آنسو در نبیﷺ پہ بہانا نصیب ہو ۔۔۔ امیر حمزہ نظامی

آنسو در نبیﷺ پہ بہانا نصیب ہو​

درد جگر یہ جا کے بتانا نصیب ہو

عشق رسول پاک میں اس دل کو یا اٰلہ
دہلیز مصطفےٰﷺ پہ جھکانا نصیب ہو

جن کے لئے خدا نے بنائے ہے دو جہاں
الفت میں ان کی عمر بتانا نصیب ہو

ہر وقت دل یہ کہتا ہے عشق رسول میں
اےکاش مجھ کو روضے پہ جانا نصیب ہو

مرنے کے بعد آل پیمبر کے واسطے
ہم.عاصیوں کو خلد میں جانا نصیب ہو

مرقد میں آئیں جب مرے آقاﷺ تو وجد میں
نعت رسول پاک سنانا نصیب ہو

حسرت ہے بس نظامی کا للٰہ عمر بھر
ہم سب کو ماں کا پاؤں دبانا نصیب ہو
----
امیر حمزہ نظامی
مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018​

 

صلی اللہ علیہ وآلہ وسلم
مرنے کے بعد آل پیمبر کے واسطے
ہم.عاصیوں کو خلد میں جانا نصیب ہو​

 

صلی اللہ علیہ وآلہ وسلم
مرقد میں آئیں جب مرے آقاﷺ تو وجد میں
نعت رسول پاک سنانا نصیب ہو​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین