بخدمت جناب ایڈمن ہماری اردو صاحب السلام علیکم مؤدبانہ گذارش ہے کہ فدوی مسمی عمرخیام گذشتہ کئی سال سے اس محفل کا ایک ادنی سا رکن ہے۔ اورگاہےبگاہے حاضری دیتا رہتا ہے ۔ لیکن کچھ ہفتوں سے جب بھی فدوی اس محفل میں داخلے کی کوشش کرتا ہے تواس کوداخلے کی اجازت نہیں دی جاتی۔ ایک عالمی سازش کے تحت ہمارے پاسورڈ کو غلط قرار دے دیا جاتا ہے ۔۔ایک تو ہم پہلے ہی کم کم آتے تھے اور اب اوپر سے اس پر بھی قدغن لگا دی گئی ہے۔ اردو محاورے کے مطابق ایک تو کانی اور اوپر سے پڑ گیا پانی ۔۔۔۔۔ ۔فدوی اس امر سے بخوبی آگاہ ہے خودکش بمباروں کے اس زمانے میں سیکیورٹی کوفول پروف بنانے کی غرض سے کئی ضروری اوربعض غیر ضروری اقدامات کئے گئے ہوں گےلیکن اس کے باوجود توقع تھی کہ دو چار بار انتظامیہ کوعرضداشت بھیجنے کے بعدمسئلہ حل ہوجائے گا۔ اب چاروناچار ایک نئے نام سے براہ راست اور برسرعام فریاد کناں ہیں کہ فدوی کے ساتھ انصاف کیا جائے اور ہنگامی بنیادوں پر اس پر غور کیا جائے۔ العارض عمرخیام
وعلیکم السلام قابل صد احترام عمر خیام بھائی آپ کو پریشانی کا سامنا کرنا پڑا میں معذرت خواہ ہوں آپ کا پاس ورڈ میں نے ای میل کردیا ہے جلدی سے اپنے دیدار سے فیض یاب کروائیں شکریہ
ھارون رشید بھائی آپ کا ازحد شکریہ کہ آپ کی ذاتی توجہ کے بوجہ آج ہم پھر سے اس محفل میں جلوہ گر ہونے کے قابل ہوسکے ہیں۔ یہ لیجیے ہم نے اپنے دیدار سے فیضیاب کردیا ۔ امید ہے کہ پیار ومحبت وشفقت کا یہ سفر بغیر کسی بریک ڈاؤن اورٹائر پنکچر کے جاری وساری رہے گا۔ انشاء اللہ