اس کی عطا سے بنتے رسول و امام ہیں ۔ بلال رشید

اس کی عطا سے بنتے رسول و امام ہیں
اور اس کے ہاتھ میں ہی ولایت کے جام ہیں
سورج اسی کے حکم سے روشن ہے دوستو
یہ چاند اور تارے اسی کے غلام ہیں
قادر بھی وہ قدیر بھی اور ذوالجلال بھی
پرنور کس قرد مرے مولا کے نام ہیں
شاعر جو حمد و نعت ہی کہتے ہیں روز و شب
چشم خدا میں بس وہی زی احترام ہیں
قرآن کے کوئی بھی مساوی نہ ہو سکا
یوں ان گنت جہاں میں عمدہ کلام ہیں
کیونکر نہ کبریا مجھے بخشے گا حشر میں
جب میرے ساتھ حضرت خیر الانام ہیں
اولاد دینا عزت و شہرت نوازنا
یہ سب فقط خداۓ محمدکے کام ہیں
چلتا ہے وقت اس کے اشارے پہ دوستو
بدلے اسی کے حکم سے یہ صبح و شام ہیں
یہ کہکشاں بلال اسی کا کمال ہے
اور بادلوں میں اس کی عطا کے پیام ہیں
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین