ادیبوں اور شاعروں کی دلچسپ باتیں

بنارس میں مسلم ایجوکیشنل کانفرنس کا جلسہ ہو رہا تھا۔ کسی بات پر اختلاف ہوا اور پھر ہنگامہ برپا ہو گیا۔ ایک غوغا تھا اور فضا میں لٹھ لہرا رہے تھے۔ منتظمین نے حاضرین کو قابو کرنے کی بہت کوشش کی لیکن شور نہ تھما۔ بالآخر مولانا حبیب الرحمن شروانی نے حفیظ جالندھری سے درخواست کی کہ وہ اس ہنگامے کو کسی طرح رفع کریں۔ وہ اٹھے اور "سلام اے آمنہ کے لال اے محبوب سبحانی" والی نعت پڑھنی شروع کر دی۔ ان کی پر اثر آواز کا گونجنا تھا کہ سناٹا طاری ہوگیا اور لوگ مدحت نبی :saw: سننے میں مشغول ہوگئے۔

-------------------

مشہور مزاح نگار رشید احمد صدیقی کہتے ہیں۔ جب جگر مراد آبادی میرے ہاں تشریف لاتے ہیں تو میں چند باتوں کا خاص خیال رکھتا ہوں۔ جگر صاحب کی صحت بالعموم اچھی نہیں ہوتی، اپنے دوست ڈاکٹروں کو بلا کر ان کا معائنہ کراتا ہوں اور ان کے تجویز کردہ علاج اور پرہیز پر ان سے عمل کراتا ہوں۔ وہ معلوم نہیں کہاں کہاں کا چکر لگا کر آتے ہیں، ان کے پاس میلے کپڑوں، چادروں اور تولیوں کا انبار ہوتا ہے، دھوبی بلوا کر یہ سب کچھ اس کے حوالے کرتا ہوں۔ نائی کو بلا کر ان کی داڑھی کی نوک پلک درست کراتا ہوں۔ علی گڑھ میں ان کے مداحوں کو منع کرتا ہوں کہ ان کو جگہ جگہ لیے نہ پھریں، میرے ہاں ان کا کلام سنیں نہ اپنا سنائیں۔ جگر صاحب کے پاس جو نقدی ہوتی ہے اسے ضبط کر لیتا ہوں تاکہ وہ روپے اس طرح نہ خرچ کریں جس طرح بعض حکومتیں دوسری حکومتوں پر خرچ کرتی ہیں۔ انہیں خدا حافظ کہنے نہیں جاتا کیوں کہ وہ اس سوز وگداز سے رخصت ہوتے ہیں جیسے آخری ملاقات ہو، اس طرح رخصت ہونا یا رخصت کرنا میرے بس کی بات نہیں۔

-------------------

مولانا حسرت موہانی کو لکھنو ریڈیو اسٹیشن والوں نے کسی پروگرام میں شرکت کے لیے بلایا اور ایک معقول معاوضہ پیش کیا۔ انہوں نے معصومانہ انداز میں کہا، اتنی بڑی رقم لے کر ہم کیا کریں گے؟ ریڈیو والوں نے بہت اصرار کیا تو تین آنے لیے اور کہا، کانپور سے لکھنو تو میں مفت پہنچ گیا۔ اب ریل کے تیسرے درجے میں بیٹھ کر واپس جاؤں تو کرایہ تین آنے لگے گا، اتنے پیسے ہی دے دیجیے۔ مولانا اسمبلی کے ممبر بنے تو ہر ممبر کے لیے پچھتر روپے یومیہ الاؤنس مقرر تھا۔ انہوں نے یہ رقم لینے سے انکار کر دیا بلکہ الٹا احتجاج کیا کہ اتنی بڑی رقم الاؤنس میں دینا غریب عوام کے ساتھ بڑا ظلم ہے۔

-------------------

میر باقر علی دلی کے آخری داستان گو تھے۔ ہمیشہ داستان امیر حمزہ سناتے تھے۔ جنگ کا نقشہ کھینچتے، شاہی دربار کا حال سناتے یا عورتوں کا بناؤ سنگھار بیان کرتے، ایک ایک تفصیل میں کئی کئی گھنٹے اور کئی کئی نشستیں گزار دیتے۔ کسی نے پوچھا کہ میر صاحب، یہ داستان کبھی آپ نے ختم بھی کی ہے؟ بولے "عمر بھر میں ایک دفعہ۔" داستان گوئی کے لیے انہوں نے ہر علم کا باقاعدہ مطالعہ کیا تھا اور یہ وسیع معلومات اپنی داستان میں سمو دیتے تھے۔ اور تو اور جب دلی میں طبیہ کالج کھلا تو انہوں نے ساٹھ برس کی عمر میں اس میں داخلہ لیا اور سند فراغت حاصل کی۔ افسوس، آخری عمر میں انہیں چھالیا بیچ کر پیٹ پالنا پڑا۔

-------------------

عنایت اﷲ دہلوی سرسید کے شاگرد خاص تھے۔ انہیں انگریزی سے اردو میں ترجمہ کرنے کی بہت مہارت تھی، کئی ضخیم کتابوں کا انہوں نے ترجمہ کیا۔ انہیں ایک عحیب عادت تھی، کاغذ کا پورا صفحہ بغیر نقطوں کے لکھتے، پھر شروع صفحہ سے الفاظ پر نقطے لگانے شروع کرتے اور جلدی جلدی آخرتک یہ کام مکمل کرتے۔ نتیجہ یہ ہوتا کہ کسی حرف پر ایک کی بجائے تین نقطے لگ جاتے اور کسی پر دو کی بجائے ایک۔ ایسا بھی بارہا ہوا کہ جس حرف پر نقطہ لگنا چاہیے تھا، وہ خالی رہ جاتا اور جس حرف پر کوئی نقطہ نہ ہوتا اس پر نقطے لگ جاتے۔

 

بہت دلچسپ معلومات ہیں۔ :lol:

 

بہت معلوماتی مزاح لگتا ہے۔

 

بہت اچھے بھائی۔

بہت اچھے بھائی۔

 

اچھی لڑی ہے

 

آپ بھی کچھ شیئر کریں نا۔۔

 

اس لڑی کو بھی آگے بڑھاؤنگا جلد ہی۔۔انشاء اللہ

 

ایک دن مرزا، فتح الملک بہادر کو ملنے گئے، جب غلام گردش میں پہنچے تو خدمت گار نے صاحبِ عالم کو اطلاع دی کہ مرزا نوشہ صاحب آ رہے ہیں، وہ کسی کام میں مصروف تھے، بلا نہ سکے۔ مرزا وہیں ٹہلتے رہے۔

صاحبِ عالم نے کچھ دیر کے بعد ملازم کو پکار کر کہا۔ "ارے دیکھ، مرزا صاحب کہاں ہیں۔"

مرزا نے وہیں سے جواب دیا۔ "غلام، گردش میں ہے۔"

 

بہت اچھے چیٹر صاحب۔۔۔
--------------------------------------------------------------------
مولانا شبلی نعمانی اورینٹل کالج لاہور کے پروفیسر مولانا فیض الحسن سے پڑھنے کے لیے خاص طور پر لاہور آئے لیکن مولانا کی مصروفیت کی وجہ سے انہیں وہی وقت ملا جب وہ گھر سے کالج کے لیے روانہ ہوتے۔ اتنی سی مسافت طے کرنے کے دوران میں جو مختصر وقفہ ہوتا، اس میں وہ اپنے استاد سے اعلی عربی ادب پڑھتے۔ البتہ جب مولانا کالج کی چھٹیاں گزارنے اپنے وطن سہارنپور آتے تو شبلی نعمانی ان سے بھرپور استفادہ کرتے۔

 

بھت خوب کاشفی بھائی

 

کافی

 

لگتاہے فورم میں کوئی مسئلہ ہوگیا کہ لکھنے کے بعد کچھ شو نہیں کرتا یا تھوڑا کچھ شو کرتاہے

 

جناب آپ تو جو کچھ بھی لکھتے ہیں ۔ وہ سارا شو ہوجاتا ہے
اور ماشاءاللہ آپ کی درجن بھر فوٹوز تواتنی تیزی سے شو ہورہی ہیں کہ غور سے دیکھ بھی نہیں سکتے۔ :hasna: