حکیم اللہ محسود شہید ؟

میرے بھائی ہم سب کو میڈیا کے ذریعے ہی ان کے اغراض ومقاصد اور ارادوں کو معلوم ہوتا ہے۔
مجھے تو میڈیا کی کسی بات پر اس وقت تک یقین نہیں آتا جب تک کسی اور طرف سے تصدیق نہ ہو۔
کیونکہ ہم میں سے کوئی ایک مسلمان جس کا مقصد اسلامی نظام ہو وہ کسی عام بےگناہ شہری کی جان کسی طور پر نہیں لے گا۔
اور اگر یہ طالبان زمین پر صرف فساد کرنے والے ہیں تو پھر میڈیا ہماری آنکھوں میں دھول جھونک رہا ہے۔ کہ یہ طالبان اسلام کی نام لے کر بےگناہ شہریوں کی جانے لے رہے ہیں۔ اس لئے جب تک اصل حقائق سامنے نہیں آتے اس وقت تک ہمیں صبروتحمل کا مظاہرہ کرنا چاہیے۔ اور اصل حقائق معلوم کرنے چاہیں۔ اور اخلاقیات سے تو کسی طور پر ہمیں نہیں گرنا چاہیے

 

ذرا سوچیں بلوچستان میں کتنے منصوبے بند پڑے ہیں ۔صرف دہشت گردی کی وجہ سے ۔۔بیرونی سرمایہ کاری رکی ہوئی ہے ۔دہشت گردی کی وجہ سے ۔۔سری لنکا کی کرکٹ ٹیم پر حملے کی وجہ سے کوئی غیر ملکی ٹیم پاکستان کا دورہ نہیں کر رہی ۔مالی لحاظ سے یہ بھی بہت بڑا نقصان ہے ۔اس کے علاوہ ایسے سینکڑوں کام بند پڑے ہیں دہشت گردی کی وجہ سے ۔۔۔ہمیں یہ سب میڈیا سے ہی پتہ چلا ہے ۔لیکن ان سب میں صداقت ہے ۔آپ سوچیں اسلام میں خود کشی حرام ہے ۔مسلمان بھائی کی عزت جان مال دوسرے مسلمان پر حرام ہے ۔۔اگر کوئی یہ کہے کہ یہ سب شریعت نافد کرنے کے لئے جائز ہے تو وہ دنیا کا سب سے جھوٹا انسان ہے

 

جی بالکل میڈیا سے بہت سی باتوں کا معلوم ہوتا ہے مگر تقریباً سب کی سب منفی پہلو والوں خبروں کا۔
میڈیا کو دیکھ کر ایسے لگتا ہے کہ پاکستان میں امن، محبت، رواداری، خلوص، دیانتداری، نام کی کسی چیز کا وجود ہی نہیں رہا۔
میڈیا مسلسل ہمارے ذہنوں میں انتشار پیدا کر رہا ہے تاکہ ہم جذبات میں آکر ایک دوسرے کے خلاف الٹے سیدھے بیانات دیتے رہیں۔ جس کی نمایاں جھلک الیکڑونک میڈیا کے ٹالک شو میں واضح نظر آتی ہے۔
جہاں تک دہشت گردی کی بات ہے تو اس کو ہر صورت میں ختم ہونا چاہیے، چاہے وہ مذاکرات کے ذریعے ختم ہو یا طاقت کے ذریعے۔ اور اس کا فیصلہ ہم نے نہیں بلکہ ہمارے منتخب کردہ نمائندوں نے کرنا ہے۔ اسلئے ہمیں چاہیے کہ ہم بہترین نمائندے منتخب کر کے حکومت میں بھیجیں

 

میڈیا میں بھی کچھ لوگ ایسے ہیں جو بکے ہوئے ہیں یا انہیں خریدنا آسان ہے ۔منہ مانگی دولت لے کر وہ سیاہ کو سفید اور سفید کو سیاہ کہیں گے ۔۔لیکن جو لوگ جرنلزم کے قابل احترام پیشے کی قدر کرتے ہیں وہ نہ تو بک سکتے ہیں نہ کچھ غلط کہیں گے ۔وہ سچ ہی کہیں گے

 

اور ان کی تعداد آٹے میں نمک کے برابر ہے

 

ابھی تک کافی ہیں کل کاپتہ نہیں

 

آپ چاہتے ہیں کہ آپ کے ساتھ جو زیادتی ہوئی ہے اس بات کا بدلہ آپ اسی دنیا میں واپس لینا چاہتے ہیں۔ یعنی اس دنیا میں حساب برابر کر کے جانا چاہتے ہیں۔
یہ کیوں نہیں سوچتے کہ وہ ظلم اور گناہ کے مرتکب ہو رہے ہیں۔ اور ہم لوگ بےگناہی کی موت مر رہے ہیں۔ آخرت کے دن اللہ تعالیٰ ان کے گریبان ہمارے ہاتھوں میں دے کر ظالموں کو کہے گا کہ ان کے مظلوموں کی داد رسی کرو جو تم نے دنیا پر اس پر کئے تھے۔ اس وقت تو ہمیں جنت میں جانے کے لئے ایک ایک نیکی کی ضرورت ہوگی کہ کہیں نہ کہیں سے مل جائے۔ تو اس وقت ظالم اپنی تمام کی تمام نیکیاں بھی دے کر میری بے گناہ موت کی داد رسی نہ کر سکے گا۔
میری تو اس وقت دلی تمنا ہوگی کہ کاش دنیا میں میں کسی سے بھی اپنا حق کبھی نہ لیتا بلکہ آخرت کے دن اللہ تعالیٰ سے اپنے حق کے بدلے میں جنت میں اونچا مقام پانے کی کوشش کرتا۔ کیونکہ اللہ تعالیٰ اس وقت بہترین حساب کرنے والا ہوگا۔

کبھی آپ نے سوچا ہے کہ اللہ تعالیٰ نے شہید کو مردہ کہنے سے منع کیا ہے۔ شہید جب اس دنیا سے جاتا ہے تو وہ سوچتا ہے کہ کاش مجھے دوبارہ زندہ کیا جائے اور پھر میں اللہ کی راہ میں لڑتے ہوئے مارا جاؤں۔ بلکہ بار بار لڑتے ہوئے مارا جاوں۔ آخر شہید یہ کس وجہ سے سوچتا ہے۔ اس بارے میں گہرائی سے سوچیں۔ تو آپ کو معلوم ہوگا کہ وہ اس دنیا میں اپنا سب کچھ اللہ کی خاطر لٹا کر جاتا ہے۔ جبکہ ہم اپنا حق بھی چھوڑنے پر تیار نہیں۔ کیا فرق ہے ہمارے اس دنیا میں بدلہ لینے میں اور شہید کے سب کچھ اس دنیا میں لٹا کر جانے میں؟

 

جی بالکل آپ کی بات ٹھیک ہے لیکن یہ سوچیں کہ دین اسلام نے ہمیں یہ حق اس دنیا میں کس لئے دیا ہے؟
اس لئے کہ ہم لوگ اس حد سے زیادہ تجاوز نہ کریں۔
جیسا زمانہ رسالت سے پہلے تھا۔ کہ اگر کسی قبیلے کا کوئی شخص قتل ہوتا تھا تو دونوں قبیلوں کے درمیان دشمنیاں صدیوں تک چل پڑتی تھیں۔ مظلوم پر ظلم اور زیادتی عروج پر تھی۔اور اس کو روکنے والا کوئی نہ تھا۔ اسی لئے دین اسلام کو سب کی بھلائی کے لئے اتارا گیا۔

