اردو زبان کی تاریخ

اردو زبان کی تاریخ ۔۔۔۔۔۔ صفحہ 101


تو لازم ہے کہ ہم اس کی حفاظت کریں اور بے ضرورت غیروں سے بھیک نہ مانگیں۔ نئی چیزوں اور نئی ایجادوں کے ساتھ تو نئے لفظ ضرور ہی آئیں گے۔ انہیں کوئی روک نہیں سکتا۔ بلکہ ایسے لفظوں سے زبان میں امیری پیدا ہوتی ہے۔ پر جہاں خود ہماری زبان میں لفظ موجود ہیں ان کی جگہ بے مطلب انگریزی لفظ لانا اپنے کو اور اپنی زبان کو مفلس ثابت کرنا ہے۔ غرض یہ ناممکن ہے کہ انگریزی کا دخل اردو میں نہ ہو پر اس دخل کو ان ہی الفاظ تک محدود رکھنا جو ضروری ہیں، ہمارا کام ہے۔ اس سے فائدہ یہ ہو گا کہ ہماری دلکش زبان نہ فقط محفوظ رہے گی بلکہ روز بروز شاندار ہوتی جائے گی۔ برخلاف اس کے اگر ہم بے موقع اور بے ضرورت انگریزی لفظ اس میں بھرنے لگیں تو نہ حاکموں کی نظر میں عزت کے لائق رہیں گے اور نہ اپنے بھائیوں کی جماعت میں منہ دکھانے کے قابل ہوں گے۔

جس اردو کا ہم ذکر کر رہے ہیں وہ نو سو برس میں بن کر تیار ہوئی ہے اور اب سہر سال صد ہا کتابیں اس میں تصنیف ہوتی ہیں۔ یہ علمی اور قومی زبان ہونے کا فخر اور درجہ پا چکی ہے۔ اور اس کا دامن اب قیامت سے بندھا ہے۔

وہ زمانہ دور نہیں جب اس میں ہر فن کی کتابوں کا پورا زخیرہ موجود ہو جائے گا۔ اور یہ اسی وقت ہو گا جب انگریزی کی بدولت اس میں ایسے الفاظ بھی شامل ہو جائیں گے جن کے ذریعہ سے ہم موجودہ علمی اور تہذیبی ترقی کو بھی اردو زبان میں دکھا سکیں گے۔ یہ ترقی سچ مچ زمانہِ حال کی ترقی ہے اور اس کے متعلق عربی اور فارسی میں لفظ نہیں۔ ہزاروں طرح کی کلیں آئے دن ایجار ہوتی رہتی ہیں اور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


اردو زبان کی تاریخ ۔۔۔۔۔۔ صفحہ 102


نئے نئے انتظام ملکی اور فوجی، عدالتی اور تعلیمی روز عمل میں آتے ہیں۔ ان کے لئے انگریزی زبان میں لفظ موجود ہیں اور ضرور ہے کہ ان میں سے اکثر اردو میں داخل ہو جائیں۔ پس ظاہر ہے کہ ایسے لفظوں کی بھرتی اردو زبان میں اور ہونی ہے اور جب ان کی آمیزش سے اردو میں یہ قابلیت ہو جائے گی کہ آج کل کے علم اور حکمت کے متعلق بھی اس میں پورے پورے لفظ ہوں گے تو یہ اپنے کمال کو پہنچے گی۔ اور دنیا کی بڑی بڑی زبانوں میں اسے بھی عزت کی کرسی نصیب ہو گی۔ خدا وند کریم ہماری سرکار عالیہ کو برقرار رکھے جس کے زیر سایہ ہم اور ہماری زبان دونوں ترقی کر رہے ہیں۔

