اردو میں اردو شاعری

کتنی دل کش ہو تم کتنا دلجو ہوں میں
کیا ستم ہے کہ ہم لوگ مر جائیں گے

 

میری اپنی اور اس کی آرزو میں فرق یہ تھا
مجھے بس وہ اسے سارا زمانہ چاہئے تھا

 

رابطے بھی رکھتا ہوں راستے بھی رکھتا ہوں
لوگوں سے بھی ملتا ہوں فاصلے بھی رکھتا ہوں

غم نہیں ہوں کرتا اب، چھوڑ جانے والوں کا
توڑ کر تعلق میں، در کھلے بھی رکھتا ہوں

موسموں کی گردش سے میں ہوں اب نکل آیا
یاد پر خزاؤں کے حادثے بھی رکھتا ہوں

خود کو ہے اگر بدلا وقت کے مطابق تو
وقت کو بدلنے کے حوصلے بھی رکھتا ہوں

بھر کے بھول جاتے ہیں گھاؤ فکر ہے مجھ کو
زخم کچھ پرانے سو ان سلے بھی رکھتا ہوں

گو کسی بھی منزل کی اب نہیں طلب مجھ کو
ہر گھڑی میں پیروں میں، آبلے بھی رکھتا ہوں

مانتا ہوں ابرک میں، بات یار لوگوں کی
سوچ کے مگر اپنے، زاویے بھی رکھتا ہوں

 

میں استقبال میں پھولوں کی پتیاں دوں گی
کبھی وہ میری پوسٹ پہ کممنٹ کرے تو سہی
​

 

پتا چلتا ہے یہ ان کی نظر سے
ملے گا زخم پر کوئی ادھر سے

 

عقیل کوئی بات ہے خاموش سی لب پہ
کچھ لفظ تو ایسے ہیں جو لکھا نہیں کرتے

 

آنکھوں سے محبت کے اشارے نکل آئے
برسات کے موسم میں ستارے نکل آئے

 

موسم بدل گیا ہے مگر اس کے باوجود
منظر تمہاری یاد کا ٹھہرا ہوا تو ہے

 

خواہش ہے کہ خود کو بھی کبھی دور سے دیکھوں
منظر کا نظارہ کروں منظر سے نکل کر ۔ ۔ ۔

 

سارے منظر ایک جیسے‘ ساری باتیں ایک سی
سارے دن ہیں ایک سے اور ساری راتیں ایک سی

 

بس ایک بار کسی نے گلے لگایا تھا
پھر اس کے بعد نہ میں تھا نہ میرا سایا تھا
گلی میں لوگ بھی تھے میرے اس کے دشمن لوگ
وہ سب پہ ہنستا ہوا میرے دل میں آیا تھا
اس ایک دشت میں سو شہر ہو گئے آباد
جہاں کسی نے کبھی کارواں لٹایا تھا
وہ مجھ سے اپنا پتا پوچھنے کو آ نکلے
کہ جن سے میں نے خود اپنا سراغ پایا تھا
مرے وجود سے گلزار ہو کے نکلی ہے
وہ آگ جس نے ترا پیرہن جلایا تھا
مجھی کو طعنۂ غارت گری نہ دے پیارے
یہ نقش میں نے ترے ہاتھ سے مٹایا تھا
اسی نے روپ بدل کر جگا دیا آخر
جو زہر مجھ پہ کبھی نیند بن کے چھایا تھا
ظفرؔ کی خاک میں ہے کس کی حسرت تعمیر
خیال و خواب میں کس نے یہ گھر بنایا تھا

 

اور کیا اس سے زیادہ کوئی نرمی برتوں
دل کے زخموں کو چھوا ہے تیرے گالوں کی طرح

 

ہوا کے واسطے اِک کام چھوڑ آیا ہوں
دِیا جلا کے سرِ شام چھوڑ آیا ہوں
امانتِ سحر و شام چھوڑ آیا ہوں
کہیں چراغ، کہیں جام چھوڑ آیا ہوں
کبھی نصیب ہو فرصت تو اُس کو پڑھ لینا
وہ ایک خط جو تیرے نام چھوڑ آیا ہوں
ہوائے دشت و بیاباں بھی مجھ پہ برہم ہے
میں اپنے گھر کے در و بام چھوڑ آیا ہوں
کوئی چراغ سرِ راہگزر نہیں، نہ سہی
میں نقشِ پا تو بہرگام چھوڑ آیا ہوں
ابھی تو اور بہت اُس پہ تبصرے ہونگے
میں گفتگو میں جو ابہام چھوڑ آیا ہوں
یہ کم نہیں ہے وضاحت میری اسیری کی
پروں کے رنگ تہہِ دام چھوڑ آیا ہوں
وہاں سے ایک قدم بھی نہ بڑھ سکی آگے
جہاں پے گردشِ ایام چھوڑ آیا ہوں
مجھے جو ڈھونڈنا چاہے وہ ڈھونڈلے اعجاز
کہ اب میں کوچہءِ گمنام چھوڑ آیا ہوں
اعجاز رحمانی