آپ نے رسول پاک کی حدیث کا مفہوم بیان کیا۔ میں بھی اس بات کی تائید کرتا ہوں انکاری نہیں ہوں کیونکہ انسان بلکہ مسلمان کے ذمے کا کام ہی اس دنیا میں مثبت کوشش کرتے رہنا ہے ۔ مگر آجکل ہم لوگ ظلم کرنے والے پر نہ صرف تنقید برائے تنقید کرتے ہیں بلکہ تنقید میں اس حد تک گر جائے ہیں کہ اخلاقیات کا دامن ہاتھ سے چھوڑ دیتے ہیں۔ جبکہ رسول پاک اور صحابہ کرام رضی اللہ تعالیٰ عنہم پر ہم سے بھی زیادہ مشکل اور کٹھن وقت گزرا ہے۔ مگر مجال ہے کہ انہوں نے کبھی اُف تک کہی ہو ۔ ہم سب کو اس حدیث مبارکہ کے مطابق مظلوم اور ظالم کی مدد کرنی چاہیے۔ اس مقصد میں کامیابی اور ناکامی اللہ کے ہاتھ میں ہے مگر ہمیں اپنی پوری کوشش کرنی چاہیے کہ ظلم کرنے والے کی اصلاح کریں۔
لیکن اگر ہم اصلاح کرنے میں کامیاب نہیں ہوتے تو نہ صرف ہمیں اخلاقیات کا دامن ہاتھ سے چھوڑ پر گالم گلوچ پر نہیں اتر آنا چاہیے۔ بلکہ صبر کا راستہ اپنانا چاہیے ۔ اس امید پر کہ ہم نے اپنی سی کوشش کر لی ہے۔ اب آگے اللہ ہی بہتر راستہ عطا کرنے والا ہے۔

جبکہ ان ظالمین کے خلاف مذاکرات کی بجائے جنگ کا راستہ ہم نے نہیں بلکہ حکومت نے استعمال کرنا ہوتا ہے(جس کو ہم لوگ منتخب کرتے ہیں) پاکستان کی عوام گزشتہ گیارہ سالوں سے دہشت گردوں کے ہاتھوں بے بسی کی موت ہی تو مرتی رہی ہے۔جیسا میں نے کہا تھا اور کر بھی کیا سکی ہے عوام اپنے لئے سوائے ان ظالمین کو کوسنے کے، لیعنتیں بھیجنے کے، اور ان کو دین اسلام اور انسانیت سے خارج کر دینے کے۔ ہمیں چاہیے کہ اگر ہم کچھ نہیں کر سکتے تو ہمیں صبر کا دامن تھامنا چاہیے۔ یہ نہیں کہ اپنے اوپر ہونے والے ظلم و زیادتی کا گلی گلی ڈھنڈورا پیٹتے رہیں

آج آپ کے سامنے ہے کہ موجودہ حکومت اپنی کوشش کر رہی ہے کہ ان ظالموں سے مذاکرات کامیاب کئے جائیں۔ اگر یہی کوشش آج سے گیارہ سال پہلے (جب ہم امریکہ کی جنگ میں کودے تھے) کی گئی ہوتی تو شاید اس سے بہت بہتر اور بہت جلد نتائج سامنے آ جانے تھے۔ مگر دیر آئے درست آئے۔ اگر موجود حکومت کی نیت ٹھیک ہے تو پھر اس کا پھل بھی سامنے آ ہی جائے گا جلد یا بدیر۔

 

جی آپ کے مراسلے کی بالکل سمجھ آ گئی تھی۔ لیکن کسی بےگناہ کی جان کسی طور بھی لینا ایک اچھے مسلمان کا شیوہ نہیں ہے۔
دوسری بات کہ رسول پاک سب سے پہلے ان کو راہ راست پر واپس آنے کی دعوت دیتے۔ اگر وہ واپسی کا راستہ اختیار نہ کرتے تو پھر ان کے خلاف کسی کلمہ گو مسلمان کے خلاف جہاد نہیں بلکہ ان کو راہ راست پر لانے کے لئے طاقت کا استعمال کرتے۔ جہاد فی سبیل اللہ صرف اور صرف اللہ کی راہ میں غیر مسلم کے خلاف جدوجہد کرنے کا نام ہے۔

 

