آئیں گپ لگائیں؟

بندہ پرور
آپ کی محبت بھری (امیداً) تصویر ظاہر ہی نہیں ہو رہی۔
افسوس!
شاید یہ مجھے کمپیوٹر پہ آنے کی دعوت دے رہی ہے

 

دعوت نہیں مبارزت ہے صاحب۔۔۔۔۔۔۔۔۔

 

ہماری پیاری اردو کے سرمایہء سخن جناب شکیل احمد خان صاحب کےفیض رسانِ عبارتِ متین کی کیفیت دیکھ کر کئی خم نشینوں کے نشے ہرن ہو جاتے اور اس کے ادراکِ غوامض میں اپنی عقل و خرد کھودیتے جہاں ایسے ایسے سرخوشان خمستانِ معنی جرعہ خوار بادہ گفتار اور نشہ حسنِ بیان سے سرشار سخن وری کے شہنشاہ ہوں وہاں پھر ہم جیسے نارسیدہ اس پختگی مطالب کو کیا پائیں کہاں سے ایسی قوتِ متخیلہ لائیں سوائے اس کے کہ یہ راہِ باریک دیکھ کر قدم لڑکھڑائیں اور اپنی نا فہمی پر عرقِ انفعال میں غوطہ کھائیں۔

 

واہ زنیرہ واہ!
ہر بول تیرا دل سے ٹکرا کے گزرتاہے

کچھ رنگِ بیاں حالؔی ہے سب سے جدا تیرا​

 

بہت بہت شکریہ!!!

 

کیا بات ہے

 

اور یہی وہ بات ہے جوآپ کو باور کرلینا چاہیے؛کم سے کم لفظوں میں اچھی سے اچھی بات ۔۔۔۔۔۔۔ذرالائبریریوں کا رُخ کیجیے اور دیکھیں اُردوکی کامیاب کتابیں کس روش کی نمائندہ ہیں۔ہمارے بعض احباب غیراُردُوماحول کے پروردہ ہیں مگر اُردُو کی محبت اور خدمت میں ہم سے آپ سے زیادہ مخلص ہیں۔ اُن کے ہاں طنز اورتلخی نہیں سادگی اور مٹھاس ہے۔

 

جواب دینے میں جلد بازی نہ کریں، پہلے بات کو سمجھ لیا کریں
"کیا بات ہے" کو آپ نے سمجھا ہی نہیں
خیر
آپ کے انداز میں ہم نے کافی مٹھاس پائی ہے
شوگر کا اندیشہ ہونے لگا ہے

 

چیزائی صاحب کا منہ بگڑتا جارہاہے مگر اُردُو سنورتی جارہی ہے ، یہ کس کا فیضان ہے ؟

 

بوڑھوں کے نشے ہرن ہو گئے، اندازِ سخن بدل گئے، میر امن رخصت ہو گئے
...
کس نے منھ کھٹا کر دیا؟

 

خواص کے لیے خاص زبان استعمال کی جاتی ہے
عوام کے لیے عوامی
.....
اور جو خود اپنی ناسمجھی کا اعلان کردیں ان کے لیے ان کے معیار کی

 

رنگ بھی قائم رہتا اور گپیں بھی چلتی رہتیں تب تو تھا مزا۔وہ خاک چاٹتا گدھ کہاں اُڑگیا:
جھوٹ بولا ہے تو قائم بھی رہو اس پر ظفر

آدمی کو صاحبِ کردار ہونا چاہیے​

رفتہ رفتہ تحریرصدق وصفا کے سانچے میں ڈھل ہی جاتی۔

 

وااااہ
اس قدر نسیان، اس پہ یہ الزام
خیر
بڑھاپا ہے
یاد کیجے "آپ نے جو کچھ کہا وہ آپ ہی جانیں"

اور خدا را صاحبِ کردار ہو جائیے، اس طرح کی الزام تراشیوں سے باز آئیے، خدا کو جواب بھی دینا ہے

 

محترمین گپ اگر خوبصورت انداز تکلم کے ذریعے محبت و احترام سے ایک دوسرے سے ہم کلام ہونے کا نام ہے تو تو ہم سب سے بہترین گپی ہیں

