ابیات باہو

71
جیں دینہہ دا میں در تیڈے تے سجدہ صحی ونج کیتا ہُو
اُس دینہہ دا سر فِدا اُتھائیں میں بیا در نہ لیتا ہُو
سِر دیون سِر آکھن ناہیں شؤق پیالہ پیتا ہُو
میں قُربان تنہاں توں باہو جنہاں عشق سلامت کیتا ہُو


اوکھے لفظاں دے معنے

جیں دینہہ دا =جس دن دا
در تینڈے تے = تیرے بوہے تے
سجدہ صحی ونج کیتا=جاکے صحیح سجدہ کیتا- ڈھڈوں صاف ہو کے من مندر وچ جھاڑ و دے کے اپنی ،، میں ،، گوا کے درتے جھک گیا۔
فِدا=قُربان
اُتھائیں = اوسے تھاں تے (بوہے تے )
بیا=کوئی ہور- دوجا
در بیا نہ لیتا= کوئی ہور دروازہ نئیں ڈھونڈیا
سِردیون =سر قربان کردیندے نیں -
سِر آکھن ناہیں ۔ اپنا بھیت نہیں بھندے یا پھولدے​

 

جواب: ابیات باہو

سین جی
اچھا آغاز ہے مگر مزید کام کی ضرورت ہے۔​

کلمے لکھ کروڑاں تارےولی کیتے سئے راہیں ہُو
کلمے نال بجھاے دوزخ اگ بلے ازگائیں ہُو
کلمے نال بہشتیں جانا نعمت سنجھ صباحیں ہُو
کلمے جیہی نہ کوئی نعمت باہو دوہیں سرائیں ہُو​

اوکھے لفظاں دے معنے ​

کلمے =(1)کلمہ طیب نے (2) اللہ دا کلام
تارء =پار اتارے -مکتی نجات دواوے -جیون دے مسئلے حل کرے
سئے =سینکڑے
راہیں =راہ وچ ای (2) طریقیاں نال
بجھائے دوزخ =( 1) حضرت امراہیم دی خچانوں ٹھنڈیاں کیتا
(2) بندے دی اندرلی شیطانی اگ مٹھی کیتی ۔ (3) حرص پوس جنس دی خواہش مکا دتی
ازگاہیں =(ازگاہ =اسگاہ ) اسگاہ دی
اسگاہ =جہیدا کوئی حد بنا نہیں -ڈونگھائی جہدی تھاہ دا پتہ سر نہ لگ سکے
سنجھ =صباحیں =صبح ،شام 121
دوسرا (ہر دو سرائے ) دو جہان -ایہہ دنیا تے عاقبت -دونویں جہان –​

 

جواب: ابیات باہو

چاچا جی تصحیح دا بوہت شکریہ۔۔۔۔۔

 

جواب: ابیات باہو

آپ نہ طالب ہین کہیں دے لوکاں طالب کر دے ہُو
چاون کھیپاں کر دے سیپاں قہر توں ناہیں ڈر دے ہُو
عِشق مجازی تِلکن بازی پیر اولّے دھر دے ہُو
اوہ شرمندے ہوسن باہو اندر روز حشر دے ہو​

اوکھے لفظاں دے معنے

طالب=مُرید،بیعت ہوون والا۔ربانے راہ دا چاہوان۔
کسے دا صحیح معنیاں وچ لوڑوند (طالب کر دے دا فاعل ناقص مرشد اے)
کہیں دے=کسے دے وی
چاون =اُٹھاون۔فصل بنے دی پیداوار چک کے لے جاون
کھیپ=پیلی بنے دی ساری فصل۔کُل اناج جو بوریاں وچ بھریا ہووے زمین دا کُل
حاصل۔
سیپ=پنڈ دے کمیاں دا ساؤ لوکاں دے کم کاج کرن دا ورھے دا معاہدہ
ترکھان سارا سال کسے زمیندار دا ترکھانا کم کریسی۔سال دے اخیر تے پکی فصل وچوں
مقررہ دانے مِن یا تول کے ترکھان نوں دتے جاسن۔ترکھان تے زمیندار دونویں اک
دوجے دے سیپی اکھواندے نیں۔ایسے طرح ای جھوٹھے فراڈی پیر سیپ کر رہے نیں
تے سالانہ اُگراہی واسطے آجاندے ہن
عشق مجازی=فانی چیزاں دا عشق
تلکن بازی= جس کھیڈ وچ پیر تھڑکن تے کُراہے پین دا ہر ویلے ڈر ہووے
اولّے= بھیڑے ول دے۔بُرے طور طریقے دے
قہر= خدا دا غضب/ غصہ
اوہ = جعلی تے لوبھی لالچی پیر
روز حشر= قیامت دا دیہاڑا​

