لو لیول لینگویج - بنیادی معلومات

چونکہ آپ کا کمپیوٹر بیک گرونڈ نہیں ہے تو پہلے ہم کمپیوٹر کی عمومی ورکنگ کی بات کرتے ہیں۔کمپیوٹر ایک مشین ہے۔ مشین وہی کچھ کرتی ہے جو اس کو کہا جائے۔ اس کی اپنی کوئی سوچ نہیں ہوتی ہے۔اگر اس کو بالکل بنیادی لیول پر دیکھیں تو فقط کرنٹ کے آنے یا نہ آنے کی بات ہے۔
بات شروع کرتے ہیں ون بٹ کمپیوٹر سے۔ ون بٹ کمپیوٹر کی سادہ ترین مثال یہ ہے کہ آپ اپنے کمرے کے باہر ایک بلب لگا لیں۔ جب بھی بلب آن ہے تو اس کا مطلب ہے کہ آپ کمرے میں ہیں اور جب بلب آف ہے تو آپ کمرے میں نہیں ہیں۔ یعنی ون بٹ کمپیوٹر آپ کو صرف دو آپشن دے گا۔ ہاں یا نہیں یا کمپیوٹر کی زبان میں 0 یا 1۔

 

اب ہم اسی کمپیوٹر میں ایک بلب کا اضافہ کرتے ہیں۔ تو آپ دیکھیں گی کہ اب ہمارے پاس مذید آپشن آ گئے ہیں۔اگر دونوں بلب آن ہیں تو آپ کمرے میں ہیں۔ اگر دونوں آف ہیں تو آپ سو رہی ہیں۔ اگر پہلا بلب آن ہے تو آپ یونیورسٹی گئی ہیں اور اگر دوسرا بلب آن ہے تو آپ مارکیٹ گئی ہیں۔ یہ دو بٹ کا کمپیوٹر ہے جس میں آپ کے پاس چار آپشن ہیں۔کمپیوٹر کی زبان میں
00
01
10
11

 

اسی طرح آپ بلب بڑھاتی جائیں تو آپشن بڑھتے جائیں گے۔ اور اس سے جو گنتی بن رہی ہے اس کو بائنری کہتے ہیں۔اس کو ہم 8 بٹ تک بڑھاتے ہیں جو کہ ایک بائٹ بناتی ہے۔ایک بائٹ وہ مقدار ہے جس سے موجودہ کمپیوٹر کو کوئی قابل قدر چیز سمجھائی جا سکتی ہے۔اور 8 بٹ میں 256 آپشن ہوتی ہیں۔ اسی بائٹ کو مدنظر رکھتے ہوئے کمپوٹر پر ہندسے لکھنے کا ایک سٹینڈرڈ کوڈ بنایا گیا ہے جس کو ایسکی ASCII abbreviated from American Standard Code for Information Interchange کہتے ہیں۔ اس کا جدول زیل میں ہے۔


یعنی 8 بٹ کمپیوٹر میں 119 نمبر آپشن کا مطلب ہے w

 

یہی بات ہم دوسرے الفاظ میں یوں کہہ سکتے ہیں کہ جب بھی آٹھ تاروں میں کرنٹ اس طرح آئے گا کمپیوٹر اسے w تصور کرے گا
01110111
یاہماری اوپر کی مثال میں جب بھی بلب اس سیکونس میں جلیں گے تو وہ w ہو گا۔

 

غور طلب بات یہ ہے کہ اس سیکونس کو ایک ایک کر کے دیکھا جاتا ہے۔ یعنی پروسیسر ایک وقت میں ایک کام کرتا ہے۔ تو باقی سیکونس کہاں رکھا جائے۔ تو اس کا حل میموری ہے۔

 

جب بھی پروسیسر نے کام کرنا ہے تو وہ میموری سے ڈاٹا لیتا ہے۔اس میموری کو ہم ریم کہتے ہیں۔اور ایسا ڈاٹا جس کی فوراً دوباری ضرورت ہو سکتی ہے اس کو پراسیسر اپنے پاس ہی موجد میموری میں رکھتا ہے جس کو رجسٹر کہتے ہیں۔
مکمل سیکونس یہ ہے کہ I/O Device سے ڈاٹا ریم میں جاتا ہے اور اور وہاں سے پراسیسر میں۔ پراسیسنگ کے بعد یا تو واپس ریم میں آتا ہے یا وقتی طور پر رجسٹر میں جاتا ہے۔ اور کام ختم ہونے کے بعد اگر اس کو محفوظ رکھنا ہو تو ریم سے واپس ہارڈ ڈسک پر جاتا ہے۔

 

