اب اک عجیب سا نصاب مانگتی ہے زندگی

مریم جی ۔ آپ کی بات درست ہے۔
میں نے بھی غزل “ہم“ کے ساتھ ہی سنی ہوئی ہے۔

 

مریم صاحبہ تصحیح کا شکریہ
--------------------------------------------------------------------

سراغ بھی نہ ملے اجنبی صدا کے مجھے
یہ کون چھپ گیا صحرائوں‌میں‌بلا کے مجھے

میں‌اس کی باتوں‌میں‌غم اپنا بھول جاتا مگر!
وہ شخص رونے لگا خود ہنسا ہنسا کے مجھے

اسے یقین کہ میں‌جان دے نہ پائوں‌گا
مجھے یہ خوف کہ روئے گا آزما کے مجھے

وہ اپنے لوگوں‌میں‌میری ہنسی اڑاتا رہا
قریب آیا تو رویا گلے لگا کے مجھے

میں‌اپنی قبر میں محو عذاب تھا لیکن
زمانہ خوش ہوا دیواروں پہ سجا کے مجھے

یہاں کسی کو کوئی پوچھتا نہیں‌آزر
کہاں‌پہ لائی ہے اندھی ہوا اڑا کے مجھے

(ڈاکٹر فریاد آزر)

 

بہت عمدہ اشعار ہیں۔

 

چمن میں‌جب بھی صبا کو گلاب پوچھتے ہیں
تمہاری آنکھ کے احوال پوچھتے ہیں

کہاں کہاں ہیں روشن ہمارے بعد چراغ
ستارے دیدہ تر سے حساب پوچھتے ہیں

وہ تشنہ لب بھی عجب ہیں جو موج سحرا سے
سراغِ حبس ، مزاجِ سراب پوچھتے ہیں

کہاں بسی ہیں وہ یادیں اُجڑنا ہے جنہیں
دلوں کی بانجھ زمیں سے عذاب پوچھتے ہیں

برس پڑی تیری آنکھیں تو پھر یہ بھید کھل
سوال خود سے بھی اپنا جواب پوچھتے ہیں

ھوا کی ہمسفری سے اب اور کیا حاصل
بس اپنے شہر کو خانہ خراب پوچھتے ہیں

جو بے نیاز ہیں اپنے حسن سے محسن
کہاں وہ مجھ سے میرا انتخاب پوچھتے ہیں

(محسن نقوی)

 

محسن نقوی مرحوم کی اچھی غزل ہے۔ لیکن مطلع (پہلا شعر) لکھنے میں کچھ چوک ہوگئی ہے۔ وزن، قافیہ ردیف کچھ بھی نہیں ملتا۔کسی تھرڈ کلاس شاعر کے بارے میں تو گمان کیا جاسکتا ہے لیکن محسن نقوی کے پائے کا عظیم شاعر ایسی غلطی نہیں کرسکتا۔

عمران بھائی ۔ ذرا پھر سے اس غزل کے مطلع کو چیک کیجئے۔ شکریہ

 

محترم نعیم بھائی!
آب نے درست فرمایا ۔۔۔ لیکن یہ غزل میں نےجہاں سے پڑہی تھی وہان اسی طرح لکھی ہوئی تھی ۔۔۔ میں نے وہیں سے دیکھ کر یہاں اپ لوڈ کر دی ۔۔۔

آئندہ پوسٹ میں‌احتیاط کروں گا۔ انشااللہ

توجہ دلانے کا شکریہ !!

 

:titli: :titli: اپکے نام، ایک شعر کرتا اپکی کاوش پر یہ میرا لکھا ہوا نہیں بلکہ محترم المقام استاذالساتذہ جناب قتیل شفائی صاحب کا ہے

میں اپنی ذات میں نیلام ہورہا ہوں قتیل
غم حیات سے کہو خرید کرے مجھ کو


اگر میں نے صحیح نہ لکھا ہو تو براہ کرم درستگی کر دیں

ذرا ایک نظر ادھر بھی
viewtopic.php?f=15&t=4902

 

شامل مرا دشمن صنف یاراں میں‌رھے گا
یہ تیر بھی پیوست رگ جاں میں رھے گا

اک رسم جنوں اپنے مقدر میں رھے گا
اک چاک سدا اپنے گریباں میں رھے گا

اک اشک ھے آنکھوں میں سو چمکے گا کہاں تک
یہ چاند زد شام غریباں میں رھے گا

میں تجھ سے بچھڑ کر کہاں تجھ سے جدا ھوں
تو خواب صف دیدہ گریاں میں رھے گا

رگوں کی کوئی رت تری خوشبو نہیں لائی
یہ داغ بھی دامان بہاراں میں رھے گا

اب کر گزر جائیں گے سب وصل کے لمحے
مصروف کوئی وعدہ وپیماں میں رھے گا

وہ حرف جنوں کہہ نہ سکوں جو کہوں بھی
اک راز کی صورت دل امکاں میں رھے گا

محسن میں حوادث کی ہواؤں میں گھرا ھون
کیا نقش قدم دشت و بیاباں میں رھے گا

 

چمن میں‌جب بھی صبا کو گلاب پوچھتے ہیں
تمہاری آنکھ کے احوال پوچھتے ہیں


شعر کچھ یوں ھے

چمن میں جب بھی صبا کو گلاب پوچھتے ھیں
تمہاری آنکھ کا احوال خواب پوچھتے ھیں



معذرت کے ساتھ میں‌نے محسن کی غزل یہاں لکھ دی تھی

 

خوشی جی ۔
شعر کی درستگی پر شکریہ

عمران بھائی ۔ آپ بھی آکر شکریہ ادا کر جائیں۔ :172:

 

شکریہ کی کیا بات یہ تو میرا فرض تھا میں جانتی ھوں غلط لکھے اشعار کی بہت کوفت ھوتی ھے