ہندوؤں اور مسلمانوں کے تمدنی اور سیاسی اتحاد کے لئے یہ امر ضروری ہے کہ وہ دونوں ایک ہی زبان بولتے اور لکھتے ہیں۔ اس سے باہمی تعلقات زیادہ گہرے اور مضبوط ہو جاتے ہیں۔ اور اپنے خیالات و جذبات و ضروریات کا اظہار آسان ہوتا ہے۔ شکر ہے کہ قدرتی طور پر وہ آلہ بن بنا کر تیار ہو گیا ہے جسے یہ دونوں فریق بے تامل استعمال کر سکتے ہیں۔ جس طرح فطری قوانین کے مطابق پراکرت زبانیں بنیں اور پھر ان سے ہندی اور اور زبانیں نکلیں اسی طرح ہندی یا بھاشا سے اردو پیدا ہوئی۔ یہ کام کسی آدمی کی مصلحت و تدبیر سے نہیں بلکہ زمانہ کی طبیعت و رفتار کے اثر سے ہوا اور جوں جوں ہندو اور مسلمان آپس میں زیادہ میل جول پیدا کرتے گئے توں توں اردو کا زور اور رواج زیادہ ہوتا گیا۔ اور اب جب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


اردو زبان کی تاریخ ۔۔۔۔۔۔ صفحہ 103


سیکڑوں برس کے ربط و ضبط اور سروکار کے بعد ایک ایسی زبان بن گئی ہے جو شیرینی و فصاحت اور ناز و انداز میں ہندی سے کہیں زیادہ ہے تو اس کے مقابلہ میں یہ کوشش کرنی کہ اردو کا رواج جاتا رہے اور چاروں طرف ہندی ہی ہندی کا ڈنکہ بجے، ٹھیک نہیں۔ اردو میں ایک یہ بہت بڑی خوبی ہے کہ اس کے حروف کی شکلیں خوبصورت ہیں۔ اور نسبتاً ان کے لکھنے میں کم وقت صرف ہوتا ہے۔ جتنی دیر میں ہندی کا ایک صفحہ لکھا جاتا ہے اتنی دیر میں اردو کے دو صفحے لکھے جاتے ہیں۔ پس اردو زبان کو یہ فوقیت حاصل ہے کہ اس میں خوبصورت زیادہ اور مضمون کی گنجایش بھی زیادہ ہے۔ اور لکھنے میں ہندی کی نسبت آدھا وقت لگتا ہے۔

ایک اور نکتہ پیش کیا جاتا ہے جس کی اہمیت خود بخود ظاہر ہو جائے گی۔ آج کل چاروں طرف یہی پکار ہے کہ ہندو اور مسلمان آپس کی نفرت و عداوت اور مذہبی جھگڑوں کو دور کریں اور ایک دوسرے کو محبت و ہمدردی و تعظیم کی نظر سے دیکھیں اور کوئی ایسا کام نہ کریں جس سے نفاق قائم رہے یا بڑھے۔ ایسے حال میں یہ کوشش کہ اردو بالکل اڑا دی جائے اور ہندی کا بول بالا ہو خطرے اور نقصان کا باعث ہو گی۔ کیونکہ اس طرح کی کوشش سے کم از کم مسلمانوں پر یہ اثر ہو گا کہ وہ ہندوؤں کو اپنی قومی تاریخ اور سلطنت کا مخالف پائیں گے۔ اور دلِ شکستہ ہو انہیں شک اور مخالفت کی نظر سے دیکھیں گے۔ اردو زبان نہ فقط ایک زبان ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


اردو زبان کی تاریخ ۔۔۔۔۔۔ صفحہ 104


بلکہ اسلامی جاہ و جلال، شان و شکوہ اور عظمت و حشمت کی ایک زندہ اور جیتی جاگتی یادگار ہے۔ اس کو جو مٹانا چاہتا ہے وہ گویا اسلامی اقتدار کے ایک بہت بڑے نشان کو مٹانا چاہتا ہے۔ جس زبان کے ساتھ صدیوں کی تاریخ وابستہ اور ملی ہوئی ہے اس کو قائم رکھنا ہر ہندوستانی کا فرض ہے۔


تمام شد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