آشاوٴں کی ہاٹ پر تن بکتا ہے آج

دوہے

خاور چودھری

آشاوٴں کی ہاٹ پر تن بکتا ہے آج
من بھیتر ماں ساچ ہو آوے جگ کو لاج

اوگُن دھو دے گات کے ٹوٹا من کا ماد
دونوں پاوٴں بیڑیاں سیاں کر آزاد

باہر کڑکے دامِنی بھیتر آگ لگائے
اَگنی جیسی کامنی شیتل ہوتی جائے

رُوپ رسیلا بھور ہے آنکھ ہوئی سیراب
مُکھڑا تیرا آد سے کرتا ہے بے تاب

حسن کی مالا جاپنا ہر پل اپنا کام
تورے عشق کا اوگُنی بھولا اپنا نام

 

سچ سچ بتاؤں تو مجھے ایسا لگا جیسے ٹائپ کرتے تھوڑی غلطی ہو گئی ہو۔ کئی لفظوں کی سمجھ نہیں آئی

 

محترمہ ٹائپ کی غلطی کہیں‌نہیں‌ہوئی جن لفظوں کی سمجھ نہیں آئی لکھ ڈالیے میں‌بتائے دیتا ہوں

 

خاور چودھری صاحب۔ میری درخواست مانیں تو سارے کلام کا ہی ترجمہ لکھ دیجئے پلیز !
آپکی بہت مہربانی ہوگی۔
ویسے پوربی زبان بہت پرسوز ہوتی ہے ایسا کلام ہمیشہ اثر آفرین ہوتا ہے

 

کوشش کروں گا نعیم بھائی
سادہ ترجمے سے بات نہیں بنے گی۔۔۔ دہوں کا لطف ختم ہوجائے گا۔۔۔۔۔۔۔ دوبارہ کبھی اردو میں تخلیق کر کے آپ کی نذر کروں گا۔

 

شکریہ ۔
انتظار رہے گا ۔۔۔

 

ان شا اللہ