اب ہمیں درد دل کی دوا چاہیے (غزل)

اب ہمیں درد دل کی دوا چاہیے
ان کیے ہر گنہ کی سزا چاہیے

کوئی حسرت نہ رہ جائے پھر عشق میں
ہوش ہو یا جنوں , انتہا چاہیے

سارا عرصہ تو گزرا خزاں جھیلتے
پھول کے واسطے اب فضا چاہیے

عشق تو پڑھ لیا مکتب عشق میں
مرشدی اب جنوں کی دعا چاہیے

اک عدو کی حسیں یاد جو ساتھ ہے
زندگی کے لیے اور کیا چاہیے؟

عاشقی کا ہنر جو نہیں جانتے
نوشی ! ہم کو انہی سے وفا چاہیے۔

 

بہت خوب سسو۔۔بہت عمدہ

 

شکراً

 

نہیں ہو رہا سر ! میں اپنے کلام کو اصلاح کے بغیر نشر نہیں کیا کرتی ۔ الحمدللہ عروضی پیچیدگیوں سے کافی حد تک واقف ہوں ۔ میرا ہر شعر اساتذہ کی طرف سے سند یافتہ ہو کر ہی آب حیات پیتا ہے ۔
آپ نشاندہی کریں کہاں کہاں ایسا لگتا ہے ، میں وضاحت پیش کرتی ہوں ۔

 

جی ۔ یہ بحر متدارک مثمن سالم ہے جس کے ارکان ہیں "فاعلن فاعلن فاعلن فاعلن"
اب ہمیں = فاعلن
درد دل = فاعلن
کی دوا = فاعلن
چاہیے = فاعلن

ان کیے = فاعلن
ہر گنہ = فاعلن
کی سزا = فاعلن
چاہیے = فاعلن

کوئی حس = فاعلن
رت نہ رہ = فاعلن
جائے پھر = فاعلن
عشق میں = فاعلن

ہوش ہو = فاعلن
یا جنوں = فاعلن
انتہا = فاعلن
چاہیے = فاعلن

کیا ساری غزل کی کروں یا کافی ہے ؟

 

باقی یہ صرف آپ کا انکسار اور تواضع ہے ۔ ورنہ عروض سے بالکل نابلد شخص کو "تقطیع" کے مطلب کا نہیں پتا ہوتا ۔

 

واہ واہ
یقینا آپ کی شاعری مستند ہے اور خاص طور پر آپ خود بھی عروض و بحر سے اچھی طرح واقف ہیں۔
میری شاعری بھی تمام کی تمام میرے استاد محترم کی طرف سے اصلاح شدہ ہے اس لئے مجھے کبھی کسی نقص کا احتمال نہیں رہتا۔

زور قلم اور ذیادہ؛ اگرچہ ہر شعر خون جگر سے کہا جاتا ہے۔

میں نے شاعری ترک کردی اس لئے کہ مزید خون دیگر امور کے لئے محفوظ کرلوں۔

 

شکریہ !
اور کون کون سے امور ہیں جن میں خون جگر جلا کرتا ہے ؟

 

بے وفائی اور بے ایمانی

 

واہ جناب کیا کہنے ۔۔۔۔ بہت عمدہ ۔۔۔۔ ڈھیروں داد و تحسین

 

یہ امور تو دور حاضر میں حددرجہ ارزاں ہو چکے ہیں ۔
نہ کسی کا خون جلتا ہے نہ تکلیف ہوتی ہے ۔ روزمرہ کے معمولات میں شامل ہو کر عادت کی حیثیت اختیار کر چکے ہیں ۔

 

ڈھییییییروں شکریہ !

 

آپ جس قبیلےکے لوگوں کی بات کررہی ہیں وہ محض نظرآنے والے انسان ہیں مگر ان میں انسانیت کی کوئی رمق نہیں ہوتی۔
انھوں نے اپنا ایمان اور اپنی انسانیت کو تھوڑے سے فائدے کے عوض فروخت کردیا ہے۔
اہل ذوق اور اہل وفاء آج بھی سچی اقدار پر کسی قسم کا سودا نہیں کرتے۔