اسلام ہے عروج پہ خدمت عمر کی ہے ۔۔عثمان غنی ؔخیال فریدی

اسلام ہے عروج پہ خدمت عمر کی ہے
انصاف کیوں نہ ہو کہ عدالت عمر کی ہے

ایسا مقام ایسی سعادت عمر کی ہے
دیکھو نبی کے ساتھ ہی تربت عمر کی ہے

رب سے کہا حضور نے اے ربِ ذوالجلال
کر دے عطا کہ دین کو ضرورت عمر کی ہے

ہوتا ہے تیری رائے پہ قرآن کا نزول
دینِ محمدی میں یہ عزّت عمر کی ہے

دریا بھی اسکے حکم کے آگے ہے سرنگوں
یعنی کے پانیوں پہ حکومت عمر کی ہے

مارا جو اُس نے زور سے دُرّہ زمین پر
فوراً رُکا ہے زلزلہ ہیبت عمر کی ہے

اے کاش ہم بھی ایسے ہی چاہیں حضور کو
جیسے غنی ؔ حضور سے چاہت عمر کی ہے
----
عثمان غنی ؔخیال فریدی​

 

سبحان اللہ جزاک اللہ