے غالباً یہاں براہِ راست کہہ دیا جاتا : صاف ظاہر ہے مجھ سے پیار نہیں تو شعر یوں ہوجاتا: اُن کے وعدوں کا اعتبار نہیں صاف ظاہر ہے مجھ سے پیار نہیں۔۔۔۔۔۔۔۔یا۔۔۔۔۔۔۔۔ہاں اُنھیں مجھ سے کوئی پیار نہیں۔۔۔یا۔۔۔کیوں نہ کہہ دوں کہ مجھ سے پیار نہیں۔۔۔یا ۔۔۔کیوں نہ سمجھوں کہ مجھ سے پیار نہیں اور۔۔۔۔۔۔۔۔اگر یہی کہنا چاہتی ہیں کہ وہ پیار کی رسم و ریت سے ہی نابلد ہیں تو پھر تھوڑا اور غورو فکر کرکے دوسرا مصرع کہیں۔۔۔۔ ان کے وعدوں کا اعتبار نہیں پھر بھی ہم یاس سے دو چار نہیں۔۔۔۔۔۔۔۔یا ۔۔۔۔۔یاس کا پھر بھی ہم پہ بار نہیں۔۔۔۔۔۔یا۔۔۔۔۔۔یاس سے پھر بھی ہم دوچار نہیں
آ بھی جائیں اگر منانے کو۔۔۔۔۔۔۔۔۔۔۔۔۔۔۔۔۔کون؟ اِس معمے کو یوں حل کیا جاسکتا ہے: آبھی جائیں اگر منانے وہ اب تو دل پر کچھ اختیار نہیں۔۔۔۔۔۔۔۔۔۔۔۔۔کس کو؟ مجھ کو دل پر کچھ اختیار نہیں اب یہ شعر یوں ہوجائے گا: آبھی جائیں اگر منانے وہ مجھ کو دل پر کچھ اختیار نہیں
پہلے مصرعے کو دیکھیں۔۔۔۔۔۔۔۔۔اُن کی۔۔۔۔۔۔۔(عادتیں سب خراب ہیں اُن کی) دوسرے مصرعے پر نظر کیجیے۔۔۔۔۔۔۔۔۔۔عزت کا پاس دار نہیں۔۔۔۔۔۔(وہ تو عزت کا پاسدار نہیں) پہلے مصرعے میں ہونا چاہیے تھا ۔۔۔۔۔۔۔۔۔۔۔اُس کی ۔۔۔۔۔۔۔تب دوسرے مصرعے کا یہ ٹکڑا ۔۔۔۔۔عزت کا پاس دار نہیں ۔۔۔۔۔چل جاتا لیکن ابھی یہ طرزِ ادا شترگربگی یعنی اونٹ کے گلے میں بلی کی طرح ہے۔۔۔۔۔۔اِسے یوں کرلیجیے: ۔۔۔۔۔۔۔۔عادتیں سب خراب ہیں اُس کی ۔۔۔۔۔۔۔اپنی عزت کا پاس دار نہیں(حالانکہ یہاں ۔۔۔۔۔۔بھی۔۔۔۔۔یا ۔۔۔۔۔ہی ۔۔۔۔۔۔کی کمی محسوس ہوتی ہے) جبکہ آپ نے کہا: وہ تو عزت کا پاس دار نہیں۔۔۔۔۔۔۔۔۔۔۔۔۔۔تو یہاں ۔۔۔۔۔۔۔وہ تو۔۔۔۔۔۔اضافی لگتا ہے کیونکہ ظاہر ہے کہ پہلے مصرعے میں جس کی بات ہورہی تھی دوسرے مصرعے میں اُسی سے متعلق نتیجہ اخذ یا ۔۔۔۔۔۔۔۔۔۔فیصلہ صادر کیا جارہا ہے ۔ ۔۔۔۔۔۔۔۔۔۔۔اور اگر وہ تو عزت کا پاسدار نہیں میں ۔۔۔۔۔۔۔۔وہ تو۔۔۔۔۔۔۔۔۔پر ہی زور دینا ہے تو پھر یہ بھی واضح کرنا ہوگا کہ وہ کس کی عزت کا پاس دارنہیں اپنی یا کسی اور کی۔۔۔۔۔۔۔۔۔۔۔۔۔۔۔۔اور یہ تمام جھگڑے صاف ہوجائیں اگر شعر کو یوں کرلیں: عادتیں سب خراب ہیں اُس کی اپنی چاہت کا پاس دار نہیں۔۔۔۔۔۔۔۔۔۔یا ۔۔۔۔اپنی جا کا بھی پاسدار نہیں(جا بمعنی مرتبہ و مقام)