​

 

جواب: ابیات باہو

72
جیوندے کیہ جانن سار مویاں دی سو جانے جو مردا ہُو
قبراں دے وچ اَن نہ پانی خرچ لوڑیندا گھردا ہُو
اک وچھوڑا ماں پیو بھائیاں بیا عذاب قبر دا ہُو
واہ نصیبہ باہُو جیہڑا وچ حیاتی مر دا ہُو


اوکھے لفظاں دے معنے

سو=اوہ ای
اَن =اناج -خوراک
لوڑیندا=لوڑ پیندی اے-جہدی لوڑ پوے - لوڑ وچ کم آندا اے
گھر دا خرچ =جیہڑا خرچ گھروں ای لے کے گئے ساں
(حیاتی وچ کیتے گئے نیک عمل)
بیا=دوجا
واہ نصیب =دھن بھاگ نیں -کنا چنگا نصیب اے - واہ سبحان اللہ اوہناں دے نصیب کنے چنگے نیں- کڈے بھاگاں والے جی نیں​

​

 

جواب: ابیات باہو

74
چنا کر رشنائی تارے ذکر کرہندے تیرا ہُو
تیرے جیہے چن کئی سے چڑھدے سجناں باجھ انھیرا ہُو
جتھے چن اساڈا چڑھدا قدر نہیں کجھ تیرا ہُو
جنم گوایا جس کارن باہُو یار ملے اکویرا ہُو


اوکھے لفظاں دے معنے

رشنائی=روشنی۔ چانن
چنا=اے آکاش دے چن
کئی سئے=کئی سینکڑے
سجناںباجھ=محبوب دے بغیر
قدر=اہمیت ۔ قیمت۔ وقار
کارن=وجہ توں۔ واسطے ۔ دی خاطر
جنم گوایا=پوری حیاتی محبوب دے نانویں لادتی۔ سارا جیون اوہدے سپرد کردیا۔
اکویرا=اک ویرا ۔ ویر=بیر۔ (ہ) وقت۔ باری اپبے ویلے تے وارے وچ اکو ای۔ لاثانی ۔ بے نظیر
​

 

جواب: ابیات باہو

پِیر مِلے جے پِیڑ نہ جاوے اس نوں پِیر کیہ دِھرنا ہُو

مُرشد مِلیاں اِرشاد نہ مَن نُوں اوہ مرشد کیہ کرنا ہُو

ہادی کُنوں ھِدایت ناہیں اوہ ہادی کِیہ پھڑنا ہُو
سِر دتیاں حق حاصل باہُو اس موتوں کِیہ ڈرنا ہُو​

٭ ٭ ٭

اوکھے لفظاں دے معنے​

پیڑ: کوئی جسمانی یا روحانی روگ دکھ درد

دَھرنا: پھڑنا ۔قابو کرنا۔ دھارنا۔ اختیار کرنا ۔من مرضی نال چُننا
اِرشاد:ہدایت یافتہ ہونا۔دھیرج ۔دِلی سکون
ہادی:ہدایت دین والا مرشد
سر دینا:جان وارنا۔سر ویچنا
​

حق حاصل ہونا:حق تعالیٰ دی پچھان ہو جانا۔​

​

 

جواب: ابیات باہو

تَسبی پھِری تے دِل نہ پھریا لینا تَسبی پھڑ کے ہُو؟​

عِلم پڑھیا تے ادب نہ سِکھیا لینا عِلم نُوں پڑھ کے ہُو؟
چِلے کَٹے تے کُجھ نہ کھٹیا لینا چِلیاں وَڑ کے ہُو؟
جَاگ بنا دُدھ جمدے نہ بَاہُو لال ہوون بھَانویں کَڑھ کے ہُو​

