اردو میں اردو شاعری

جو دائرہ ہے اصل میں وہ راہ ہے سیدھی
حیران دمادم ہوں پریشان دھڑادھڑ

مجمع میں لگا نعرۂِ تکبیر نہ راحیلؔ
ہوتے ہیں خطا خلق کے اوسان دھڑادھڑ

راحیلؔ فاروق​

 

مصّور اپنی صورت مجھ سے پہچانی نہیں جاتی
میں ایسا ہو گیا ہوں یا میری تصویر بگڑی ہے​

 

ہر اک وقت مجھ عاشقِ پاک کو
پیارے، تری بات پیاری لگے

ولیؔ کو کہے تو اگر اک بچن
رقیباں کے دل میں کٹاری لگے

​

 

عشق سے ہٹ کے کوئی اور بَلا دے مجھ کو
یہ سزا تو ہے کچھ ایسی ، کہ مزا دے مجھ کو​

 

عداوتیں تھیں ، تغافل تھا، رنجشیں تھیں بہت
بچھڑنے والے میں سب کچھ تھا ، بے وفائی نہ تھی​

 

دولتِ درد کو دنیا سے چھپا کر رکھنا
آنکھ میں بوند نہ ہو دل میں سمندر رکھنا

کل گئے گزرے زمانوں کا خیال آئے گا
آج اتنا بھی نہ راتوں کو منور رکھنا

اپنی آشفتہ مزاجی پہ ہنسی آتی ہے
دشمنی سنگ سے اور کانچ کا پیکر رکھنا

آس کب دل کو نہیں تھی ترے آ جانے کی
پر نہ ایسی کہ قدم گھر سے نہ باہر رکھنا

ذکر اس کا ہی سہی بزم میں بیٹھے ہو فراز
درد کیسا ہی اٹھے ہاتھ نہ دل پر رکھنا​

 

ﭼُﭗ ﻧﮧ ﺭﮨﺘﮯ ﺑﯿﺎﻥ ﮨﻮﺟﺎﺗﮯ
ﺗﺠﮫ ﺳﮯ ﮔﺮ ﺑﺪﮔُﻤﺎﻥ ﮨﻮﺟﺎﺗﮯ

ﺿﺒط ﻏﻢ ﻧﮯ ﺑﭽﺎ ﻟﯿﺎ ﻭﺭﻧﮧ
ﮨﻢ ﮐﻮﺋﯽ ﺩﺍﺳﺘﺎﻥ ﮨﻮﺟﺎﺗﮯ

ﺗُﻮ ﻧﮯ ﺩﯾﮑﮭﺎ ﻧﮩﯿﮟ ﭘﻠﭧ ﮐﮯ ﮨﻤﯿﮟ
ﻭﺭﻧﮧ ﮨﻢ ﻣﮩﺮﺑﺎﻥ ﮨﻮ ﺟﺎﺗﮯ

ﺗﯿﺮﮮ ﻗﺼّﮯ ﻣﯿﮟ ﮨﻢ ﺑﮭﻼ ﺧُﻮﺩ ﺳﮯ
ﮐﺲ ﻟﯿﮯ ﺑﺪﮔُﻤﺎﻥ ﮨﻮﺟﺎﺗﮯ

ﺗﯿﺮﮮ ﺩﻝ ﮐﯽ ﺯﻣﯿﻦ ﮨﯽ ﻧﮧ ﻣِﻠﯽ
ﻭﺭﻧﮧ ﮨﻢ ﺁﺳﻤﺎﻥ ﮨﻮ ﺟﺎﺗﮯ​

 

اب تیرے میرے بیچ ذرا فاصلہ بھی ہو
ہم لوگ جب ملیں تو کوئی دوسرا بھی ہو

تو جانتا نہیں مری چاہت عجیب ہے
مجھ کو منا رہا ہے، کبھی خود خفا بھی ہو

تو بے وفا نہیں ہے مگر بے وفائی کر
اُس کی نظر میں رہنے کا کچھ سلسلہ بھی ہو

پت جھڑ کے ٹوٹتے ہوئے پتوں کے ساتھ ساتھ
موسم کبھی تو بدلے گا ، یہ آسرا بھی ہو

چپ چاپ اس کو بیٹھ کے دیکھو ں تمام رات
جاگا ہوا بھی ہو ،کوئی سویا ہو ابھی ہو

اس کے لیے تو میں نے یہاں تک دُعا ئیں کیں
میری طرح سے کوئی اسے چاہتا بھی ہو​

 

بعد لٹنے کے ترا درد ہے لاچار کے پاس
یہ نشانی ہے تری اب ترے بیمار کے پاس

یہی معراجِ محبت ہے یہی حاصلِ عشق
سجدہ کر لینا مرا سنگِ درِ یار کے پاس

آخری وقت ہے دیدار تمہارا کر لوں
دو گھڑی کے لئے آ جائیے بیمار کے پاس

تیرے دیوانے کہاں جائیں ترے کوچے سے
چین ملتا ہے ترے سایہء دیوار کے پاس

دل تو ہاتھوں سے گیا تھا تری الفت میں صنم
اب تو آنکھیں بھی نہیں تیرے طلبگار کے پاس

تو مسیحائی نہ کر ایک نظر دیکھ تو لے
تیرا بسمل ہے لبِ دم ترے بیمار کے پاس

اے فناؔ اس لیے مرنے کی دعا کرتا ہوں
لے کے جائے گی اجل مجھ کو مرے یار کے پاس
فناؔ بلند شہری​

 

ارمان نکلتے دلِ پُر فن کے برابر
ویرانہ جو ہوتا کوئی گلشن کے برابر

کیوں اہلِ نظر ایک ہے دونوں کی طبیعت
سُنبل نے جگہ پائی جو سوسن کے برابر​

 

بلا کے شوخ ہیں، بے طرح کام کرتے ہیں
نظر مِلاتے ہی قصّہ تمام کرتے ہیں

اُٹھو اُٹھو درِ دولت سے عاشقو! اُٹّھو
چلو چلو کہ وہ دیدارعام کرتے ہیں​

 

روشن جمال ِیار سے ہے انجمن تمام
دہکا ہُوا ہے آتشِ گُل سے چمن تمام

اللہ ری جسمِ یار کی خُوبی، کہ خود بخود
رنگینیوں میں ڈوب گیا پیرہن تمام

حسرت موہانی​