وائٹ چکن کڑاہی

[glow=red:3geoul0r]اجزاء۔[/glow:3geoul0r]

چکن ایک کلو۔ (چھوٹے پیس)
پیاز 4 عدد ۔ (باریک کاٹ لیں)
لہسن کا پیسٹ۔ ایک کھانے کا چمچ۔
ادرک 50 گرام ۔ ہوائیاں کاٹ لیں۔
ہری مرچ ۔ باریک کتری ہوئی 6 سے 8 عدد۔
پسی ہوئی کالی مرچ۔ ایک چائے کا چمچ۔
سفید زیرہ۔ ایک چائے کا چمچ (بھون کر پیس لیں )
پسا ہوا گرم مصالحہ۔ ایک چائے کا چمچ۔
ہرا دھنیا۔ باریک کترا ہوا تھوڑا سا۔
فریش کریم۔ ایک کپ۔
نمک۔ آدھا چائے کا چمچ۔
کوکنگ آئل۔ ایک کپ۔

[glow=red:3geoul0r]ترکیب۔[/glow:3geoul0r]

کڑاہی میں آئل گرم کر کے چکن اور نمک ڈال کر اچھی طرح مکس کر کے پانچ منٹ تک ڈھانپ کر پکائیں۔ اب پیاز ، لہسن ، کالی مرچ، زیرہ شامل کر کے مزید 15 منٹ پکانے کے بعد ہری مرچیں ڈال کر بھونیں تاکہ مرچوں کا ذائقہ چکن میں بس جائے۔ جب چکن آئل چھوڑ دے تو اس میں فریش کریم ڈال کر 2 منٹ پکائیں اور آخر میں ادرک ڈال کر 2 منٹ کے لئے دم پر رکھ کر اُتار لیں۔ اور ہرا دھنیا چھڑک کر نان اور سلاد کے ساتھ تناول کریں۔ (اس ڈش میں پانی بلکل استعمال نہیں کرنا ہے)

 

کبھی کوئی ہمیں بھی بنا کر کھلائے گا ۔

 

شکریہ عائشہ جاوید صاحبہ

 

منہ میں پانی آگیا، اور ابھی تو سحری میں بھی بہت دیر ھے،!!!!!!

 

کسی نے آج ھی مجھ سے اسٹو بنانے کا طریقہ پوچھا تھا، کیا عائشہ جی آپ بتا سکتی ھیں،!!!!!

 

پسندیدگی اور حوصلہ افزائی کے لئے ایک بار پھر آپ سب کا شکریہ ادا کرنا چاہوں گی۔
اور انکل جی اسٹو بنانا تو بہت آسان ہے۔ شکریہ یا تعریف کی طلب کے بغیر ابھی لکھے دیتی ہوں۔

 

اللہ پوچھیں‌گا آپ کو عائیشہ جاوید جی،کیوں‌مسافروں کو ترساتی ہو اتنے مزیدار ریسیپیز لکھوا کر۔ہم تو انڈا نہیں‌پکا سکتے،آپ نے خامخاہ منہ میں‌ہمارے پانی بھر دیا۔خیر،اب اسے پکوا کر ڈی ایچ ایل کرنا مت بھولیئے گا

 

جب عائشہ جاوید صاحبہ آئیں گی تو جواب بھی مل جائے گا۔
فی الحال تو وہ پچھلے کافی عرصہ سے غائب ہیں۔ :neu:

 

کریم بیکری سے ڈبے والی یا دودھ سنٹرز سے کھلی ؟