میری پسندیدہ شاعری

نام۔۔۔!

وہ یہ کہہ رہی تھی
کہ میرا نام نہ لو
مگر میرا وجدان
ُاس سے پلٹ کر یہ کہہ نہ سکا
میرے ہر سانس میں
بس تیرا نام ہے۔۔!

خالد شریف​

 

ٹانِک۔۔۔!
( Tonic )

جدائی ایک ٹانِک ہے
محبت کو جواں رکھتی ہے
جب کچھ روز تم
نظروں سے اوجھل ہو تو
تم کو دیکھنے کو جی مچلتا ہے
خزاں اور موسمِ گل کی کہانی ہاد آتی ہے

خالد شریف​

 

شام ....!

جب بچھڑتے ھیں
تو یوں لگتا ھے جیسے جسم کا کوئی حصہ کٹ کر
صدا کرتا ھے
اور جیسے ھوا کی سسکیاں کہتی ھیں
ہاں تم میرے اپنے تھے
جب بچھڑتے ھیں
تو گزری ساعتوں کی روشنی ھم کو بلاتی ھے
فضا کہتی ھے
ہاں تم وہ پرندے ھو جو مجھ میں سانس لیتے تھے۔

خالد شریف​

 

محبت خاک کر دے گی

کہا تھا ناں ۔۔۔؟
محبت خاک کر دے گی
جلا کر راکھ کر دے گی
کہیں بھی تم چلے جاؤ
کسی کے بھی تم بنو اور جس کسی کو چاہے اپناؤ
ہماری یاد سے پیچھا چُھڑانا،
اِس قدر آساں نہیں ‌جاناں!
کہا تھا ناں؟
محبت خاک کر دے گی
جلا کر راکھ کر دے گی

فاخرہ بتول​

 

ذرا سی بات تھی

تمھیں اپنا بنانا کس قدر دشوار ہے جاناں !
مگر اس سے بھی مشکل ہے
تمھیں دل سے بھلا دینا
ذرا سی بات تھی جو تم سے کہنی تھی
مگر کہنے کی نوبت ہی نہیں آئی
مقدر نے نہایت ہی سہولت سے
تمھیں میرا بنا ڈالا
بنا مشکل کے پھر میں نے،
تمھیں دل سے بھلا ڈالا

فاخرہ بتول​

 

اپنے کنوئیں ہیں جِن میں پُھدکتے ہیں سارے لوگ۔۔۔!
محصُور ہیں عدیم سب اپنے حصار تک۔۔۔!

شاعر؛
عدیم ہاشمی​

 

بس ایک ہُوک دھڑکتی ہے اب تو سینے میں۔۔!

ہمارے دل کو تو دھڑکے ہوئے زمانہ ہوا۔۔!

عدیم ہاشمی​

 

سب عارضی حروف ہیں تحریرِ وقت کے۔۔!

مجھ میں یہ فرق ہے کہ ذرا خط کشیدہ ہوں۔۔۔!

عدیم ہاشمی​

 

شب ِ جدائی اگر تو ہے عمر میں شامل۔۔۔!

تو پھر گزر بھی کسی عمرِ مختصر کی طرح۔۔۔!

عدیم ہاشمی​

 

کیا خبر تھی تری آنکھوں میں بھی دل ڈوبے گا..!

میں تو سمجھا تھا کہ پڑتے ہیں بھنور پانی میں..!

عدیم ہاشمی​

 

اِسے تم خواب مت سمجھو۔۔۔!

اگر ہم نے گلابوں سے مہک چُن کر
کوئی لمحہ سجایا ہے
تو اِس پہ حق ہمارا ہے
اِسے تم خواب مت سمجھو
کہ یہ تعبیر ہے جاناں!

فاخرہ بتول​

 

ابھی تو خواب باقی ہے۔۔۔!

ابھی سے نیند سے ہم کو جگاتے ہو؟
نہیں جاناں!
ابھی پلکیں اُٹھانا تک ہمیں دشوار لگتا ہے
ابھی تو خواب باقی ہے

فاخرہ بتول​

 

محبتوں کا خیال رکھنا۔۔۔!!

محبتوں کا خیال رکھنا
کہیں نہ ایسا ہو بے دھیانی میں،
تم ہتھیلی کو کھول ڈالو
ہوائیں سازش پہ آن اتریں
تو خشک پتوں سا حال ہوگا
گلاب رُت کا زوال ہوگا
محبتوں کا خیال رکھنا ۔۔۔

فاخرہ بتول​

 

آدمی بھی عجیب چیزہے۔۔۔۔!​

آدمی بھی عجیب چیزہے
جو نہیں ہےاُسے ڈھونڈتاہے
مگر جس کوپاتاہے
اُس کو جب تک کہیں کھو نہ دے
کتنا بےچین رہتاہے!
حاضرکوغائب میں
غائب کوحاضرمیں
یوں کھوجتاہے
کہ جیسے وہ خود کھو گیاہے!