رسول پاک کبھی بھی کسی کے خلاف قہر بن کر سامنے نہیں آئے۔ حتی کہ طائف میں لوگوں کے پتھر کھانے کے بعد جب اللہ تعالیٰ کے حکم سے حضرت جبرائیل علیہ السلام تشریف لائے اور اللہ تعالیٰ کی طرف سے دریافت کیا کہ آپ حکم دیں تو طائف کی بستی کو ان پہاڑوں کے درمیان پیس کر رکھ دیں۔ تو آپ نے فرمایا نہیں نہیں میں دنیا کے لئے رحمتہ اللعالمین بنا کر بھیجا گیا ہوں۔ فتح مکہ پر آپ نے سب کو معاف فرما دیا۔ ان سب کو جنہوں نے رسول پاک اور مسلمانوں پر ساری زندگی ظلم کے پہاڑ توڑتے رہے۔
بے شک دنیا میں دین اسلام محبت اور امن سے ہی پھیلا۔

یہی تو میں بھی کہنا چاہ رہا ہوں کہ ایک سچا دین سے محبت رکھنے والا مسلمان کسی طور پر کسی کی جان نہیں لے سکتا۔
آپ سب میڈیا کی خبروں پر تحقیق کریں تو آپ کو معلوم ہو کہ یہ میڈیا ہمارے ذہنوں میں اپنوں کے خلاف کیا زہر گھولے جا رہا ہے۔
جیسا کہ آپ سب کے ساتھ ساتھ مجھے بھی معلوم ہے کہ کوئی خودکش دھماکہ یا کوئی بھی دھماکہ ہوتا ہے تو تھوڑی ہی دیر میں میڈیا پر خبر آ جاتی ہے کہ اس دھماکے کی ذمہ داری طالبان نے لے لی ہے۔ اور ان کا مطالبہ ہے کہ ملک میں شریعت نافذ ہونے تک ایسے دھماکے کرتے رہیں گے۔ میری بہن کب تک ہم اس میڈیا کے ہاتھوں ہم عوام الو بنتے رہیں گے۔ کسی بھی خبر کو آگے پھیلانے سے پہلے اس کی تحقیق اور تجزیہ کر لیا کریں۔ کیا آپ کے نزدیک ممکن ہے کہ ایک شخص اسلامی نظام کا حامی ہو۔ اور وہی شخص اسلامی کے اصولوں کے خلاف چلیں۔ یہ تو کسی طور پر بھی ناسمجھ آنے والی بات ہے۔ اب تک اس ملک میں طالبان کا صرف میڈیا ٹرائیل ہی ہوتا رہا ہے۔ اس طالبان کے خلاف کوئی حکومت کی انکوائری کمیٹی نہیں بنی کوئی جوڈیشل کمیشن نہیں بنا۔ کوئی تحقیقات نہیں ہوئیں۔ آیا کہ واقعی یہ وہ طالبان کر رہے ہیں جنہوں نے افغاستان میں 6 سال بہترین حکومت چلائی یا پھر طالبان کے بھیس میں امریکیوں اور بھارتیوں کے ایجنٹ گھس آئے ہیں جو طالبان کا نام لے کر نہ صرف طالبان کو بدنام کئے جا رہے ہیں۔ بلکہ ہمیں بھی اپنے دوسرے دینی بھائیوں سے متنفر کرتے جا رہے ہیں۔ اب نہ صرف ہم سب کو طالبان بلکہ خیبر پختونخواہ کے کسی بھی مدرسے کے طالب علم سے بھی ڈر لگنے لگ پڑا ہے۔

دہشت گرد صرف اور صرف دہشت گرد کہلانے کے مستحق ہوتے ہیں۔ ان کا کوئی نام نہیں ہوتا۔

 

