اشعار بہ لحاظ حروف تہجی ( نئی لڑی )

عادت مجھے اندھیروں سے ڈرنے کی ڈال کر
اِک شخص میری زندگی کو رات کر گیا

 

غمگین ہوں لطیفے ہیں پھر بھی زبان پر
قائم رہے یہ ذوق ظرافت خدا کرے

 

فکر ہي ٹھہري تو دل کو فکر ِ خوباں کيوں نہ ہو
خاک ہونا ہے تو خاک ِ کوۓ جاناں کيوں نہ ہو

جوش ملیح آبادی

 

قاتل کو کوئی قتل کے آداب سکھائے
دستار کے ہوتے ہوئے سر کاٹ رہا ہے

 

کٹ گئی احتیاط عشق میں عمر
ہم سے اظہار مدعا نہ ہوا

 

گُزر گیا جو زمانہ اُسے بُھلا ہی دو
جو نقش بن نہیں سکتا اُسے مِٹا ہی دو

 

لکیر کھینچ کے بیٹھی ہے تشنگی میری
بس ایک ضد ہے کہ دریا یہیں پہ آئے گا

 

مجھے پھونکا ھے سوز قطرۂ اشک محبت نے
غضب کی آگ تھی پانی کے چھوٹے سے شرارے میں

 

ناکام ہیں اثر سے دعائیں دعا سے ہم
مجبور ہیں کہ لڑ نہیں سکتے خدا سے ہم

 

محبت ذات کے اندر کوئی گُم ذات ہوتی ہے
محبت کے تعاقب میں ہمیشہ گھات ہوتی ہے
محبت میں خوشی سے موت کو ہم اوڑھ لیتے ہیں
ذرا سوچو کہ اس میں کوئی ایسی بات ہوتی ہے

 

میم سے کافی محبت پائی جاتی ہے
۔۔۔۔۔۔۔۔۔۔۔۔
وہ بھی شاید رو پڑے ویران کاغذ دیکھ کر
میں نے اس کو آخری خط میں لکھا کچھ بھی نہیں

 

وہم تھا یا گمان تھا اُس کا
کوبکو بس دھیان تھااُسکا

 

ہیں بے طور یہ لوگ تمام
ان کے سانچے میں نہ ڈھلو
میں بھی یہاں سے بھاگ چلوں
تم بھی یہاں سے بھاگ چلو

 

یہ حسرت کی لذت یہ ذوق تمنا
شب وصل ان سے حیا چاہتا ہوں

 

اجنبی شہر ، اجنبی بازار
میری تحویل میں ہیں سمتیں
کوئی رستہ کہیں تو جاتا ہے
چار سُو مہرباں ہے چوراہہ

 

بھیج پھر سے اپنی آوازوں کا رزق
پھر میرے صحرا سے ایک بستی نکال

 

پاؤں پھیلائے تو دیکھی نہ چادر ہم نے
تجھ کو چاہا تو پھر اوقات سے بڑھ کر چاہا
زیست آساں بھی ہو سکتی تھی لیکن ہم نے
تیری چاہت کو ہر بات سے بڑھ کر چاہا

 

تم نے ہمیشہ جور و ستم بے سبب کئے
اپنا ہی ظرف تھا جو نہ پوچھا سبب ہے کیا

 

ٹوٹا تو ہوں مگر ابھی بکھرا نہیں فراز
میرے بدن پہ جیسے شکستوں کا جال ہو

 

ثابت ہوا کہ تیز ہوائیں تھیں شہر کی
اس شہر کے محل بھی تو بے چھت کے رہ گئے

 

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے

 

چہرےسجےسجےہیں تودل ہیں بجھےبجھے
ہر شخص میں تضاد ہے دن رات کی طرح

 

حق ڈھونڈھنے کا آپ کو آتا نہیں ورنہ
عالم ہے سبھی یار کہاں یار نہ پایا

 

خفا اگرچہ ہمیشہ ہوئے مگر اب کے ایسے
وہ برہمی ہے کہ ہم سے انہیں گِلے بھی نہیں

 

دل رفتہ جمال ہے اس ذوالجلال کا
مستجمع جمیع صفات و کمال کا!

 

ڈوب جاتا ہے دمکتا ہوا سورج لیکن
مہندیاں شام کے ہاتھوں میں رچا دیتا ہے

 

ذکر شب فراق سے وحشت اسے بھی تھی
میری طرح کسی سے محبت اسے بھی تھی

 

رات تو وقت کی پابند ہے ڈھل جائے گی
دیکھنا یہ ہے چراغوں کا سفر کتنا ہے

 

زندگی تیری عطا ہے تو یہ جانے والا
تیری بخشش تری دہلیز پہ دھر جائے گا
(احمد فراز)

 

سارے منظر ایک جیسے ساری باتیں ایک سی
سارے دن ہیں ایک سے اور ساری راتیں ایک سی
منیر نیازی