جی ہاں کہہ سکتے ہیں۔ جیسے کہ ایک بنیادی فنکشن دو اعداد کو جمع کرنا ہو تو دونوں اعداد ایک ایک رجسٹر میں جائیں گے اور پھر پراسیسنگ کے بعد واپس ریم میں آئیں گے۔سکرین پر اس وقت تک نظر نہیں آئیں گے جب تک ایک پراسیس اس کو I/O Device پر نہیں بھیجے گا۔

 

اب جبکہ ہم نے کمپیوٹر کا بنیادی فنکشن سمجھ لیا ہے تو آگے چلتے ہیں۔ جیسا کہ ہینڈ آوٹ میں ایک جاہل نوکر کی مثال دی گئی ہے کہ اگر اس کو الماری سے کتاب نکالنے کا کہا جائے تو ہم اس کو کتاب کا نام نہیں بلکہ کتاب کی لوکیشن بتائیں گے کہ دوسرے خانے سے تیسری کتاب لاؤ۔ اسی طرح ہم میموری سے ڈاٹا لینے کے لیے اس کا ایڈریس بتائیں گے۔
اوپر کی مثال میں ہم نے جو آٹھ تاروں کا ذکر کیا تھا تو کمپیوٹر کی زبان میں اس کو بس کہتے ہیں۔ یہ تین قسم کی ہوتی ہیں۔۔ ایڈریس بس، ڈاٹا بس اور کنٹرول بس۔ ایڈریس بس میں صرف میموری لوکیشن ہوتی ہے، ڈاٹا بس میں اصل ڈاٹا ہوتا ہے اور کنٹرول بس پراسیسنگ کنٹرول کمانڈ کے لیے استعمال ہوتی ہے۔

 

آج کے لیے اتنا کافی ہے۔ آپ کے لیے آج کا سوال یہ ہے کہ ایک کلو بائٹ میموری 1024 کیوں ہوتی ہے جبکہ باقی تمام جگہ کلو 1000 ہوتا ہے؟

 

آپ کی اس لڑی کو انفارمیشن ٹیکنالوجی میں منتقل کر کے اس کا ٹائٹل "لو لیول لینگویج - بنیادی معلومات"کر دیا گیا ہے۔

 

جی ہاں۔ اس کی مثال ہینڈآوٹ میں دیا گیا یہ بنیادی کوڈ ہے۔

کوڈ:

; a program to add three numbers using registers
[org 0x0100]
mov ax, 5 ; load first number in ax
mov bx, 10 ; load second number in bx
add ax, bx ; accumulate sum in ax
mov bx, 15 ; load third number in bx
add ax, bx ; accumulate sum in ax
mov ax, 0x4c00 ; terminate program
int 0x21

اس کوڈ میں 5 کا ہندسہ ایک رجسٹر میں ڈالا گیا۔ پھر 10 کا ہندسہ دوسرے رجسٹر میں ڈالا کیا اور پہلے رجسٹر میں پراسیسنگ کے بعد جو رزلٹ آیا وہ ڈالا گیا پھر 15 کا ہندسہ دوسرے رجسٹر میں ڈالا گیا اور ایک مرتبہ پھر پراسیسنگ کا رزلٹ پہلے رجسٹر میں ڈالا گیا۔

 

جب رجسٹر پر بات ہو گی تو یہ بھی واضع ہو جائے گا۔ فی الوقت آپ یوں سمجھ لیں کہ جس رجسٹر میں پراسیسنگ کے بعد ڈاٹا آتا ہے اس کو Accumulator کہتے ہیں۔ اوپر کے کوڈ میں ax جوکہ پہلا رجسٹر ہے ایکمولیٹر کے طور پر استعمال ہو رہا ہے۔ یوں تو کای بھی رجسٹر کو استعمال کیا جا سکتا ہے مگر عموما پہلا رجسٹر اس مقصد کے لیے استعمال ہوتا ہے۔

 

آپ کا جواب کافی حد تک درست ہے۔ چونکہ بائنری کی پاور 2 ہوتی ہے تو کسی بھی صورت میں یہ 1000 نہیں ہو سکتا اس لیے 1000 کے قریب تریں ویلیو کو کلو کہا جا تا ہے۔ اگر اس سے پچھلی ویلیو دیکھیں تو وہ 512 ہو گی اور اس سے اگلی 2048

 

کوئی لکھنا چاہتا تھا غلطی سے کائی لکھ دیا

 

وہ وعدہ ہی کیا جو وفا ہو۔

 

رجسٹر پروسیسر کا حصہ ہوتے ہیں۔۔۔۔۔جبکہ ریم بنیادی میموری ہونے کے باجود پروسیر سے جدا ہے۔۔۔۔پروسیسر کا حصہ ہونے سے مرآد ہے کہ وہ فزیکلی وہاں لوکیٹڈ ہوتے ہیں۔

 

چلو کوئی گل نئیں