نوکیاکےسستے اینڈرائیڈ فون کی قیمت سامنے آگئی

کم قیمت نوکیا سمارٹ فون جس کا کوڈ نام نورمینڈی ہے اس مہینے کے آخر تک مارکیٹ میں متوقع ہے۔


نوکیا اس مہینے میں اپنا کم قیمت اینڈرائیڈ سمارٹ فون متعارف کروانے والا ہے۔ گو کہ ابھی تک اس کی قیمت کو لے کر کچھ بھی پکا نہیں کہا جا سکتا مگر کچھ افواہوں کی بناء پر یہ بات سامنے آئی ہے کہ اس کی قیمت $110ہوگی، یعنی 11500روپے کے قریب۔
نوکیا ایکس اے 110، نوکیا نورمینڈی ایک آن لائن ویب سائٹ پر سامنے آیا ہے۔اس ویب سائٹ کے مطابق آنے والے اس کم قیمت سمارٹ فون کی قیمت $110 ہوگی جبکہ اس سائٹ پر نوکیا لومیا 525 کی قیمت $160 بتائی گی ہے۔
اس نوکیا اینڈرائیڈ سمارٹ فو ن کے بارے میں افواہیں کافی عرصے سے گردش کر رہی ہیں۔ کچھ اطلاعات کے مطابق اس فون میں گوگل پلے سٹور نہیں ہوگا بلکہ اس میں نوکیا اور مائیکروسافٹ کی طرف سے تخلیق کی گئی سروس پائی جائے گی۔اس کے علاوہ اس میں نوکیا کا اپنا ایپ سٹور ہوگاجس کو کچھ مشہور اینڈرائیڈ ایپ جیسے سکائیپ، فیس بک ، ٹویٹر اور کچھ اور ایپس تک رسائی حاصل ہے۔
نوکیا 24 فروری کو بارسیلونا میں ایم ڈبلیو سی ٹریڈ شو میں ایک کانفرنس کا انعقاد کرنے والا ہے۔ اسی کانفرنس میں اس فون کی آمد بھی متوقع ہے۔

 

فیصل بھائی کی بات درست ہے

 

چکر نوکیا کا نہیں اینڈرائیڈ کا ہے ۔ نوکیا والوں کو بہت دیر میں ہوش آئی کہ انہیں اب سمبین چھوڑ کر انڈرائیڈ پر آ جانا چاہیے۔ لیکن نوکیا کو بھی مائیکروسافٹ نے خرید لیا تاکہ ونڈوز موبائل کی مارکیٹ میں اضافہ ہو سکے لیکن انڈرائیڈ فی الحال ان کو ٹف ٹائم دے رہا ہے۔

 

چکر نوکیا کا نہیں اینڈرائیڈ کا ہے ۔ نوکیا والوں کو بہت دیر میں ہوش آئی کہ انہیں اب سمبین چھوڑ کر انڈرائیڈ پر آ جانا چاہیے۔ لیکن نوکیا کو بھی مائیکروسافٹ نے خرید لیا تاکہ ونڈوز موبائل کی مارکیٹ میں اضافہ ہو سکے لیکن انڈرائیڈ فی الحال ان کو ٹف ٹائم دے رہا ہے۔

 

گزشتہ کئی ماہ سے انٹرنیٹ پر گردش کرتی افواہیں آخر سچ ثابت ہوئیں اور نوکیا نے بارسلونا، اسپین میں جاری موبائل ورلڈ کانفرنس کے موقع پر اینڈروئیڈ سے مزین تین اسمارٹ فونز پیش کئے ہیں۔ان اسمارٹ فونز کو نوکیا ایکس، نوکیا ایکس پلس اور نوکیا ایکس ایل کا نام دیا گیا ہے۔

نوکیا ایکس فیملی کے تینوں اسمارٹ فونز اینڈروئیڈ پر ضرور مبنی ہیں لیکن ان کا انٹرفیس اور دیگر سہولیات خاصی حد ونڈوز فون آپریٹنگ سسٹم جیسی ہیں۔ جبکہ اسمارٹ فون کی اپنی شکل و صورت نوکیا لومیا سے متاثرہ ہے۔ نوکیا کے سی ای او اسٹیفن ایولپ کے مطابق ” نوکیا ایکس اوپن سورس اینڈروئیڈ پلیٹ فارم کا استعمال کرتا ہے لیکن ہم نے اس میں اپنے تجربات کی روشنی میں بہت سی تبدیلیاں کی ہیں”۔ اگر یہ کہا جائے کہ نوکیا لومیا، ونڈوز فون اور اینڈروئیڈ کی کھچڑی پکا دی گئی ہے تو غلط نہ ہوگا۔

اس فیملی کا سائز میں سب سے چھوٹا اسمارٹ فون Nokia X چار انچ کی ٹچ اسکرین اور ایک گیگا ہرٹز کے ڈوئل کور پروسیسر پر مشتمل ہے اور اس کی قیمت 89یورو مقرر کی گئی ہیں۔ یہ باقاعدہ فروخت کے لئے بھی پیش کردیا گیا ہے۔ Nokia X+ کی فروخت اس سال کی دوسری سہ ماہی میں متوقع ہے اور اس کی قیمت 99 یورو ہوگی۔ Nokia XL کی قیمت 109 بتائی گئی ہے۔
ان اسمارٹ فونز کا ہارڈ ویئر کئی لوگوں کے لئے غیر متوقع ہے کیونکہ افواہوں پر تبصرہ کرنے والے ماہرین کا خیال تھا کہ نوکیا ہارڈویئر کے معاملے میں کوئی “توپ” چیز پیش کرے گا۔ تاہم ان اسمارٹ فونز کی رونمائی کے بعد کہا جارہا ہے کہ نوکیا کا حدف کم قیمت اسمارٹ فونز کی مارکیٹس یعنی بھارت، چین اور پاکستان ہیں۔



Nokia Xاینڈروئیڈنوکیانوکیا ایکسنوکیا ایکس ایل

 

دیکھتے ہیں اب مارکیٹ سے کیا ریسپانس ملتا ہے۔ ویسے نوکیا اگر اچھے ہارڈ ویئر کے ساتھ اینڈرائیڈ موبائل لانچ کرتا تو اس کو بہت بہتر ریسپانس مل سکتا تھا کیوں کہ نوکیا کا ہارڈویئر لوگ پسند کرتے ہیں۔