اشعار بہ لحاظ حروف تہجی

ذوق جو مدرسے کے بگڑے ہوئے ہیں ملا
ان کو مے خانے میں لے آؤ سنور جائیں گے

 

ڈوبتے سورج کا ہر منظر میری آنکھوں میں ہے
کیسا پاگل ہے اندھیروں سے ڈراتا ہے مجھے
۔۔۔
ذ

 

ڈوبتے چاند پہ روئی ہیں ہزاروں آنکھیں
میں تو رویا بھی نہیں تم کو ہنسی کیوں آئی

 

ذرا کر زور سینے پر کہ تیرِ پُر ستم نکلے
جب وہ نکلے تو دل نکلے، جو دل نکلے تو دم نکلے

 

رو پڑیں آنکھیں بہت ساحل میری
جب کسی نے ہاتھ سر پر رکھ دیا

 

سب کو سیرابِ وفا اور خود کو پیاسا رکھنا
مجھ کو لے ڈوبے گا اے دل تیرا دریا ہونا

 

شکستہ دل ہوں مگر مسکرا کے ملتا ہوں
اگر یہ فن ہے تو آیا ہے اک عذاب کے بعد۔۔

 

صدا ہمارے تعاقب میں ایک آئی تھی
انا کی بات تھی ورنہ پلٹ گئے ہوتے

 

ضد میں دنیا کی بہرحال ملا کرتے تھے
ورنہ ہم دونوں میں ایسی کوئی الفت بھی نہ تھی

 

ضمیر کانپ تو جا تا ہے آپ کچھ بھی کہیں
وہ ہو گناہ سے پہلے کہ ہو گناہ کے بعد
۔۔۔۔۔
ط

 

طاری ہے تمناؤں پہ سکرات کا عالم
ہر سانس رفاقت کی تمنائی تو اب ہے

 

ظاہر کرے ہے جنبش مژگاں سے مدعا
طفلانہ ہاتھ کا ہے اشارہ زبان اشک

 

عرصے سے قرض دار تھا دل پیار کا سو کل
عدم ادائیگی پہ، نبض ! کاٹ دی گئی

 

غربت کی ٹھنڈی چھاؤں میں یاد آئی اس کی دھوپ
قدر وطن ہوئی ہمیں ترک وطن کے بعد

 

فراز دل کو نگاہوں سے اختلاف رہا
وگرنہ شہر میں ہم شکل صورتیں تھیں بہت

 

قریب آ ، مگر اتنا بھی اب قریب نہ آ
کہ عشق ترکِ مراسم کے دُکھ اُٹھا نہ سکے

 

کتنا رویا تھا میں تیری خاطر
اب جو سوچوں تو ہنسی آتی ہے

 

لوگ تو مجبور ہیں ماریں گے پتھر
کیوں نہ ہم شیشوں سے کہہ دیں ٹوٹا نہ کریں

 

ملو ملو نہ ملو اختیار ہے تم کو
اس آرزو کے سوا اور آرزو کیا ہے

 

وگرنہ فصل گل کی قدر کیا تھی
بڑی حکمت ہے وابستہ خزاں سے