آئیں گپ لگائیں؟

میرے خیالات ، احساسات ، تجربات ، مشاہدات اور شرارت سب میرے ہیں۔
ضروری نہیں کہ آپ اِس سے متفق ہوں، جو سوچتی ہوں وہ ہی لکھنے کی عادی ہوں۔
آپ کی کیا رائے ہے؟​

 

خیالات بہت اعلیٰ،احساسات مبنی بر احترامِ انسان،تجربات محدود، مشاہدات گہرے اور پورے ژرف نگہی کیساتھ، شرارتیں بے ضرر،بے خطر مگر پُراثر۔۔۔۔۔۔۔۔۔۔۔۔۔۔۔۔جو سوچتی ہیں وہی لکھتی ہیں گویا اتحادواتفاق وارتباط و انضباطِ دروں و بروں۔۔۔۔۔۔۔۔۔۔۔۔۔۔۔۔۔۔۔۔آج کل اِسی کا انحطاط ہے،منافقت عام ہے،چہرہ تو ایک ہے جو خدا نے دیا ہےمگر روپ ایک نہیں جو ہم نے بھرا ہے:کچھ علاج اِس کا بھی اے شیشہ گراں ہے کہ نہیں!

 

بہت شکریہ

میری سوچ مجھ سے دست و گریباں ہے کہ چاک کر دو سینہ اور نکال کر رکھ دو اپنے تخیلات کو چاہے اس کی کڑواہٹ سے ذائقے بدل جائیں منہ کے
لیکن کہاں سے لاؤں وہ گفتارِ شیریں جو اس تلخی کو بھی برداشت کرنے والے لفظوں سے بھرپور ہو
جو عدو کو بھی گرویدہ بنادے جو عداوت کو میٹھے بول میں بدل دے.

آگے تو رسم دوستی کی تھی جہاں کے بیچ
اب کیسے لوگ آئے زمین آسماں کے بیچ

 

آپ قدیم اور جدیدکلاسکس کا(فنونِ لطیفہ کی نوع سے) بنظرِ غائر مطالعہ فرمائیں اور مجھے معلوم ہے آپ یہی کرتی ہیں۔آپ کا شعری انتخاب اور بالخصوص یہ اوپر والاشعر:آگے تو رسم دوستی ۔۔۔۔۔۔۔الخ،شاہد ہے۔۔۔آپ اِن شہ پاروں کے موجدوں کے دروں خانہ پر نظر کیجیے ، واللہ ۔۔۔۔۔۔۔۔کم ازکم میں نےتو اُنھیں سخت ترین زندگی گزارتے اور تابہ حدبے کیف دن رات کاٹتے پایا۔ مگر شاباش ہے اِس کے باوجود اُنھوں نے ہمارے ذوقِ جمال کی تسکین کا جو سامان کیا ہے وہ بعینہ ٖ وہ ہے جو مائیں اپنے بچوں کے لیے کرتی ہیں اور باپ اولا دکے لیے کرتا ہے۔۔۔۔۔۔۔۔۔۔۔۔۔۔۔۔۔۔۔۔اربوں کھربوں روحانی اولادوں کے یہ والدین رب کے ہاں ضرور اُس کی رحمت کی آغوش میں ہوں گے!اور خدا کے بے شمار اِکرام ہوں گے جو دنیا میں بھی اُن پر ہیں اور رہے ہوں گے!!

 

فلسفیائی باتیں ختم ہوگئیں ہوں تو گپے مارنا شروع کریں ؟
نام کی مناسبت سے

 

درست فرمایا آپ نے...... آمین
آپ کے بسیط و عمیق طرز تحریر سے روز کچھ نہ کچھ حاصل کرتی ہوں
بہت بہت شکریہ

 

کہیئے محترم بلکہ شہزادہ محترم کیسے ہیں مزاجی گرامی؟

 

اگر وہ شہزادے ہیں تو آپ وزیر مملکت ؟

 

معصوم جگ سا نا؟

 

کیا کہیں ؟؟ پوری کھنچائی ہوگئی

 