 

میں جی بھر کے رویا تو آرام آیا
میرا غم ہی آخر میرے کام آیا

 

غم رہا جب تک کہ دَم میں دَم رہا
دَم کے جانے کا نہایت غم رہا

 

میرے ہم نفس ، میرے ہم نوا ، مجھے دوست بن کے دغا نہ دے
میں ہوں درد عشق سے جاں بلب مجھے زندگی کی دعا نہ دے

 

آنکھ رکھتے ہو تو اس آنکھ کی تحریر پڑھو
مُنہ سے اقرار نہ کرنا تو ہے عادت اُس کی

 

تم نے کہا تھا چپ رہنا سو چپ نے بھی کیا کام کیا
چپ رہنے کی عادت نے کچھ اور ہمیں بد نام کیا

 

دل شکستہ ہوئے رسوا ہوئے بدنام ہوئے
کون کہتا ہے کہ ہم عشق میں ناکام ہوئے
دیکھئے خوبیء تقدیر ہمارے آنسو
پہلے الزام بنے پھر یہی انعام ہوئے

 

خدا کی اتنی بڑی کائنات میں ، میں نے
بس ایک شخص کو مانگا مجھے وہی نہ ملا

 

ساون کے دکھ

ساون رت میں گھٹائیں جب ،

جھوم کے آتی ہیں !

تو جانے دل کیوں بھر بھر آتا ہے ،

تب وہ ہر وقت ہنسے والی لڑکی ،

بارش میں بھیگتے بھیگتے ! !

اپنے سارے آنْسُو بہا دیتی ہے ~ ~

اور قہقہوں کے ساتھ اپنا ایک ایک دکھ ،

اڑا دیتی ہے ،

اور کوئی نہیں جان پاتا کے ،

کچی عمر کی لڑکیاں ،

اپنے دکھ چھپانے میں ،

کتنی پکی ہوتی ہیں . . . !

 

جب بھی اس راہ سے گزرو تو کسی دکھ کی کسک
ٹوکتی ھے کہ وہ دروازہ کھلا ہے اب بھی-------!

 

ایک ملاقات تھی جو دل کو سدا یاد رہی
ہم جسے عمر سمجھتے تھے وہ ایک پل نکلا

 

دشمنی کا ۔۔ بول بالا ۔۔ دوستی خاموش ہے

اس کی عیاری کے آگے سادگی خاموش ہے

شورکرتےہیں اندھیرےشہرمیں چاروں طرف

جاگتے لوگوں کے گھر میں روشنی خاموش ہے

کھیل کچھ ایسا دکھایا ۔۔ ہےتعصب نے یہاں

ناچتی ہے موت سر پر ۔۔ زندگی خاموش ہے

رات کے تاریک لمحوں ۔۔۔ کی سلگتی چیخ پر

چاند ہے دہشت زدہ اور چاندنی خاموش ہے

اک گھناجنگل نظر ۔۔۔ آتا ہےاپنا شہر اب

چاروں جانب ہیں درندے آدمی خاموش ہے

پھرمراخونِ جگر۔۔ مطلوب ہےاسکوسعیدؔ

پیاس کی شدت سےاپنی شاعری خاموش ہے

 

کردار کی عظمت کو گرنے نہیں دیا میں نے
دھوکے تو بہت کھائے دھوکہ نہیں دیا میں نے

 

بس اک تمہارے ساتھ ہی دھوکا نہیں کیا
اس نے کسی کے ساتھ بھی اچّھا نہیں کیا

 

گزر رہی تھی زندگی گزر رہی ہے زندگی
نشیب کے بغیر بھی فراز کے بغیر بھی

 

جو بساطِ جاں ہی الٹ گیا، وہ جو راستے سے پلٹ گیا
اُسے روکنے سے حصول کیا، اُسے مت بلا، اُسے بھول جا

 

دکھ اپنا اگر ہم کو بتانا نہیں آتا
تم کو بھی تو اندازہ لگانا نہیں آتا

 

متاعِ درد تو ورثہ ہے آنکھ والوں کا
تجھے یہ زخم مبارک ہو اے دلِ ناکام!