اس طرح ہو رہی ہے رسولِ زمن کی بات ۔۔ سیدفاضل میسوری

اس طرح ہو رہی ہے رسولِ زمن کی بات
صحرا میں جیسے چھیڑ دے کوئی چمن کی بات

خوشبوئے خلد روح میں تحلیل کر گئ
یہ بات ہے ضرور حسین و حسن کی بات

ہے قدسیوں میں عرش پہ موضوعِ گفتگو
پہنچی کہاں کہاں نہ تری انجمن کی بات

زیبائشِ وجود کا رنگ اڑ رہا ہے کیوں
یہ کون کر رہا ہے ترے پیرہن کی بات

ظلمت کشا کچھ ایسے ہیں دندانِ مصطفیٰ
بے سود جن کے سامنے لعلِ یمن کی بات

عنبر فشاں ہے زلف رسالت پناہ کی
ایسے میں کیا ہو یاسمن و نسترن کی بات

صحرا نورد ہے ترا درویش چَین سے
کرتی ہے مضطرب اسے اپنے وطن کی بات

مختارِ کائنات کی مدحت کے واسطے
حدِ فنا تلک ہے رسا میرے فن کی بات

کی عیب پوشیاں مری طبعِ کریم نے
ہنگامِ حشر رہ گئ مجھ بد چلن کی بات

ہے مرجعِ خلائقِ کونین ایک در
ہر کوئی کر سکے ہے جہاں اپنے من کی بات

رخسارِ گل پہ شرم سے سرخی مچل گئ
اللہ رے کیسے کیجیے اس گلبدن کی بات

آزادیاں نصیبِ غلامِ رسول ہیں
سنتا نہیں کہیں بھی وہ دار و رسن کی بات

فاضل میں ایک واصفِ خیر الانام ہوں
شہرِ ادب میں ہے مرے حسنِ سخن کی بات
------
سیدفاضل میسوری
​

 

اس طرح ہو رہی ہے رسولِ زمن کی بات
صحرا میں جیسے چھیڑ دے کوئی چمن کی بات​

 

خوشبوئے خلد روح میں تحلیل کر گئ
یہ بات ہے ضرور حسین وحسن کی بات​

 

ہے قدسیوں میں عرش پہ موضوعِ گفتگو
پہنچی کہاں کہاں نہ تری انجمن کی بات

​

 

زیبائشِ وجود کا رنگ اڑ رہا ہے کیوں
یہ کون کر رہا ہے ترے پیرہن کی بات

​

 

ظلمت کشا کچھ ایسے ہیں دندانِ مصطفیٰﷺ
بے سود جن کے سامنے لعلِ یمن کی بات

​

 

عنبر فشاں ہے زلف رسالت پناہ کی
ایسے میں کیا ہو یاسمن و نسترن کی بات

​

 

مختارِ کائنات کی مدحت کے واسطے
حدِ فنا تلک ہے رسا میرے فن کی بات
​

 

ہے مرجعِ خلائقِ کونین ایک در
ہر کوئی کر سکے ہے جہاں اپنے من کی بات

​

 

آزادیاں نصیبِ غلامِ رسول ہیں
سنتا نہیں کہیں بھی وہ دار ورسن کی بات

​

 

فاضل میں ایک واصفِ خیر الانام ہوں
شہرِ ادب میں ہے مرے حسنِ سخن کی بات
​

 

سبحان اللہ ۔ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​