٭ ٭ ٭ ٭ ٭​

اوکھے لفظاں دے معنے​

چوتھے مصرعے وچ سئے سئے توں پہلاں تورَے یا بھانویں دا مفہوم موجود اے۔
تسبیح: تسبیح منکیاں والی مالا عام طور تے اِک سو مَنکیاں نوں کِسے تاریا دھاگے وچ پرووتا جاندا
اے منکیاں دا ایہہ اِکٹھ تَسبی اے۔ہر مَنکے اُتے کوئی لفظ یا کلمہ پڑھ کے منکیاں دی گنتی سیتی
وِرد کیتا جاوے تے اِک تسبی پڑھی منی جاندی اے۔عام طور تے سُبحان اللہ سُبحان اللہ۔
دے وِرد نوں تسبیح آکھدے نیں
دِل نہیں پھِریا:دل ۔دماغ دی سوچ تے کرنی اُتے کوئی اثر نہیں پیا ٹ ک
مَتھے تِلک ہتھ مالا بانا
لوگن رام کھلونا جانا
لوگ پتینے کچھو نہ ہووے
ناہیں رام ایانا
(بھگت کبیر)
عِلم پڑھیا:چوکھا عِلم پڑھن نال نفس وچ مغروری تکبر ودھدا اے تے کسے رب دے بندے
نال بے ادبی ہو سکدی اے ٹ ک
ادب پہلا قرینہ ہے محبت کے قرینوں میں (اقبال) ادب: ٹ ک 27
چِلا:چالی دناں تک لگا تار کسے پابندی نال اِکلوانجے کوئی عمل۔وظیفہ۔تپسیا کرن دا کم
کھٹیا:کوئی کھٹی کمائی نہیں ہوئی۔کوئی نفع لابھ فائدہ نہیں ہویا
کے لینا: کوئی فائدہ نہیں اے۔
جاگ: دہی کھٹا۔دُدھ دہی وچ تبدیل کرن دا وسیلہ۔ سبان سبین
کڑھنا: ٹ ک 37
پھڑ' پڑھ' وڑھ دے مگر لفظ ''کے'' کیا کیہ دے معنے وچ ہے

​

 

جواب: ابیات باہو

75
چڑھ چنا تے کر رشنائی ذکر کریندے تارے ہُو
گلیاں دے وچ پھر ن نمانے لعلاں دے ونجارے ہُو
شالا مسافر کوئی نہ تھیوے ککھ جنّہاں توں بھارے ہُو
تاڑی مار اڈانہ باہُو آپے اڈن ھارے ہُو


اوکھے لفظاں دے معنے

چنا =اے چن ۔ (اے حقیقی محبوب )
چڑھ =میری انھیر دنیا وچ چانن کر
تارے=چن توں علاوہ سارے فلکی اجرام بہیڑے رات نو دسن
ذکر کریندے=حمد ثنا کر دے نیں۔ پاکی بیان کر دے نیں
سَبَحَ لِلَہِ مَافِی اسَمَوَتِ وَالُاَرضَ وَھَوَالعَزَیَزُالحَکیَم (57/1)
گلیاں دے =.....پاندھی ایس دنیا وچ گند مند خریدن دی تھاں اگلے جہان کم آون والے لعل وہا جن والے ونجارے نیں۔ ایس دینا وچ اوہ عاجزی مسکینی دی حالت وچ رہندے نیں۔ اوہناں دی ظاہری حالت تے ترس آوندا اے تے اوہ ککھاں توں ہولے جاپدے نیں۔ کیوں جو اوس دنیا وچ دل لا کے نہیں بیٹھے تے اپنےاصل ول جاون لئی تیار بیٹھے نیں ۔ دنیا والے اوہناں نوں ناجائز تکلیف دے رہے نیں۔ اوہ تے پہلاں ای ایس دنیا توں بے زار بیٹھے نیں تے ربی امر ملن تے چلے جان گے۔
شالا=شاللہ۔ اللہ کرے انج ای ہووے
ککھ جنہاں =......اوہ ککھاں توں وی ہولے ہو جاندے نیں عام دینا وچ اوہناں دی کوئی قدر قیمت تے عزت نہیں رہ جاندی
​

 

جواب: ابیات باہو

سین صاحبہ آپ خصرت سلطان باہو کے کچھ جانتی ہیں؟

 

جواب: ابیات باہو

جی اوہ وی صوفی بزرگ نیں مزید معلومات انٹرنیٹ توں مل جاون دیاں

 

جواب: ابیات باہو

82
درد منداں دیاں آہیں کولوں پتھر پہاڑ دے جھڑدے ہُو
درد منداں دیاں آہیں کولوں نانگ زمیں وچ وڑ دے ہُو
درد منداں دیاں آہیں کولوں اسمانوں تارے جھڑ دے ہُو
درد منداں دیاں آہیں کولوں باہُو مول نہ ڈر دے ہُو