شاعر؛
احمد ندیم قاسمی​

 

چلو، رستے جُدا کر لیں

چلو، رستے جدا کر لیں
تمھارے اِن رویوں سے بہت تھک کر،
نئے رستے پہ چلنے کا،
مرے دل نے ارادہ کر لیا آخر
مجھے بھی تو ذرا جینے کا حق دو
چلو، رستے جُدا کر لیں


فاخرہ بتول​

 

خوشیاں کاش غموں سے ہوتیں..!​

خوشیاں کاش غموں سے ہوتیں
بِن پوچھے، بِن مانگے اور بنا چاہے ہی
خالی جھولی میں بھر جاتیں
اور کہیں واپس نہ جاتیں
دل پر گہری چوٹ لگاتیں
ہر پل، ہر ساعت تڑپاتیں
ہم روتے تو یہ بھی روتیں
پلکیں صبح و شام بھگوتیں
خوشیاں کاش غموں سے ہوتیں

فاخرہ بتول​

 

Deception​

مجھے تنہا سمجھتے ہو؟
تمھاری یاد کے روشن ہیولے میں
ہوں جاناں! اس طرح سے میں
کہ جسیے آسماں کو چاند تاروں کے جھڑمٹ میں
مجھے تنہا سمجھتے ہو؟

فاخرہ بتول

 

مشورہ۔۔۔!​

اسے آواز دینے سے ذرا پہلے
یہ اپنے ذہن میں رکھنا
کہ جب کوئی
کسی کو چھوڑ جانے کا ارادہ کر ہی لیتا ہے
تو پھر مغموم آوازیں
کہیں دم توڑتے لہجے
بکھرتے ٹوٹتے لفظوں کی جھنکاریں
بس اک ہارے کھلاڑی سے زیادہ
کچھ نہیں ہوتیں
٭٭٭

منیر انور

 

تم مجھے اچھی لگتی ہو!​

تم مجھے اچھی لگتی ہو
بس تم مجھے اچھی لگتی ہو!
تم اتنی سُندر ہو کہ نہیں !
تمہیں اک نظر جو دیکھے وہ
سُدھ بُدھ بھولے، مدہوش رہے
بس تم مجھے اچھی لگتی ہو!
تم ہنس دو تو موسم بدلیں
تم جاگو تو دنیا جاگے
جھلمل جھلمل منظر ہوں سب
اور نہ سوجھے کچھ آگے
بس تم کو دیکھیں، دیکھتے جائیں
معلوم نہیں تم اتنی پیاری
اتنی سُندے ہو کہ نہیں
بس تم مجھے اچھی لگتی ہو!

(امجد اسلام امجد)

 

یہاں کِسی کو کِسی کی خبر نہیں ملتی۔۔۔!
بس ایک رشتہء آب و ہوا غنیمت ہے۔۔۔!​

سلیم کوثر​

 

جسم پر ماس نہیں رہنے دیا کرتی یہ آگ۔۔۔۔!!
اس تن و توش پہ دعویٰ ہے کہ تم عاشق ہو۔۔۔۔!!

علی زریون​

 

نظم-
اگر ہم ٹوٹ جاتے-

اگر ہم ٹوٹ جاتے
تو ستارے روٹھ جاتے
پھول کھلنا چھوڑ دیتے
اور پرندے چہچہانا بھول جاتے

اگر ہم ٹوتجاتے
تو کئی صدیاں ادھورے خواب کی حیرت میں گُم رہتیں
اِدھر میں رنج و غم سہتا
اُدھر تم رنج و غم سہتیں
زباں سے میں نہ کچھ کہتا ، زباں سے تم نہ کچھ کہتیں
اگر ہم ٹوٹ جاتے
تو کئی جنموں تلک یہ پیاس رہ جاتی
خلش اک زندگی بن کر
پسِ احساس رہ جاتی
ان آنکھوں کو تمہارے دیکھنے کی آس رہ جاتی

اگر ہم ٹوٹ جاتے-----------!

عبیداللہ علیم​

 

بہت نوازش
جی بھائی

 

عدنان بھائی بہت اچھا انتخاب ہے لگتا ہے آپ کو بھی اچھی شاعری پڑھنے کا شوق ہے آپ شاعری کی لڑیوں کو بھی ضرور وقت دیں اور سوالیہ بیت بازی میں بھی حصہ لیں آپ کو اچھا لگے گا خوش رہیں

 

جی ضرور
شکریہ

 

بہت خوبصورت انتخاب ۔۔۔۔ آپ کے اعلیٰ ذوق ہونے کا منہ بولتا اظہار۔۔۔۔ زبردست