اردو میں اردو شاعری

للہ بلا تحقیق اشعار کو علامہ اقبال سے منسوب مت کیجیے
یہ قطعہ ،باعتبارِ طرزو اُسلوب و لغات ولفظیات کسی بھی
طرح حضرت علامہ اِقبال ؒ ۔۔کا ہو نہیں سکتا۔۔۔۔۔۔
اُن کے اُردُو کلام کے چاروں مجموعوں ؛بانگِ درا،بالِ
جبریل،ضربِ کلیم اور اَرمغانِ حجازمیں ہی نہیں تمام
مطبوعہ اور غیر مطبوعہ کلام میں ایسے کسی قطعے یا نظم یا
غزل یا اشعار کانشان تو کیا گمان بھی عبث ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ظاہر کی آنکھ سے نہ تماشا کرے کوئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہو۔ دیکھنا۔ تو دیدۂ دل، وا کرے کوئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(علامہ اقبالؒ از بانگِ درا)

 

معافی کی طلبگار ہوں
ایک نیوز چینل کے سائیٹ سے بنا تحقیق کے شئیر کیا تھا
علامہ اقبالؒ میں شرمندہ ہوں
اساتذہ کرام میں شرمندہ ہوں
فورم ممبران میں شرمندہ ہوں

 

اللہ تعالیٰ آپ کو خوش اور ۔۔۔تمام اراکینِ محفل کو سلامت رکھے ۔
روحِ اقبال سے معذرت بجا مگر ۔۔۔۔۔۔۔۔ہم آپ اس لیے برابر
ہیں کہ۔۔۔۔۔ سب ایک دوسرے سے اچھی اچھی باتیں سیکھ رہے
ہیں اوراچھی اچھی باتیں سکھابھی رہے ہیں۔۔۔۔۔اِس دھن ، شوق،
جستجو اور جوش و خروش میں ۔۔۔۔ہم میں۔۔۔ کسی سے جو کبھی غلطی
ہو جائے تو آپ بھی ضرور اصلاح فرمائیے کہ ایک ہاتھ دستِ احتیاج
ہے تو ایک کریم الطبع۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لڑی کیونکہ اردو میں اُردو شاعری کی ہے اِس لیے آئیے سلسلے کو وہیں
سے آگے بڑھائیں جہاں یہ تھوڑی دیر کو ٹھہرسا گیا تھا۔۔۔۔۔۔

۔۔جون ایلیا یاد آگئے۔اِس قدر سادہ و بے ساختہ شعر کہ خیال مجھے ۔۔
میرصاحب کےہاں یا ہواں لے گیا کہ انھیں تو ان کی سادہ نگاری پر۔۔
اہلِ نقد کی جانب سےسہلِ ممتنع کا باقاعدہ تمغا عطا ہوا ۔۔۔۔۔۔۔۔۔۔
شعر:

۔۔جو گزاری نہ جاسکی ہم سے۔۔۔ہم نے وہ زندگی گزاری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(جون ایلیا)

 

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں

 

اب تو سب دشنہ و خنجر کی زباں بولتے ہیں
اب کہاں لوگ محبت کے نصابوں والے
زندہ رہنے کی تمنا ہو تو ہو جاتے ہیں
فاختاؤں کے بھی کردار عقابوں والے

 

تمنا درد دل کی ہو تو کر خدمت فقیروں کی
نہیں ملتا یہ گوہر بادشاہوں کے خزینوں میں

 

خالی ہے دل فقیر کے کشکول کی طرح
اس شہر بے وفا سے وفا کون لے گیا

 

محبت۔ ہوگئی ۔عنقا۔ کہیں، پائی نہیں جاتی
یاپھر ہے وہ خطا یہ اب جو دہرائی نہیں جاتی

یہ بھرتے اور ابھرتے زخم کیا باغ و بہاراں ہے!
مرے دل سے تری یادوں کی رعنائی نہیں جاتی​

یہ مل کر رہ نہیں سکتے ’’کرونا ‘‘تو بہانہ تھا
جدائی ہم میں وہ ڈالی کہ تنہائی نہیں جاتی

غزل کیا ہے؟ یہ خونِ دل سے لکھی وہ کہانی ہے
مزے سے، بیٹھ کر محفل میں جو گائی نہیں جاتی​

کہے ۔جامِ شہادت نوشِ جاں کرتے ہی پروانہ
یہ پیاس اِ ک ساغرِ ہستی سے بہلائی نہیں جاتی

(شکیل احمد خان)​

 

سبحان اللہ

 

شکریہ !۔اِس لطف کا مجھ کو لگا جیسے کہیں
"برگِ گل پر رکھ گئی شبنم کا موتی بادِ صبح"

 

ہر ايک زخم کا چہرہ گلاب جيسا ہے
مگر يہ جاگتا منظر بھی خواب جيسا ہے

 

