ایک بس تُو ہی نہیں مجھ سے خفا ہو بیٹھا

ایک بس تو ہی نہیں مجھ سے خفا ہو بیٹھا
میں نے جو سنگ تراشا وہ خدا ہو بیٹھا
اٹھ کے منزل ہی اگر آئے تو شاید کچھ ہو
شوق منزل تو میرا آبلہ پا ہو بیٹھا
مصلحت چھین گئی قوت گفتار مگر
کچھ نہ کہنا ہی میرا میری صدا ہو بیٹھا
شکریہ اے میرے قاتل اے مسیحا میرے
زہر جو تو نے دیا تھا وہ دوا ہو بیٹھا
جان شہزاد کو من جملہ ادا پاکر
ہوک وہ اٹھی کہ جی تن سے جدا ہو بیٹھا

فرحت شہزاد


واہ
بہت اعلیٰ
بہت بہت شکریہ @زیرک جی
خوش رہیں