اشعار بہ لحاظ حروف تہجی

ٹک میر جگر سوختہ کی جلد خبر لے
کیا یار بھروسہ ہے چراغ سحری کا

 

جہاں روشن است از جمال محمد
دلم تازہ شد از وصال محمد

مولانا جامی

 

حیراں ہوں دل کو رووں یا پیٹوں جگر کو میں
مقدور ہو تو ساتھ رکھوں نوحہ گر کو میں

 

دید اللہ کی ہو جائے شفاعت سے تیری
کیسے پوری ہو یہ دیدارِ نبی کی خواہش

واصف حسین

 

ذکرِ شبِ فراق سے وحشت اسے بھی تھی
میری طرح کسی سے محبت اسے بھی تھی

 

زندگی کیا ہے ، عناصر کا ظہورِ ترتیب
موت کیا ہے، انہی اجزاء کا پریشاں ہونا

 

شبِ فراق کی یارو کوئی سحر بھی ہے؟
ہمارے حال کی ان کو کوئی خبر بھی ہے؟

 

طعنِ اغیار سنیں آپ خموشی سے شکیب
خود پلٹ جاتی ہے ٹکرا کے صدا پتھر سے

 

غیرت ہے بڑی چیز جہانِ تگ و دو میں
پہناتی ہے درویش کو تاجِ سردارا
اقبال رح

 

فکرِ دنیا میں سر کھپاتا ہوں
میں کہاں اور یہ وبال کہاں

غالب

 

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

 

کو بہ کو پھیل گئی بات شناسائی کی
اس نے خوشبو کی طرح میری پذیرائی کی

پروین شاکر

 

گرچہ آوارہ رہے میرے فسانے ہر سو
رازِسربستہ زمانے میں رہی ذات میری

 

لے چلا جان میری روٹھ کے جانا تیرا
ایسے آنے سے تو بہتر تھا نہ آنا تیرا

 

نیت شوق بھر نہ جائے کہیں
تو بھی دل سے اتر نہ جائے کہیں

ناصر کاظمی

 

ہرچند سبک دست ہوئے بت شکنی میں
ہم ہیں تو ابھی راہ میں ہیں سنگ گراں اور