حالات کے قدموں پہ قلندر نہیں گرتا
ٹوٹے بھی جو تارا تو زمیں پر نہیں گرتا
گرتے ہیں سمندر میں بڑے شوق سے دریا
لیکن کسی دریا میں سمندر نہیں گرتا
سمجھو وہاں پھل دار شجر کوئی نہیں ہے
وہ صحن کہ جس میں کوئی پتھر نہیں گرتا
اتنا تو ہوا فائدہ بارش کی کمی کا
اس شہر میں اب کوئی پھسل کر نہیں گرتا
انعام کے لالچ میں لکھے مدح کسی کی
اتنا تو کبھی کوئی سخن ور نہیں گرتا
حیراں ہے کئی روز سے ٹھہرا ہوا پانی
تالاب میں اب کیوں کوئی کنکر نہیں گرتا
اس بندۂ خوددار پہ نبیوں کا ہے سایہ
جو بھوک میں بھی لقمۂ تر پر نہیں گرتا
کرنا ہے جو سر معرکۂ زیست تو سن لے
بے بازوئے حیدر در خیبر نہیں گرتا
قائم ہے قتیلؔ اب یہ مرے سر کے ستوں پر
بھونچال بھی آئے تو مرا گھر نہیں گرتا

 

اور چمکاتی ہے اس موتی کو سورج کی کرن

 

حاضِر ہُوا میں شیخِ مجدّدؒ کی لحَد پر
وہ خاک کہِ ہے زیرِ فلک مطلعِ انوار
اس خاک کے ذرّوں سے ہیں شرمندہ ستارے
اس خاک میں پوشیدہ ہے وہ صاحبِ اسرار
گردن نہ جھُکی جس کی جہانگیر کے آگے
جس کے نفَسِ گرم سے ہے گرمیِ احرار
وہ ہِند میں سرمایۂ ملّت کا نِگہباں
اللہ نے بروقت کیا جس کو خبردار
کی عرض یہ میں نے کہ عطا فقر ہو مجھ کو
آنکھیں مری بِینا ہیں، و لیکن نہیں بیدار!
آئی یہ صدا سلسلۂ فقر ہُوا بند
ہیں اہلِ نظر کِشورِ پنجاب سے بیزار
عارف کا ٹھکانا نہیں وہ خِطّہ کہ جس میں
پیدا کُلَہِ فقر سے ہو طُّرۂ دستار
باقی کُلَہِ فقر سے تھا ولولۂ حق
طُرّوں نے چڑھایا نشۂ ’خدمتِ سرکار‘!

 

حادثے شہر کا دستور بنے جاتے ہیں
اب یہاں سایہ دیوار نہ ڈھونڈھیں کوئی

 

صبحِ ازل سے شامِ ابد تک ہے۔۔۔۔۔،ایک دن
یہ دِن ۔۔۔۔تڑپ تڑپ کے بسرکررہے ہیں ہم۔۔۔۔۔۔۔۔(رئیس امروہوی)

 

ہم اپنی زندگی تو بسر کر چکے رئیسؔ
یہ کس کی زیست ہے جو بسر کر رہے ہیں ہم

 

بہت خوب

 

زندگی زندہ دلی کا ہے نام
مردہ دل خاک جیا کرتے ہیں

 

رات ملی تنہائی ملی اور جام ملا
گھر سے نکلے تو کیا کیا آرام ملا

 

ہم تو جانے کب سے ہیں آوارہ ظلمت مگر
تم ٹھہر جاؤ تو پل بھر میں گزر جائے گی رات

 

زندگی اپنی جب اس شکل سے گزری غالب
ہم بھی کیا یاد کریں گے کہ خدا رکھتے تھے

 

حائل ہے حجاب شرم و حیا دیدار تو کیا گفتار تو کیا
مبہم ہیں اشارے سب اس کے انکار تو کیا اقرار تو کیا

 

اگر زندہ رہیں تو آئیں گے اے باغباں پھر بھی
اسی گلشن اسی ڈالی پہ ہو گا آشیاں پھر بھی

 

ہم ہوگئے شہید یہ اعزاز تو ملا
اہل جنوں کو نکتہ آغاز تو ملا

 

کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا

 

اس عارضی دنیا میں ہر بات ادھوری ہے
ہر جیت ہے لا حاصل ہر مات ادھوری ہے

 

کوئی پھول سا ہاتھ کاندھے پہ تھا
میرے پاؤں شعلوں پہ جلتے رہے

 

بچھڑ کے تجھ سے مجھے ہے امید ملنے کی
سنا ہے روح کو آنا ہے پھر بدن کی طرف

 

ہوا تو ہے ہی مخالف مجھے ڈراتا ہے کیا
ہوا سے پوچھ کے کوئی دیئے جلاتا ہے کیا