@نعیم بھائی آپ نے بالکل درست فرمایا ہے ۔ان کو افغانستان میں نیٹو اور امریکی فوجی ٹریننگ دیتے ہیں ۔اور بھارتی کونسلیٹ جوکہ پاکستان افغان بارڈر کے ساتھ ساتھ علاقے میں قائم ہیں انہیں فنڈ اور اسلحہ مہیا کرتے ہیں ۔ایک ویڈیو بھی موجود ہے جس میں پاکستانی طالبان ٹریننگ لے رہے ہیں ۔مجھے وہ ویڈیو مل گیا تو میں یہاں پوسٹ کر دوں گا

 

جی بالکل میں شروع سے ہی یہی کہہ رہا ہوں کہ یہ دہشت گرد طالبان کے روپ میں دہشت گرد ہیں.جو عوام میں موت بانٹتے ہیں.طالبان بذات خود دہشت گرد نہ تهے اورنہ ہیں.بلکہ طالبان کو پاکستان کا دائیاں بازو بهی کہ سکتے ہیں. تو پهر ہم کیسے امریکہ،میڈیا اور دنیا کی باتوں پر آنکهیں بند کر کے یقین کر لیں کہ ہمارے طالبان ہی اصل دہشت گرد ہیں

 

ان دہشت گردوں کو طالبان کہنا دراصل تمام طالبان کو اپنے خلاف کرنا ہے. اور اپنے دشمنوں میں اضافہ کرنا ہے. ایسے ہی جیسے بلوچستان کے کچه شرپسندوں کی بجائے اگر آج ہم سب بلوچوں کے خلاف بولیں گے تو آنے والے دنوں میں سب بلوچ ہی بغاوت پر اتر آئیں گے.ایسے ہی جیسے کراچی میں بهی سب کو معلوم ہے کہ کون سی پارٹیاں فساد کروا رہی ہیں. مگر نام اس لیئ نہیں لیا جاتا کہ کہیں ہر طرف فساد نہ پهیل جائے. اسی لئے ہمیں بهی ملک میں فساد پهیلانے والوں کو دہشت گرد ہی کہنا چاہیے. تاکہ پورے ملک میں ہم سب تقسیم در تقسیم نہ ہوتے جائیں.اور ہمارا مشترکہ دشمن ہمارے اختلافات کا فائدہ اٹها کر ہم کو خاک میں نہ ملا دے.

 

اس مقصد کے لئے ہم سب کو اپنے ذاتی پسند اور مفاد کو اجتماعی پسند اور مفاد میں ڈهالنا ہوگا. تب ہی ہم مل کر جس مقصد کے لئے یہ ملک حاصل کیا تها کامیاب ہو سکتے ہیں. چاہے وہ اختلافات ایم کیو ایم کے ساته ہوں یا بلوچ باغیوں کے ساته یا پهر طالبان کے ساته. جبکہ دہشت گرد اور اس کی سرپرستی کرنے والے امریکہ اور اس کے ساته ہمارے کچه دجالی میڈیا کبهی ایسا نہیں چاہیں گے.

 