دونوں مصرعوں میں باہم ربط کی کمی ہے۔۔۔۔۔ دل ملانے کی بات مت کیجیے۔۔۔۔۔۔۔۔۔۔۔۔۔۔۔۔۔۔نا بطور نہ یا نہیں کیونکر استعمال ہوسکتا ہے؟یہ تو بات کو زوردار بنانے کے لیے کبھی کبھی لایا جاتا ہے جیسے وہ خراب ہے نا۔۔۔۔۔۔یہ بات آپ نے کہی تھی نا۔۔۔۔۔۔۔کل آئیں گے نا۔۔۔۔۔۔اِس لیے میں نے اِسے ۔۔مت۔۔سے بدل دیا ہے: دل ملانے کی بات مت کیجیے ۔۔۔۔۔اب دوسرا مصرع ۔۔۔جب دل سے دل ملانے کی بات کی جارہی ہو تو ظاہر ہے یہ صورتحال دلوں میں ایک دوسرے کے لیے میل یا خرابی ہو تو پیش آتی ہے ، چنانچہ اِسے یوں کیا جاسکتا ہے: گو مرے دل میں کچھ غبار نہیں توشعریوں ہوجائیگا: دل ملانے کی بات مت کیجیے گو مرے دل میں کچھ غبار نہیں
بھول بھی جائے تو نہیں ہے غم۔۔۔۔۔۔۔۔کون بھول جائے ؟ یہ کمی اس طرح پوری کی جاسکتی ہے، شاید: بھول بھی جائے وہ تو کیا غم ہے ۔۔۔۔۔۔۔۔۔۔۔۔۔۔۔مرا کسی پر انحصار نہیں۔۔۔۔۔۔۔؟ بھول بھی جائے وہ تو کیا غم ہے اب مجھے اُس کا انتظار نہیں
لو لگاتے ہیں جو بھی مولا سے ان کا دنیا سے سروکار نہیں۔۔۔۔۔۔۔۔۔۔۔۔۔۔۔۔۔۔۔۔۔یہاں ۔۔۔اُن کا ۔۔۔۔کہنا دُرست نہیں بلکہ ۔۔اُن کو ۔۔۔۔ آئے گا لو لگاتے ہیں جو بھی مولا سے اُن کو دنیا سے سروکار نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔والسلام علیکم!
زنیرہ بی بی جی! غزل کے ضمن میں اِس پیج پر میری طرف سے جو کچھ بھی تجاویز اور آراء کی صورت پیش کیا گیا ہے۔۔۔۔۔۔۔۔میں جانتا ہوں وہ سب ایک استاد یا ماہرفن ِ شعروسخن کے بطور نہیں بلکہ ۔۔۔۔۔۔۔۔۔ اُردو زبان وادب کے ایک ادنیٰ اور ہیچ طالب علم کی حیثیت سے ہے۔چنانچہ رد وقبول کے ساتھ ساتھ اگر یہ سب کچھ آپ کو یا اِس پیج کے پڑھنے والوں کو کچھ نیا کردکھانے کی تحریک دے جائے اور راستہ بناجائے ۔۔۔۔۔۔۔۔۔۔۔۔۔۔۔۔۔۔۔۔۔تو اِس سے بڑھ کر اور کیا ہوگاکہ ہم سب ایک ہیں یعنی طلبائے زبان وادب(خواہ کسی علاقے کے ہوں دنیا کی ہر زبان ہماری زبان ہے ہمیں ہرزبان میں،ہر حال میں محبت کے رنگ رچانے ہیں)
ان کے وعدوں کا اعتبار نہیں کیوں کہ ظاہر ہے ان میں پیار نہیں یا اس کے وعدوں کا اعتبار نہیں اب مرے دل میں اس کا پیار نہیں آ بھی جائیں اگر منانے وہ مجھ کو دل پر کچھ اختیار نہیں عادتیں سب خراب ہیں اس کی اپنی عزت کا پاسدار نہیں بھول بھی جائے وہ تو کیا غم ہے اب مجھے اُس کا انتظار نہیں دل ملانے کی بات ہے بے کار گو مرے دل میں کچھ غبار نہیں لو لگاتے ہیں جو بھی اللہ سے اُن کو دنیا سے سروکار نہیں پیار شرطوں پر آگیا ہے گُل اب کسی کا بھی اعتبار نہیں زنیرہ گل
