منقبت در خواجہ خواجگان، سلطان الہند از شہنشاہ سخن، استاذ زمن مولانا حسن رضا خان

خواجہءہند وہ دربار ہے اعلٰی تیرا
کبھی محروم نہیں مانگنے والا تیرا

مےسر جوش درآغوش ہےشیشہ تیرا
بیخودی چھائےنہ کیوں پی کےپیالہ تیرا

خفتگان شب غفلت کو جگا دیتا یے
سالہاسال وہ راتوں کانہ سونا تیرا

ہےتری ذات عجب بحر حقیقت پیارے
کسی تیراک نے پایا نہ کنارا تیرا

جورِ پامالئی عالم سےاسےکیا مطلب
خاک میں مل نہیں سکتا کبھی ذرٌہ تیرا

کس قدر جوشِ تحیر کےعیاں ہےآثار
نظر آیا مگر آئینہ کو تلوہ تیرا

گلشن ہند ہےشاداب کلیجے ٹھنڈے
واہ اے ابرکرم زور برسنا تیرا

کیامہک ہے کہ معطر ہے دماغ عالم
تختہءگلشن فردوس ہے روضہ تیرا

تیرے ذرہ پہ معاصی کی گھٹاچھائی ہے
اس طرف بھی کبھی اے مہر ہو جلوہ تیرا

تجھ میں ہیں تربیت خضرکے پیدا آثار
بحر و بر میں ہمیں ملتا ہےسہارا تیرا

پھر مجھے اپنا در پاک دکھا دے پیارے
آنکھیں پُرنور ہوں دیکھ کے جلوہ تیرا

ظل حق غوث پہ ہے غوث کاسایہ تجھ پہ
سایہ گستر سرِخدام پہ سایہ تیرا

تجھ کو بغداد سےحاصل ہوئی وہ شان رفیع
دنگ رہ جاتے ہیں سب دیکھ کے رتبہ تیرا

کیوں نہ بغداد میں جاری ہو تیرا چشمہءفیض
بحر بغداد ہی کی نہر ہے دریا تیرا

کرسی ڈالی تیری تخت شہ جیلاں کے حضور
کتنا اونچا کیا اللہ نے پایا تیرا

رشک ہوتا ہے غلاموں کو کہیں آقا سے
کیوں کہوں رشک دہ بدر ہے تلوا تیرا

بشر افضل ہیں ملک سے تری یوں مدح کروں
نہ ملک خاص بشر کرتے ہیں مجرا تیرا

جبسے تو نے قدم غوث لیا ہے سر پر
اولیاء سر پر قدم لیتے ہیں شاہا تیرا

محی دیں غوث ہیں اور خواجہ معین الدین ہے
اے حسن کیوں نہ ہو محفوظ عقیدہ تیرا‬

 

جزاک اللہ

 

آمین

 

حق خواجہ یاخواجہ