تھوڑی سی وضاحت اگر طالبان کا وہ لنک جو میں نے دیا تھا اس کا مطالعہ کر لیں معلوم ہو جائے گا کہ یہ طالبان کون تھے۔ کیا تھے اور کہاں سے آئے تھے۔ کیونکہ اگر میں یہ کہوں گا یہ وہ طالبان ہمارے پاکستان کے مدرسوں سے ہی تعلیم حاصل کرتے رہے ہیں تو آپ شاید میری بات سے اتفاق نہ کریں۔ مگرمیرے مہیا کردہ لنک پر معلومات ویکیپیڈیا کی طرف سے ہے۔ کسی طالبان کی طرف سے نہیں ہے۔ جب یہ واضح ہو جائے گا کہ طالبان ہون تھے اور کہاں سے آئے تھے اور ان کا مقصد کیا تھا۔ تو پھر صحیح طریقے سے آپ کو سمجھ آ سکتی ہے کہ میرے کہنے کا مطلب کیا ہے۔ میڈیا کو آزاد ہوئے تو تقریبا 10 سے 15 سال ہوئے ہیں مگر افغان جنگ کی تاریخ جو پاکستان لڑ رہا تھا بہت پرانی ہے۔
دراصل یہ بات تو تمام دنیا ہی جانتی ہے کہ اگر ہمارے ملک میں لڑنے اور مرنے والا کوئی ہے تو وہ صرف اور صرف پٹھان ہے۔ جو کبھی بھی کسی مصلحت کو نہیں دیکھتا وہ یہ نہیں دیکھتا کہ اس کے پاس لڑنے کے لئے کچھ ہے بھی یا نہیں۔
روس کے انخلا کے بعد پاکستان نے بہت کوشش کی کہ کسی طریقے سے ایک مستحکم پاکستان پرو حکومت قائم ہو سکے۔مگر شمالی اتحاد(ازبک، تاجک اورکرغز نسل افغانی شامل تھے یہ نسلاً ان کی کبھی بھی پٹھانوں کے ساتھ نبھ نہیں سکی) کی وجہ سے یہ خواب کبھی مکمل نہ ہو سکا ۔ طویل خانہ جنگی کے بعد بھی جب کوئی راستہ نہ نکلا تو پاکستان نے ان پشتون طالب علموں کو تربیت دے کر افغانستان بھیجا تاکہ وہ پھر ایک مستحکم حکومت قائم ہو سکے۔ چنانچہ 1996 میں تقریبا 90 فیصد علاقوں پر قبضہ کر کے حکومت قائم کر لی۔ اور اس حکومت کو تسلیم کرنے والے صرف 3 ممالک تھے پاکستان، سعودی عرب اور متحدہ عرب امارت۔2002 تک جب تک طالبان کی حکومت رہی ہمیں اس ملک کی طرف سے کسی بھی قسم کی پریشانی کا سامنا نہیں کرنا پڑا۔ اسامہ جو پاکستان اور امریکہ کی فرنٹ لائن تھا افغان جہاد میں۔ اس نے افغان جہاد ختم ہونے کے بعد سعودی عرب میں امریکی فوجیوں پر شدید اعتراض کیا بلکہ صومالیہ، چاڈ، ایتھوپیا اور کچھ اور افریقی ممالک میں امریکہ کے کچھ مشن کی شدید مخالفت کرتا رہا۔ اس کے بعد امریکہ نے وہ پلان پر عمل کیا جو آج نائن الیون کے واقع سے مشہور ہے۔
اسامہ کی افغانسان میں موجودگی پر امریکہ کو ایک تیر سے دو شکار کرنے کا موقع مل گیا۔ شروع میں تو پاکستان نے معاملے کو سلجھانے کی کوشش کی مگر جب کامیاب نہ ہوا تو خود کو علیحدہ رکھنے کی کوشش کی۔ مگر امریکہ جانتا تھا کہ اگر پاکستان کو اس معاملے سے علیحدہ کر دیا تو یہ طالبان حکومت امریکہ کو ناکوں چنے چبوا دے گا۔ اس لئے اس نے دباؤ ڈال کر پاکستان کے اپنا حلیف بنا ڈالا۔سب دنیا کو معلوم تھا کہ طالبان کی حکومت کا پاکستان کی طرف جھکاو ہے۔ اور نہ صرف پاکستان بلکہ پاکستانی عوام بھی اس وقت افغانستان کی طرف سے بہت سکون سے تھی۔ اس جنگ میں امریکہ نے دوہری چالیں چلیں۔ کہ ایک تو طالبان کو شکست دینا ہے اور اس کو شکست دینے کے بعد ان طالبان کا امیج دنیا بھر میں ذلیل کر دینا ہے۔