کوئی کھنچائی نہیں ۔۔۔۔خلوص کے بادل ہیں کہ چھائے ہیں ،چاہت کی گھٹائیں اُمڈ رہی ہیں،پیار کی ہوائیں چل رہی ہیں۔اے لو۔۔۔۔۔۔۔۔۔برسات ہوگئی،مینہ کی دھڑی بند ھ گئی،جگ جل تھل ہوگیا۔۔۔۔۔۔۔۔یہ کیسی برسات،کیسا مینہ ،کیسا جل ہے۔۔۔۔۔؟یہ محبت کی برسات ،پیار کا مینہ اور باہمی احترام کا جل ہے۔اے ساتوں آسمان یہی کچھ بھیجتے رہنااور اے بھائی ساتویں انسان! ہمارا کام ہے سمیٹتے رہنا۔۔۔۔۔۔۔۔۔

 

سمیٹنے کا کام بعد میں کرونگا فی الحال چھتری ڈھونڈ لیتا ہوں ، لگتا ہے زوروں کی بارش ہونے والی ہے

 

دُرست فرمایاآپ نے۔

 

دوڑے گی بھی
تسی ایویں رولا پاندے او ۔ ساڈی لڑی دا کوئی مقابلہ ہی نی ہوسکدا

 

مہدی حسن اور کشورکمار کے فن پر کچھ اِرشاد فرمائیں ۔

 

چلیں میں کہہ دیتا ہوں:
مہدی حسن:
سرتاپاآواز۔۔۔۔۔۔۔شعلہ سا لپک جائے ہے!
کشورکمار:
سرتاپا گَلا۔۔۔۔۔۔۔شعلہ سا بھڑک جائے ہے!

 

آج کل یہ جو چیختے چلاتے اسٹیج پر نظر آتے ہیں
جیسے لڑ رہے ہوں
گالیاں دے رہے ہوں
اگر یہ موسیقی ہے تو توبہ ہے موسیقی سے
لوگ کہتے تھے موسیقی روح کی غذا ہے
لیکن یہ سب سن کر روح پرواز ہونے لگتا ہے

 

موسیقی یعنی نغمہ گری بھی ایک مشکل کام ہے علم نغمہ کے لیے بھی اساتذہ کا سہارا لینا پڑتا ہے
اسے خنیا گری بھی کہتے ہیں یعنی گوئیے کا پیشہ گانا الگ چیز ہے بجانا الگ چیز یہ دونوں مل کر ہی موسیقی ترتیب دی جاتی ہے
بڑے فن کار تو بجانے والے بھی ہوتے ہیں لیکن نام صرف گانے والے کا ہی ہوتا ہے
میرے گپ شپ سے بور مت ہو جانا .
میں ایسی ہی ہوں جس ٹاپک کو لے بیٹھتی ہوں دفنا کر ہی دم لیتی ہوں ہاہاہاہا
ہاں تو میں کیا کہہ رہی تھی؟

 

مہدی حسن صاحب کی آواز میں جو طراوت تھی ایسا لگتا ہے کہ ان کی آواز خصوصی طور پر غزلوں کی لیے ہی بنی ہے
کشور کمار اور محمد رفیع دونوں کی آواز میں بھی وہی مٹھاس تھی میں تو محمد رفیع کو بھی بہت پسند کرتی تھی

 

بی بی جی!
آپ نےکشورکو رفیع سے کیوں ملادیا۔کشور وقت سے پچاس سال پہلے ،مہدی حسن وقت سے پچاس سال بعد اور محمد رفیع عین موقع پر پیداہوئے جب ہمیں ایک میٹھی ، سریلی، اور جذبات کا طوفان اُٹھاتی ہیجان پرورآواز درکار تھی،اونچے سُروں میں بھی مٹھاس قائم رہنا ،برقراررکھنایہی رفیع کا کمال تھا ۔ وہ یہ کمال پیش کرکے چلے گئےگویا:

دیوانہ زندگی کو بناکر چلے گئے​

 

مٹھائی کی دکان میں
رس گلہ...........
چم چم..............
گلاب جامن........
سب کا اپنا اپنا مزا ہے
جس کا جو جی چاہتا ہے وہی کھا لیتا ہے
مجھے تو برفی بھی پسند ہے جگجیت سنگھ کولیجیے