اوکھے لفظاں دے معنے

(ایس بیت وچ عاشق لوکاں دی آہ دا اثر ویکھو)
دردمند=عاشق لوک ۔ دینا داراں دے ظلم دے دقائے لوک
آہ=درد بھریا ٹھنڈا ساہ جہدے اندر ڈاڈھے رب اگے اک گجھی عرض اپیل ہوندی اے
کولوں=کنوں ۔ وجہ توں۔ پاروں
کھور=گجھی دشمنی۔ عناد۔ کنیہ
چوتھے مصرعے وچ اک گجھی سینت اے۔ نہ ڈرن والے لوکاں توں مراد دردمنداں دے کھوری۔ عشق دے ویری تے سماج دے ظالم لوک نیں۔
جیویں کہندے نیں =آکھدے نیں دا فعل دی گجھا ہوندا اے۔ ایسے طرحاں چوتھے مصرعے وچ نہ ڈرن دا فاعل وی لوک نیں کدھرے حضرت باہُو نوں فاعل نہ سمجھ لیا جاوے۔ کیوں جو حضرت باہُو تے آپ وڈے دردمند نیں۔ جو ایس ظالم طبقے دے دویے دی دس پارہے نیں۔
​

 

جواب: ابیات باہو

102

روزے نفل نمازاں تقوی سبھو کم حیرانی ہُو
انھیں گلیں رب حاصل ناہین خود خوانی خود دانی ہُو
نال ہمیش قدیم جلیندا ملیوس بار نہ جانی ہُو
ورد وظیفے تھیں چھٹ باہُو جد ہو رہسی فانی ہُو​

اوکھے لفظاں دے معنے ​

ایس بیت وچ فقر دی انتلی منزل دا ذاکر چوتھے مصرعے وچ اے۔ جناں چر اوہ فانی نہیں ہوندا اوہدا مسئلہ حل نہیں ہونا۔ ظاہری عبادتوں روزے نفل نمازاں تے پرہیز گاری دا نتیجہ حیرانی اے۔ ایہناں گلاں نال رب دی ذات دی پچھان نہیں ہو سکدی ۔ سگوں خود خوانی تے خوددانی ودھدی اے
خوددانی=زعم۔ خودی ۔ تکبر صرف اپنے آپ نوں ای ٹھیک رستے تے جاننا۔ باقی دی دنیا نوں گناہ گار سمجھدے ہوئے اوہناں نوں نفرت کرنا
نال ہمیش قدیم جلیندا=......اجیہے متکبر گھمنڈی بندے نوں مڈھ قدیم توں نال گزر بسر کرن والا جانی یار وی نہیں مل سکدا اوہدا نفس علم تے ظاہری عبادت نوں حجاب بنا کے وچکار کھڑا کردیندا اے
جلیندا=ٹ ک 14
نہ ملیوس=اوہنوں نہیں ملیا
جانی1- =جان دا مالک -2 پیارا -3 سب کجھ نانن ولا۔ مرادی معنے اللہ تعالی
چھٹ =چھٹی ۔ رہائی ۔ چھوٹ ۔ رعایت
رہسی=باقی رہے گا
رہنا =بچھنا باقی رہنا ۔ ورتوں توں ہٹنا
(جدوں اوہ جفانی ہو کے باقی رہے گا اودوں اوہنوں ورد وظیفے توں چھوٹ مل جاوے گی )​

 

جواب: ابیات باہو

ایہہ پوسٹ اردو زبان وچ لکھی گئ سی، اس کرکے اینھوں ڈیلیٹ کرنا پیا۔
صارفین نوں زحمت ہوئی تے معذرت خواہ آں۔
جزاک اللہ۔

 

جواب: ابیات باہو

توانوں کہیڑی مٹی لگی اے جے تسی کسے دی گل نہیں من دے پنجابی وچ نہیں لکھ سکدے تے اردو وچ وی نا لکھیا کرو پنجابی سیکشن وچ۔بڑی مہربانی

 

جواب: ابیات باہو

84
دل تے دفتر وحدت والا دائم کریں مطالعہ ہُو
ساری عمرا پڑھدیاں گزری جہلاں دے وچ جالیا ہُو
اکو اسم اللہ دا ویکھیں ایہو سبق کمالیا ہُو
جہان غلام تنہاں دے باہُو جیں دل اللہ سنبھالیا ہُو