چنانچہ افغانستان پر قبضہ کرنے کے بعد اس نے پاکستان پر دباو بڑھا دیا کہ وہ اپنی فوجیں مشرقی بارڈر سے ہٹا کر مغربی بارڈر پر لے آئے تاکہ ان طالبان کا افغانستان کے باقی علاقوں سے بھی صفایا کیا جا سکے۔ مگر پاکستان نے امریکہ کا یہ مطالبہ اس وقت ماننے سے انکار کر دیا۔ چنانچہ امریکہ اور اس کی اتحادی شمالی اتحاد کی کرزئی حکومت جس کی پاکستان نے شدید مخالفت کی تھی اور بھارت نے حمایت ازبک، تاجک اور کرغز نسل کی افغانیوں کو پاکستان بھیجا تاکہ وہ امریکہ اور افغان حکومت کو دوسرا مشن مکمل کر سکیں۔
اور وہ مشن تھا پاکستان کو امریکہ کی پالیسیوں پر گامزن کروانا اور پاکستانیوں کو طالبان سے متنفر کرانا۔ چنانچہ یہ افغانی پاکستان آئے اور وہ کروائیاں شروع کی جو آج بھی کر رہے ہیں۔ اس کے بعد جب امریکہ خفیہ ٹیمیں پاکستان آئیں تب انہوں نے ان ازبک، تاجک اور کرغز افغانیوں کو منظم کیا اور طالبان کے طور پر عوام کے سامنے پیش کیا (کہ ہمارا یہ مطالبہ ہے اگر نہیں منظور کرو گے تو ایسے خودکش دھماکے ہوتے رہیں گے۔) تاکہ عوام نہ صرف طالبان(جنہوں نے مدرسوں سے تعلیم حاصل کی ہو) سے منتفر ہوں بلکہ ایسے مقصد سے بھی منتفر ہوجائیں کہ ایسا نظام ہمیں نہیں چاہیے جس کے تحت کسی کی جان لینا بہت معمولی ہو جائے۔ اور اس وقت موجودہ صورتحال کے مطابق بچے تو بچے والدین کے ذہنوں میں بھی خوف بیٹھ چکا ہے کہ اگر ہم نے اپنے بچے کو مدرسے داخل کریا تو کہیں طالبان ہی نہ بن جائے۔ چونکہ امریکہ اس مشن پر اپن بے تحاشہ پیسہ خرچ کر رہا ہے اس لئے پورے ملک میں سب سے بڑا مسئلہ طالبان کا ہے۔ اور اس مشن کو ہمارا میڈیا امریکہ کا بھرپور ساتھ دے رہا ہے۔ امریکہ کو کبھی بھی پاکستانی میڈیا سے شکایت کا موقع نہیں ملا۔اگر کبھی امریکہ کو شکایت ملتی ہے تو پاکستان آرمی کبھی حکومت اور کبھی عوام کی طرف سے ہی ملتی ہے۔ کہ کس نے امریکہ کے خلاف کیا کیا بیان دیا ہے۔ حوالے کے لئے آپ کو بتائے جاتا ہوں کہ افغانستان میں حکومت کو مستحکم کرنے کے بعد امریکہ نے اسامہ کو پکڑنے کے لئے چوہے بلی والا ڈرامہ ختم کر دیا۔ ایسے ہی جب پاکستانی عوام کے دل سے طالبان اور نفاذ اسلام سے محبت ختم ہو جائے گی۔ ویسے ہی امریکہ کا اس ملک میں مشن بھی مکمل ہو جائے گا۔