گپ اگر تبدل و تغیر اکھاڑ پچھاڑ توہین و بے وقری اور ذلت و رسوائی اور بے حرمتی کا نام ہے تو ہم اس میدان میں اپنی ہار تسلیم کرتے ہوئے بھاگ جانے پر اکتفا کرینگے

 

اجی آپ کیوں جانے لگے
.....
اب تو جاتے ہیں میکدے سے میر
پھر ملیں گے اگر خدا لایا

 

آپ کا جانا ہمیں منظور نہیں میرے بھائی

 

ہاں زنیرہ ہاں۔۔۔۔۔۔حق ہے یہ فرماں!

 

بہر صورت ہیں ہم شیرینئ گفتار کے صدقے
ترے اقرار کے صدقے ترے انکار کے صدقے
خوشا ذوق طلب اس حسرت دیدار کے صدقے
ہوئے ہیں بام و در کے روزن و دیوار کے صدقے
نوازش ہو نوازے گر نگاہ لطف سے اس کو
ترا بیمار تیری نرگس بیمار کے صدقے
قدم لے کر کلیجے سے لگاتے ہیں کبھی اس کو
کبھی ہوتے ہیں ہم چشم و لب و رخسار کے صدقے
جہان آرزو میں حسن کا بھی نام ہو جائے
مزہ آ جائے وہ گل بھی اگر ہو خارؔ کے صدقے

خار دہلوی

 

خوبصورت انتخاب ،ماشاء اللہ ! لاجواب!!

 

بھائیوں کی شیرینیء گفتار آج ہماری خوشی کا باعث بنا ہے
موگیمبو خوش ہوا
بولو بھائیو!
کیا کھاؤگے............... ہارون رشید بھائی کھلانے کے لیے بےتاب ہیں

 

شکریہ بھائی ........... جب ہر طرف خوشیوں کا سماں ہوتا ہے....
ہر ایک جھومتا ہے.... محبت سے سرشار ............ کیوں نہ تندرست ہو پھر دلِ بیمار
کہ گھل مل گئےسب یہ سچ ہے کہ سپنا... پھر .....بھلا ہوتا جائےگا انداز اپنا.........

 

اِس خوبصورت اور شیریں،شیئرنگ سے واللہ ،سراپامٹھاس بلکہ مٹھائی کی پوری دکان ہیں۔مخزنِ ادبیات سے جو خزینے آپ لاتی ہیں،اُنھیں دیکھ کر روح جھوم جھوم جاتی ہے۔حسنِ خیال جو نہ کسی کو دکھائی دے،شعراء کے سبب ہی وہ سب کو سجھائی دے
۔۔۔۔۔۔۔رحمت ہیں پیار امن و محبت ہیں شعراء۔۔۔۔۔۔۔۔ہم تو یہی کہیں گے ، نعمت ہیں شعراء۔۔۔تلاش اور دریافت میں آپ کی ہمت شاباش کی مستحق ہے،شکریہ زنیرہ شکریہ!!

 

محترم شکیل احمد خان بھائی ........ بہت بہت مشکور و ممنون ہوں آپ کی محبت ہے ورنہ نا چیز کی اتنی قدرت
بس آپ کی تھپکی سے ہمت بندھ جاتی ہے

بزم سخن طراز میں ناکام ہوں تو کیا
چلاؤں اپنے فن کی حفاظت نہیں کروں
احمد کمال پروازی

 

بھائی ہم اردو جیسے خوبصورت زبان پر عبور حاصل کریں یا نہ کریں بس اس میں بھی خوش ہیں کہ آپ جیسے خوبصورت شاعروں اور نثر نگاروں کی محفل میسر آجاتی ہے
ہم امتحان میں ناکام ہوں یہ رنج نہیں
اسی میں خوش ہیں کہ وہ آزما تو سکتے ہیں
اسعد بدایونی

 

خوش گمانی کابیحد شکریہ ،خدا ٓپ اور تمام احباب کوسلامت رکھے،آمین!

 

آمین

 

گپی کہاں غائب ہیں؟

 

آپ گپی نہیں ہو کیا؟