بیت بازی - حصہ دوم

نئی عمروں کی "خودمختاریوں" کو کون سمجھائے
کہاں سے بچ کے چلنا ہے، کہاں رکنا ضروری ہے؟

 

یہ سبھی ویرانیاں اس کے جدا ہونے سے تھیں
آنکھ دھندلائی سی تھی ، شہر دھندلایا نہ تھا

 

اس کے لہجے کی دمک اور ہی محسوس ہوئی
اس کی آنکھوں میں چمک آج نئے رنگ کی تھی

 

یہاں اپنے تو بہت رہتے ہیں لیکن
کسی کو کسی کی کچھ خبر بھی ہے کیا؟

 

اے ستم گر رگِ جاں میں ہے مری پیوستہ
دم نکل جائے گا سینے سے مرے تیر نہ کھینچ

 

یہ تم نے ٹھیک کہا ہے تمہیں ملا نہ کروں
مگر مجھے یہ بتا دو کہ کیوں اداس ہو تم

 

میں جو چپ تھا یہ حوصلہ تھا مرا
اب جو بولا ہوں بے بسی ہے مری

 

یارب، زمانہ مجھ کو مٹاتا ہے کس لیے؟
لوحِ جہاں پہ حرفِ مکرر نہیں ہوں میں

 

نہ گلے رہے نہ گماں رہے، نہ گزارشیں ہیں نہ گفتگو
وہ نشاطِ وعدہء وصل کیا، ہمیں اعتبار بھی اب نہیں

 

نہ ظاہر ہو تمہاری کشمکش کا راز نظروں سے
تمہیں بھی کوئی الجھن روکتی ہے پیش قدمی سے

 

یہ فقط میری نہیں تیری بھی رسوائی ہے
اے مری آنکھ!تو کس بات پہ بھر آئی ہے

 

یوں تو ہر اک سے شناسائی ہے
پھر بھی گھیرے ہوئے تنہائی ہے

 

یہ رکھ رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ہے

 

یاں جیتے ہیں امیدِ شبِ وصل پر اور واں -
ہر صبح توقع ہے کہ تا شام نہ ہو گا

 

اک تو حرف آشنا تھا مگر
اب زمانہ نہیں کہ تجھ سے کہیں

 

ناظرؔ کو اپنے شعر و ادب پر غرور تھا
سو بار لڑکھڑائی زباں بول چال میں

 

ناکام تمنا دل اس سوچ میں رہتا ہے
یوں ہوتا تو کیا ہوتا،یوں ہوتا تو کیا ہوتا

 

اہلِ دل پر چل نہیں سکتی فسوں کاری تری
دور سے اے موجِ رنگِ عالمِ گِل دور سے

 

یہی اُمیدیں تھیں وجہِ تعلقاتِ دِراز
کمال مُطمئن اب ترکِ آرزُو نے کِیا

 

اس کی آنکھوں نے کسے لوٹا ہے اس کو کیا خبر
اس کو رستے میں ملیں گے میرے جیسے سینکڑوں

 

نقد نظر لٹاتے رہے اہل دل مگر
انساں کی آبرو کے نگہباں نہ ہو سکے

 

یاد کے قافلے میں گھنٹیاں سی بجتی ہیں
پھول کھل جاتے ہیں اس دشت کی ویرانی میں

 

نظروں کو ملاتے نہیں وہ میری نظر سے
کہتے ہیں کہ ڈر لگتا ہے پانی کے سفر سے

 

یوں تراشوں گا غزل میں تیرے پیکر کے نقوش
وہ بھی دیکھے گا تجھے جس نے تجھے دیکھا نہیں

 

نہ سیو ہونٹ نہ خوابوں میں صدا دو ہم کو
مصلحت کا یہ تقاضا ھے ، بھلا دو ہم کو

 

نیا اک ربط پیدا کیوں کریں ہم
بچھڑنا ہے تو جھگڑا کیوں کریں ہم

خموشی سے ادا ہو، رسمِ دوری
کوئی ہنگامہ برپا کیوں کریں ہم

 

مزاج ہم سے زیادہ جدا نہ تھا اس کا
جب اپنے طور یہی تھے تو کیا گلہ اس کا