میں صرف یہ کہنا چاہتا ہوں کہ امریکہ یا میڈیا کہ کہنے پر یا کچھ ویڈیو یا ان کی تصاویر دینے پر سب طالبان کے خلاف نہیں ہو جانا چاہیے۔ کیونک دہشت گرد صرف اور صرف دہشت گرد ہوتے ہیں۔ نہ وہ بلوچی ہوتی ہیں نہ وہ سندھی ہوتی ہیں اور نہ ہی وہ طالبان ہوتے ہیں۔ وہ صرف اور صرف زمین میں فساد پھیلانے والے ہوتے ہیں۔
یہ ہے افغانستان اور ہمارے ملک میں امریکہ کی کاروائیوں کا نچوڑ اور میری رائے۔ شاید آپ اس سے بھی اتفاق نہ کریں۔ مگر یہ میرا موقف ہے۔ اور مجھے میرے نزدیک میرا سچا موقف بیان کرنے کا مکمل حق ہے۔

جبکہ دوسری طرف بھارت افغانستان کے ذریعے بلوچستان میں اپنا تیسرا مشن مکمل کر رہا ہے۔ اب جتنا بھارت پیسے خرچ کر سکتا ہے اتنا ہی اسے رزلٹ مل رہا ہے۔ اگر بھارت بھی امریکہ کی طرح اپنے مشن پر پیسہ خرچ کرتا تو بلوچستان کا ایشو طالبان سے بھی زیادہ نمایاں ہوتا کیونکہ طالبان سے تو صرف ہماری زندگیاں محفوظ نہیں ہیں مگر بلوچستان کے مسئلے پر ہمیں جان سے زیادہ ملک بچانے کے لالے پڑ جاتے۔ کیونکہ اگر بلوچوں کو کھلی سپورٹ مل جائے تو کوئی بھی ان شرپسندوں کے شر سے محفوظ نہیں رہ پائے گا جب تک کہ وہ آزاد بلوچستان کا خواب پورا نہیں کر لیں گے
بھارت کا پہلا سابقہ مشن جئے سندھ تحریک تھا۔ جس نے سندھ کو پاکستان کے علیحدہ کرنے کا مطالبہ کیا تھا۔ دوسرا مشن ایم کیو ایم کے ذریعے کراچی کا پاکستان سے الگ کرنے کا تھا جو پیپلز پارٹی کے دور حکومت میں نصیراللہ بابر نے خاک میں ملا دیا تھا۔
اگر صرف کراچی میں ایم کیو ایم بننے کے بعد اس کے ہاتھوں کراچی کے شہریوں کے ہلاکت کی تعداد اکٹھی کرنی شروع کروں تو یہ تعداد شاید اب تک فرضی طالبان نامی تحریک کے ہاتھوں مرنے والوں سے بھی زیادہ ہو جائے گی۔ مگر ان کے خلاف ایکشن اور ان کو ختم کرنے کی کوئی بات نہیں کرتا

 

ایک بات تو رہ ہی گئی جو اہم تھی۔ جس کی وجہ سے میں ان دہشت گردوں کو طالبان نہیں کہنا چاہتا جب تک کہ ان دہشت گردانہ کاروائیوں کے خلاف حکومت کو ٹھوس شواہد نہیں مل جاتے کہ یہ وہی طالبان ہی ہیں۔

ہم سب پاکستانی ہیں۔ اور ہمیں پاکستانی ہونے پر فخر بھی ہے۔ اچانک کچھ پاکستانی کچھ ملکوں میں برے کام میں ملوث ہو جاتے ہیں اور برے کام کرنے کے باوجود وہ پاکستانی کہلاتے ہیں کیونکہ شناخت ان کی پاکستانی ہی ہوتی ہے مگر وہ کام پاکستان کے کو بدنام کرنے والے کر رہے ہوتے ہیں۔ جس کی وجہ سے دنیا بھر میں پاکستان کا امیج خراب ہونا شروع ہو جاتا ہے۔ جب کوئی ایرانی، سوڈانی، مصری، بنگالی یا پھر کسی اور ملک کے باشندے سے ملاقات ہوتی ہے تو وہ ہمیں کینہ توز نظروں سےدیکھتا ہے اور کنی کترا کر ہم سے نکل جاتا ہے۔ اس وقت میرے پاکستانی ہونے پر کیا بیتے گی کہ مجھے ان چند پاکستانیوں کی وجہ سے دنیا بھر میں ذلت آمیز رویہ کا سامنا کرنا پڑے گا۔ اس وقت میرے دل میں آئے گا کہ کاش اگر وہ پاکستانی(برے کام کرنے والے) میرے سامنے ہوتے تو ان کو چھٹی کا دودھ یاد کرا چکا دیتا۔
اگر یہی سوچ طالبان کی طرف سے بھی ہو کہ ان کا امیج دنیا بھر میں طالبان کے نام سے خراب کیا جا رہا ہے۔ تو وہ کیا کریں۔