اوکھے لفظاں دے معنے

دل تے =دل اُتے رکھ کے
دفتر=وڈی کتاب ۔ کسے بہت وڈی کتاب دا بندا پھبدا حصہ - رجسڑ - ریکارڈ
دائم=ہمیشہ
پڑھدیاں = گزری=وحدت دفتر نوں چھڈ کے دوجے علم پڑھدیاں عمر لنگھ گئی
جہل=جہالت (جہلاں تے جہلاں پینی جاہلا دوہاں دا امکان اے )
جہلاں =جاہلاں
جالیا=سماں ہیلا گزریا، عمر لنگھائی ۔ جیون بتایا
اکو اسم=......اسم ذات کماون ویلے صاحب کمال اللہ نوں ویکھدے نیں
کمالیا=اے کمال ولاے صاحب کمال
سنبھالیا=​

 

جواب: ابیات باہو

ایہدے وچ اینا غصے ہون دی کی گل ہے؟؟؟:1-announce:

 

جواب: ابیات باہو

​

 

جواب: ابیات باہو

85
دل دریا خواجہ دیاں لہراں گھمن گھیر ہزاراں ہُو
ویہن دلیلاں وچ فکر دے بے حد بے شماراں ہُو
ہک پردیسیں نیونہیہ لگا دوجا بے سمجھی دیاں ہاراں ہُو
ہسن کھیڈن بھلیا باہُو عشق چنگھایاں دھاراں ہُو


اوکھے لفظاں دے معنے

دل دریا خواجہ =جس طرح ہر دریا نوں خواجہ خضر دا مقام سمجھیا جاندا اے ایسے طرحاں ای دل دریا نال وی خواجہ دا لفظ ورتیا گیا اے
ویہن =سوچاں دا دھارا
ہیک پردیسیس =......دل بارے تن گلاں دی جانکاری دتی گئی اے
-1دل پردیسی اے اوہدی روح کسے ہور دیس وچوں ایتھے آئی اے
-2نیونہہ لا بیٹھا اے
-3بے سمجھی پاروں عشق وچ ہار (ناکامی )آوے گی
عشق چنگھائیاں عشق =.......دھاراں چنکھن والا جہڑا اگجھا سواد لے رہیا ہوندا اوہنوں چنگھن تے چنگھاون والے توں سوا کوئی ہور دو جا نہیں جاندا۔ ایہو صورت عشق وچ اے۔ عشق دیاں دھاراں نے ہسن کھیڈن بھلا دتا اے۔
​

 

جواب: ابیات باہو

86​

دل دریا سمندروں ڈونھگا غوطہ مار غواصی ہُو
جیں دریا ونج نوش نہ کیتا رہسی جان پیاسی ہُو
ہر دم نال اللہ دے رکھن ذکر فکر کئاسی ہُو
مرشد تھیں زن بہتر باہو پھند فریب لباسی ہُو​

اوکھے لفظاں دے معنے

غواصی =غواص ۔ غوطہ خور ۔ ٹبی مار کے سمندر دے تھلیوں سپیاں جواہرات کڈھن والا طالب دے دل دا دریا سمندر ڈونگھا اے۔ غواصی توں ٹبی مار کے مرفت دے موتی کڈھ لے جنھے جاکے ایس دریا دا پانی نہیں پیتا۔ اوہدی روح ہمیشہ تریہائی رہے گی۔
ذکر چار نیں ذکر زوال ذکر کمال ۔ ذکر وصال ۔ ذکر احوال چار فکر ، تصور اللہ ، للہ لہ اور ھو دے نیں ایہناں ذکراں فکراں نال ای فقیری دی شان لبھدی اے
اجیہا مرشد جہڑا پھند فریب وچ مریداں نوں پھساندا ہووے یا بہروپیا ہو وے اوس توں تے اوہ فاحشہ عورت ای چنگی اے جیہدا ظاہر باطن اکو جیہا ہووے۔ ایس عاجز دے خیال موجب زن توں مراد اجیہی زن اے جہد ا ذکر تھلے دتی رباعی وچ موجود اے ​

شخیے با زن فاحشہ گفتا مستی
کہ از خیر گستی و بہ شر پیو ستی
زن گفت ہماں کہ می نمائم ہستم
و تو نیز چنانکہ می نمائی ہستی؟
جان =روح
ذکر فکر=ٹ ک 60
کٹاس =جمع کاس (عربی )=بھرے پیالے ، کٹاسی=بھرے پیالے پہون والے (چونہہ نسخیاں وچ کی آسی ــ موجود اے ​