آئیں گپ لگائیں؟

ہاہاہاہا
گپاڑی

 

سرد موسم میں کیسے گپاڑی ہیں کہ چائے کا نہیں پوچھتے

 

جی جناب بابا جی کی دعا سے
ہم بہت سخی واقع ہوئے ہیں

 

وہ تو ہے

 

ہاہاہاہاہاہا

 

E پانی بھی تو موجود ہے نا بھائی

 

لڑی کے شروعاتی دو پیج پڑھکر محسوس ہوا لڑی کا نام موسیقی خانہ ہونا چاہئے تھا
پھر احساس گزرا کہ نہیں، باورچی خانہ ہونا چاہئے تھا

خیر! "خاکم بدہن"
اختلافِ نظریات و تفکرات کبھی باعثِ فسادات بھی ہوتا ہے اس لیے فقیر اظہارِ رائے سے قبل ہواؤں کا رخ سمجھنے اور دریدہ دہنی و چشیدہ دہنی کا جائزہ لینے کا قائل ہے

 

لڑی کا عنوان ہے آئیں گپ لگائیں اور گپ کسی مخصوص مضمون پر نہیں بلکہ کوئی بھی موضوع زیر بحث آسکتا ہے
جیسا کہ آپ نے لڑی کا رخ موڑ کر ایک اور بحث کا آغاز کیا ہے

 

کسی بھی چیز کا آغاز کرنے میں ہم بڑے فعّال واقع ہوئے ہیں
اور جہاں تک بحث کی بات ہے تو ہم دنیائے بحث و مباحثہ کے صدر الصدور مانے جاتے ہیں کہ بھلے ہی اپنی بات ثابت کر پائیں یا نہ کر پائیں البتہ مقابل کو خاموش کیسے کرنے میں کافی مہارت رکھتے ہیں

 

لیکن قبلہ ،حضور،عالی مرتبت،حاوی بہر جہت!
گستاخی معاف ،رہے دل صاف،بھلے ہو اِختلاف،اے فخرِ اَسلاف،پیرِ اَخلاف،بندہ پرور،تھام کے جگر،بن کے پیار،سراپانیاز عرض ہے:
یہاں تو ایک دوجے کو کچھ کہنے کی دعوتِ عام ہے اور یہ سامانِ طعام زبانِ حال سے محوِ کلام ہے کہ گپ سن کر جو مزاآتا ہے وہ الگ اور لذتِ کام ودہن اس پر مستزاد ہے۔چنانچہ آپ بھی اِرشاد فرمائیں،اَوروں کو بھی ہانکنے دیں،خاموشی کی باتیں جانے دیں۔۔۔۔۔۔۔۔۔۔۔۔۔۔۔۔۔۔۔ نئی گپ آنے دیں۔۔یہ بتائیں آپ اِس قدر خوبصورت ، صحت مند ، رشکِ بہار،گل وگلزار کیسے ہوئے،وہ نسخہ بتائیں کہ ہم بھی آزمائیں اور آپ سے ہوجائیں۔۔۔ بلکہ آپ کو بھی بائی پاس کرتے ہوئے آگے نکل جائیں۔۔۔۔۔۔کوئی ڈھونڈے پہ ڈھونڈے ملیں ہی نہیں۔۔۔پھر وہ خود ہی یہ کہدے کہ ہیں ہی نہیں۔۔۔۔

 

حضرت سلامت ! قبلہ! بقول آپ کے صدر الصدور ِ بحث و مباحثہ یقیناً آپ لفاظی کے جادوگر ہونگے لیکن جس محفل میں آپ اپنے آپ کو شاہِ سخن گردان کر سب کو چھپ کرانے کا دعویٰ کر رہے ہیں یہاں پر شکیل احمد خان جیسے سخن گو خوش گفتار و خوش تقریر بھی براجمان ہیں جن کی فصیح البیانی اور طلیق اللسانی کے ہم پہلے ہی گرویدہ ہیں.... منہ لگاؤ اہل حیرت کو، اگر ہو دل سے صاف .... آنینہ دیکھو اگر دعوائے یکتائی نہیں
اور ہم رہے آپ کے ادنیٰ سے شاگرد جو آپ کی محفل سے سیکھنے کی جستجو لے کر حاضر ہیں
بندش الفاظ جڑنے سے نگوں کے کم نہیں
شاعری بھی کام ہے آتش مرصع ساز کا

