آؤ کہانی بنائیں۔۔۔۔۔۔۔۔۔۔

ابے یار ! کلموہے نے نوجوان ہا ہاتھ پکڑ کر کہا ۔ ۔ ۔ سوتے ہوئے ماسٹر صاحب کی بیٹی کالی کا مصنوعی ڈھیلہ آنکھ سے نکل کر زمین پر گر گیا ہے ۔ ۔ ۔ وآپس لگا دیتے ہیں بیچاری صبح اُٹھ کر پریشان ہو گی ۔ ۔ ۔
ابے رہنے دے ! نوجوان بولا ۔ ۔ ۔ جاگ گئی تو مشکل ہو جائیے گی ۔ ۔ ۔
نہیں نہیں یار ! کلموہا بولا بری بات ہے ۔ ۔ ۔ ایک تو بے چاری کالی کی ٹانگ بھی نہیں اور پھر ڈھیلا نکل کر کتنی دور چلا گیا ہے بے چاری کو صبح اُٹھ کر ڈھونڈھنے اور پھر اُٹھا کر لگانے میں پریشانی ہو گی ۔ ۔ ۔ اور یوں کلموہے نے ڈھیلا اُٹھا کر کالی کی آنکھ والے غار میں فٹ کرنے کی کوشش شروع کر دی ۔ ۔ ۔

 

کمبخت ! یہ ڈھیلا میرا نہیں کالی کا ہے ۔ ۔ ۔ تو کالی کہاں ہے ؟ کلموہے نے پوچھا ۔ ۔ ۔ ماسٹر صاحب کی بیوی نے اُسے گھورا اور بولی ۔ ۔ ۔ ماتھے پر دو دو آنکھیں اور ہاتھ میں ایک عدد ڈھیلا پکڑ کر بھی نظر نہیں آتا ؟ وہ میرے بستر پر مری پڑی ہے ۔ ۔ ۔ کلموہے نے مڑ کر دیکھا اور بولا ۔ ۔ ۔ لیکن ابھی تو یہاں تھی ۔ ۔ ۔ قسم سے ! اس سے پوچھ لو ۔ ۔ ۔ کلموہے نے سامان سے بھرا تھیلا سر پر رکھے نوجوان کی طرف اشارہ کر کے کہا ۔ ۔ ۔ ماسٹر صاحب کی بیوی کو کسی حد تک ہوش آ گیا تھا بولی ۔ ۔ ۔ اے تم دونوں آدھی رات کو یہاں کیا کر رہے ہو ؟ خالہ ہم ٹرین کا انتظار کر رہے ہیں ۔ ۔ ۔ کلموہے سے پہلے ہی نوجوان بول پڑا ۔ ۔ ۔ اے کمبخت ! اب ٹرین ماسٹر صاحب کے گھر کب سے آنے لگی ۔ ۔ ۔ اور یہ تھیلے میں کیا بھر رکھا ہے ؟ آپ کے گھر کا سامان ہے ۔ ۔ ۔ اس بار کلموہے نے جواب دیا ۔ ۔ ۔ کیا ؟ ماسٹر صاحب کی بیوی چلائی ۔ ۔ ۔ کمبختوں تم چوری کر رہے تھے ۔ ۔ ۔ نہیں خالہ ! اس بار بھی کلموہا بولا ۔ ۔ ۔ میں تو کالی کا ڈھیلا وآپس لگا رہا تھا ۔ ۔ ۔ چوری تو یہ کر رہا تھا ۔ ۔ ۔ ماسٹر صاحب کی بیوی اچھل کر کھری ہو گئی اس سے پہلے کہ نوجوان کچھ سمجھتا اُس نے اُس کے سر پر دو ہتڑ بھی رسید کر دئیے ۔ ۔ ۔ کمبخت گھر میں ہے ہی کیا ؟ جو ہے وہ تو لیے جا رہا ہے ۔ ۔ ۔ چل رکھ تھیلا یہاں ۔ ۔ ۔ اور نکلو دونوں ۔ ۔ ۔ نہیں تو اتنے جوتے مارونگی کہ اماں یاد آ جائیگی ۔ ۔ ۔ خالہ وہ کالی کا ڈھیلا ؟ کلموہا ہاتھ میں پکڑا ڈھیلا اُسے دکھا کر بولا ۔ ۔ ۔ مجھے دے ۔ ۔ ۔ اور تو بھی دفع ہو ۔ ۔ ۔ خالہ نے ڈھیلا اُس سے جھپٹ کر کہا اور دونوں کو گھر سے نکال دیا ۔ ۔ ۔ کمبخت گھر میں دو پلیٹیں ہی بچی ہیں وہ بھی لیے جا رہے ہیں ۔ ۔ ۔ کلموہا اور وہ نوجوان گلی میں کھڑے ایک دوسرے کو دیکھ رہے تھے ۔ ۔ ۔ نوجوان غصے سے بولا ۔ ۔ ۔ تُو کلموہا ہی رہے گا ۔ ۔ ۔ عقل نام کی کوئی شے تیرے پاس ہے ہی نہیں ۔ ۔ ۔ نہ خود کچھ کر سکے گا اور نہ مجھے کچھ کرنے دے گا ۔ ۔ ۔ بس میں نے سوچ لیا ہے میں شہر جا رہا ہوں ۔ ۔ ۔ تو گھر دفع ہو ۔ ۔ ۔ اور نوجوان اسٹیشن کی طرف چل پڑا ۔ ۔ ۔ کراچی والی گاڑی نکلنے کو تیار کھری تھی نوجوان نے ٹکٹ لیا اور اپنی سیٹ پر بیٹھ آنکھیں موندھ لی ۔ ۔ ۔ کچھ ہی دیر میں گاڑی چل پڑی ۔ ۔ ۔ صبح کی پو پھوٹنے لگی نوجوان تیزی سے پیچھے بھاگتے درختوں کے ہیولے دیکھنے لگا اور بولا ۔ ۔ ۔ کراچی ! میں آرہا ہوں ۔ ۔ ۔