آ بھی جائے اگر منانے وہ مجھ کو دل پر کچھ اختیار نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو، تیرا ، تجھ ، تجھے ، اُس کا، اُسے،اُس کی(عادتیں سب خراب ہیں اس کی)،اُس کا(اُس کا انتظارنہیں)، ۔۔۔۔۔غزل کی فضا تخاطب اور بطور اِسمِ ضمیر جو بن رہی ہے یا بنی ہے اُس کا تقاضہ تو یہ ہے کہ یہاں بھی ضمیر کے لیےجمع کی بجائے واحد کا صیغہ رہنے دیا جائے یعنی آبھی جائیں کی جگہ آبھی جائے مناسب ہے۔شعر دونوں صورتوں میں دُرست ہے۔
دل ملانے کی بات ہے بے کار۔۔۔۔۔۔۔۔۔۔۔۔دل ملانے کی باتیں ہوتا تو وہ سب بیکار ،لاحاصل اور بے معنی ہوسکتی تھیں۔اُن کےلیے بے کار کا لفظ برمحل تھا۔مصرعے کو یوں بھی کیا جاسکتا ہے ۔۔۔۔دل ملانے کی بات جانے دیں گو مرے دل میں کچھ غبار نہیں
لو لگاتے ہیں جو بھی اللہ سے۔۔۔۔۔۔۔۔۔۔۔۔۔۔۔۔۔یہاں جمع کا صیغہ دُرست ،برمحل اور شایاں ہے اُن کو دنیا سے سروکار نہیں ۔۔دُرست
پیار شرطوں پر آگیا ہے گُل۔۔۔۔۔۔ظاہر ہے پیار سے مراد محبوب ہے جواب محبت کا سلسلہ مشروط طور پر اُستوار رکھنے پر بضد ہے ۔۔تویہاں آگیا ہے نہیں۔۔ اُترآیا مناسب رہے گا۔۔۔۔۔۔پیارشرطوں پہ گل اُتر آیا۔۔۔۔اب کسی کا بھی اعتبار نہیں،والسلام علیکم۔
اس کے وعدوں کا اعتبار نہیں اب مرے دل میں اس کا پیار نہیں آ بھی جائے اگر منانے وہ مجھ کو دل پر کچھ اختیار نہیں عادتیں سب خراب ہیں اس کی اپنی عزت کا پاسدار نہیں بھول بھی جائے وہ تو کیا غم ہے اب مجھے اُس کا انتظار نہیں دل ملانے کی بات جانے دیں گو مرے دل میں کچھ غبار نہیں لو لگاتے ہیں جو بھی اللہ سے اُن کو دنیا سے سروکار نہیں پیارشرطوں پہ گل اُتر آیا اب کسی کا بھی اعتبار نہیں زنیرہ گل
لو لگائی ہے میں نے اللہ سے اب مجھے بھی کسی سے خار نہیں مری فطرت ہے بکھیروں خوشبو کیوں کہ میں گل ہوں کوئی خار نہیں
اس کے وعدوں کا اعتبار نہیں اب مرے دل میں اس کا پیار نہیں آ بھی جائے اگر منانے وہ مجھ کو دل پر کچھ اختیار نہیں عادتیں سب خراب ہیں اس کی اپنی عزت کا پاسدار نہیں بھول بھی جائے وہ تو کیا غم ہے اب مجھے اُس کا انتظار نہیں دل ملانے کی بات جانے دیں گو مرے دل میں کچھ غبار نہیں میں نے رب سے ہی لو لگا لی ہے اب مرے دل پہ غم کا بار نہیں پیارشرطوں پہ گل اُتر آیا اب کسی کا بھی اعتبار نہیں زنیرہ گل
