اشعار بہ لحاظ حروف تہجی ( نئی لڑی )

قرض کی پیتے تھے مے لیکن سمجھتے تھے کہ ہاں
رنگ لاوے گی ہماری فاقہ مستی ایک دن
(چچا)

 

کہتا تھا میرؔ حال تو جب تک تو تھا بھلا
کچھ ضبط کرتے کرتے ترا حال کیا ہوا

 

گھر سے ہم گھر تلک گئے ہوں گے
اپنے ہی آپ تک گئے ہوں گے

 

لازم نہیں کہ خضر کی ہم پیروی کریں
مانا کہ اک بزرگ ہمیں ہمسفر ملے

 

میں چپ تھا تو چلتی ہوا رک گئی
زباں سب سمجھتے ہیں جذبات کی
(بشیر بدر)

 

نہ تو کارواں کی تلاش ہے ، نہ ہی ہم سفر کی تلاش ہے
میرے شوقِ خانہ خراب کو تیری رہ گزر کی تلاش ہے(ساحر لدھیانوی)

 

وہ جو معصوم بھولا بھالا ہے
اُس نے اس دل پہ کتنے ظلم کئے

خواب میں بھی وہ لڑکھڑاتا ہے
تیری آنکھوں سے جو شراب پئے

(احمد فواد)

 

ہم ہوئے‘ تم ہوئے کہ میر ہوئے
اس کی زلفوں کے سب اسیر ہوئے

 

یار خوش ہیں کہ انہیں جامۂ احرام ملا
لوگ ہنستے ہیں کہ قامت سے زیادہ پہنا
(احمد فراز)

 

اللہ رے عندلیب کی آوازِ دل خراش
جی ہی نکل گیا جو کہا اُن نے ہائے گل

میر

 

بات بن آئی ہے پھر سے کہ مرے بارے میں
اس نے پوچھیں مرے غم خوار سے باتیں کیا کیا
(احمد فراز)

 

پل بھر رہ نہ پائیں گے
یہ باتیں صرف باتیں تھیں

زنیرہ گُل

 

تھے کوچۂ جاناں سے پرے بھی کئی منظر
دل نے کبھی اس راہ سے ہٹ کر نہیں دیکھا
(احمد فراز)

 

ٹوپی کی کجی دیکھی تھی زلفوں کی سنی تھی
یہ حد کی بنکیتی ہے کہ ٹیڑھی ہے نظر بھی

 

ثنا تیری نہیں ممکن زباں سے
معانی دور پھرتے ہیں بیاں سے

 

جانے کا نہیں شور سخن کا مرے ہرگز
تا حشر جہاں میں مرا دیوان رہے گا

 

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے
(امجد اسلام امجد)

 

حیران ہوں کہ خود کو بھی پہچانتا نہیں
جذبے بدل رہے ہیں رسومات کی طرح

 

خدا نصیب کرے انہیں دائمی خوشیاں
عدم وہ لوگ جو ہمکو اداس رکھتے ہیں

 

دلوں کے مابین گفتگو میں تمام باتیں اضافتیں ہیں
تمہاری باتوں کا ہر توقف جو بولتا ہے وہ شاعری ہے

 

ڈر رہا ہوں کہ سر شام تیری آنکھوں میں
میں نے جو وقت گزارا ہے کوئی دیکھ نہ لے

 

ذکر جب ہوگا محبت میں تباہی کا کہیں
یاد ہم آئیں گے دنیا کو حوالوں کی طرح
سدرشن فاکر

 

رخ روشن سے نقاب اپنے الٹ دیکھو تم
مہر و ماہ نظروں سے یاروں کی اتر جائیں گے
(شیخ ابراہیم ذوق)

 

زندگی کس کے بھروسے پہ محبت میں کروں
ایک دل غمزدہ ہے سو بھی ہے آفات کے بیچ

 

سامنے چشم گہر بار کے کہہ دو دریا
چڑھ کے گر آئے تو نظروں سے اتر جائیں گے
(شیخ ابراہیم ذوق)

 

شباب درد میری زندگی کی صبح سہی
پیوں شراب یہاں تک کہ شام ہو جائے

 

صاف ظاہر ہے نگاہوں سے کہ ہم مرتے ہیں
منہ سے کہتے ہوئے یہ بات مگر ڈرتے ہیں
(اختر انصاری)

 

ضرورت اس کی ہمیں ہے مگر یہ دھیان رہے
کہاں وہ غیر ضروری کہاں ضروری ہے

 

طوق گلے میں ہار جیسا ہے
اپنوں کا مگر معیار ایسا ہے

زنیرہ گل

 

ظہورِ آدمِ خاکی سے یہ ہم کو یقین آیا
تماشہ انجمن کا دیکھنے خلوت نشیں آیا
(خواجہ حیدر علی آتش)