 

باقی سب باتیں تو زنیرہ بی بی کی ۔۔۔۔۔۔۔مبنی بر محبت و اَخلاق ہیں مگر جو قول حضرتِ آتش کا نقل کیاوہی ہے دلیل؛ یہ کیسی خوش مذاق ہیں۔۔۔۔۔۔۔ہاں زنیرہ ہاں ۔۔۔۔سچ ہے آتش کا فرماں!

 

(بات آ پہنچی ہے ناچیز کی "چیزائی" پر)
ہم کوئی "رضا" نہیں کہ بقول داغ ہر سمت ہمارے ہی سکے ہوں کہ میاں شکیل ہماری پذیرائی میں "حاوی بہر جہت" کا نعرہ دے ماریں
"رشک و فخرِ اسلاف و اخلاف" جیسی ترصیع اور پھر "ہمارا ارشاد، اوروں کا ہانکنا" پر فقیرِ سخن کی طبیعت شعلہ بر آب ہے جو تا حال وجود ندارد ہے
کہاں آپ جیسے (.....کا ہے اندازِ بیاں اور) کے حامل نے بہار و گل و گلزار میں اس سوختہ چنگاری کو رکھ دیا کہ ہری طبیعتیں بھی اپنے موہنی شاہکار میں مجھے دھبہ تصور فرمائیں
فقیر کا جملہ "مانے جاتے ہیں" خود فقیر کے زیرِ غور و پیشِ نظر ہے کہ آخر کیوں؟
کیا ہانکنے کا عادی ہوں یا مجادلے کا منادی ہوں
"خاموش کرنا" مجاز ہے حقیقت شے دیگر
کہنے کو توبہت کچھ ہے اور پڑھنے کو صرف لاحول
دعوائے یکتائی خاصئہ خدا ہے، جادوگری کارِ جادوگراں اور ناچیز شاہئ سخن کا فیصلہ کرنے سے قطعاً قاصر۔
مذاق زمرہْ مذاق کا خواہاں ہے، دل شکستگئ احباب پر مسکینِ سخن بیَکسوئی، عفو و تلافی کی خاطر کوشاں و "العذر کرام الناس معقول" کی امید کے ساتھ صحرائے ویراں میں رواں دواں ہے

 

کاش کہ ہم بھی اردوئے سخن کے ادنیٰ شاگردوں میں شمار ہوتے
لیکن یہ کہنے میں تردد نہیں کہ شکیل احمد خان بھائی کا جو سخن ہے وہ دُرِ عدن ہے جو بات ہے از رہِ معنی کرامات ہے۔ شکیل احمد خان بھائی کے نثر کی رنگینی، نظم کی شیرینی، غزل کی فصاحت، قصیدہ کی متانت، لفظوں کی محبوبی، ترکیب کی خوش اسلوبی، جدتِ معانی، طلاقتِ لسانی، سلاستِ عبارت، روانی مطالب دیکھی نہ سنی ہیں جناب .. سطریں ہیں کہ موتی کی لڑیاں ہیں۔ باتیں ہیں کہ مصری کی ڈلیاں ہیں۔ نثر نثرہ نثار پر نظم انجم قربان۔ حسن تقریر پر تحریر شعاع سے نثار کرنے کو آفتاب زر بداماں۔ گفتارِ شکر بار کو جادو کہوں سحر کہوں حیران ہوں کیا کہوں۔ لاحول ولاقوۃ کیا سودائیوں کی باتیں کرتی ہوں کیا جادو ہے کیا سحر کا اثر ہے۔

 

واہ واہ
بہت خوب۔
ماشاءاللہ اردو میں اتنی شیرینی قابل تحسین ہے۔