شعرلکھیں لفظ ہم بتاتے ھیں

ورنہ تو یہ تیز دھوپ چبھتی ہمیں بھی ہے
ہم چپ کھڑے ہوئے ہیں کہ تو سائباں میں ہے

چپ

 

بارش ہوئی تو گھر کے دریچے سے لگ کے ہم
چپ چاپ سوگوار تمھیں سوچتے رہے

تمھیں

 

بے چینیاں سمیٹ کے سارے جہان کی
جب کچھ نہ بن سکا تو میرا دل بنا دیا

 

یہ کیا کہ اک جہاں کو کرو وقف اضطراب
یہ کیا کہ ایک دل کو شکیبا نہ کر سکو

اضطراب

 

ہم چھین لیں گے تم سے یہ شانِ بے نیازی
تم مانگتے پھرو گے ہم سے غرور اپنا

 

کہےکون ان سے حالِ دل کہ ادب سے رہے ہم دم بخود
نہ بتا سکے، نہ جتا سکے،نہ سنا سکے ، نہ دکھا سکے

ادب

 

تیری محفل بھی گئی چاہنے والے بھی گئے
شب کی آہیں بھی گئیں صبح کے نالے بھی گئے
دل تجھے دے بھی گئے اپنا صلہ لے بھی گئے
آ کے بیٹھے بھی نہ تھے کہ نکالے بھی گئے

صلہ

 

میں اک آنسو ہی سہی، ہوں بہت انمول مگر
یوں نہ پلکوں سے گراکر مجھے مٹی میں ملا


مٹی

 

تاثیر عشق یہ ہے ترے عہد حسن میں
مٹی کا بھی بنائیں تو ہو بے قراد دل

قرار

 

وہ جو ہم میں تم میں قرار تھا ، تمہیں یاد ہو کہ نہ یاد ہو
وہی یعنی وعدہ نباہ کا ، تمہیں یاد ہو کہ نہ یاد ہو

وعدہ

 

نہ گلے رہے نہ گماں رہے، نہ گزارشیں ہیں نہ گفتگو
وہ نشاطِ وعدہء وصل کیا، ہمیں اعتبار بھی اب نہیں

اعتبار

 

کیا رات تھی کہ شہر کی صورت بدل گئی
ہم اعتبار ِصبح کے قابل نہیں رہے

رات

 

بات وہ آدھی رات کی، رات وہ پورے چاند کی
چاند بھی عین چیت کا اس پہ ترا جمال بھی

جمال

 

سو بار چمن مہکا، سو بار بہار آئی
دنیا کی وہی رونق، دل کی وہی تنہائی

تنہائی

 

آنکھوں سے عیاں زخم کی گہرائی تو اب ہے
اب آ بھی چکو وقت مسیحائی تو اب ہے

عیاں

 

آج ان کی نظر میں کچھ ہم نے
سب کی نظریں بچا کے دیکھ لیا

آج

 

اس کے لہجے کی دمک اور ہی محسوس ہوئی
اس کی آنکھوں میں چمک آج نئے رنگ کی تھی

رنگ

 

نہ کوئی رنگ نہ ہاتھوں میں حنا میرے بعد
وہ مکمل ہی سیہ پوش ہُوا میرے بعد

حنا

 

احمد ندیم قاسمی صاحب کا ایک قطعہ

گُل ترا رنگ چرا لائے ہیں گلزاروں میں
جل رہا ہوں بھری برسات کی بوچھاروں میں

مجھ سے کترا کے نکل جا مگر اے جانِ جہاں!
دل کی لَو دیکھ رہا ہوں ترے رخساروں میں

رخسار

 

اگلا لفظ بھی دے دیجئے