اشعار بہ لحاظ حروف تہجی

راس آنے لگی دنیا تو کہا دل نے کہ جا
اب تجھے درد کی دولت نہیں ملنے والی

 

زندگی تلخ سہی ، زہر سہی، سم ہی سہی
دردو آزار سہی، جبر سہی، غم ہی سہی

 

سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے

 

صیاد گلہ کرتا ہے میرا ہر صبح
نالئہ مرغ گرفتار نے سونے نہ دیا مجھے

 

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

 

طے کر چکے ہیں جادۂ شوقِ وصال میں
وہ مرحلے کہ جو نہ تھے خواب و خیال میں

 

ظلم پھر ظلم ہے ‘بڑھتا ہے تو مٹ جاتا ہے
خون پھر خون ہے ‘ٹپکے گا تو جم جائے گا ۔

 

عمر کٹی یوں اپنی باتوں باتوں میں
ڈوب گئے کتنے ہی سورج راتوں میں

 

غالب ہمیں نہ چھیڑ کہ پھر جوش اشک سے
بیٹھے ہیں ہم تہیہ طوفاں کیئے ہوئے

 

فیصلہ کر دو تذبذب میں نہ رکّھو مجھ کو
" تم مسیحا نہیں ہوتے ہو تو قاتل ہو جاؤ "

 

قصے ہیں خموشی میں نہاں اور طرح کے
ہوتے ہیں غمِ دل کے بیاں اور طرح کے

 

کس کی آواز سے لرزاں ہے یہ خاموشی ِدل
کون اس قریۂ حیرت میں قدم رکھتا ہے

 

گُریز شب سے سحر سے کلام رکھتے تھے
کبھی وہ دن تھے کہ زُلفوں میں شام رکھتے تھے

 

لمحہ لمحہ رات گزرتی جاتی ہے
قطرہ قطرہ دل میں آنسو گرتے ہیں۔

 

میں ایک پھول تھا وہ مجھ کو رکھ کے بھول گیا
تمام عمر اُسی کی کتاب میں گزری

 

نہ گفتگو سے نہ وہ شاعری سے جائے گا
عصا اٹھاو کہ فرعون اسی سے جائے گا

 

یک جاں نہ ہوسکے،انجان نہ بن سکے
یوں ٹوٹ گئی دل میں شمشیرِ شناسائی

 

آہٹ سی کوئی آئے تو لگتا ہے کہ تُم ہو
سایہ کوئی لہرائے تو لگتا ہے کہ تُم ہو

 

پچھتاوے سے بڑھ کر کوئی آزار نہیں ہے
جب دل کو لگاتے ہیں تو رویا نہیں کرتے

 

تمام اگلے زمانوں کو یہ اجازت ہے
ہمارے عہدِ گذشتہ سے اِستفادہ کریں

 

ٹھہروں تو چٹانیں سی کلیجے پہ کھڑی ہیں
جاوں تو میرے ساتھ ہی دیوار چلے ہے

 

ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا

 

جب تک غمِ جہاں کے حوالے ہوئے نہیں
ہم زندگی کے جاننے والے ہوئے نہیں

 

چشمِ گریاں میں وہ سیلاب تھے اے یار! کہ بس
گرچہ کہتے رہے مجھ سے میرے غم خوار کہ بس
احمد فراز

 

حیف وہ کم نصیب جس کا درد تو نہ ہو
اُف وہ دردِ زندگی جس کی تو دوا نہیں

 

خوابوں کی طرح تھا نہ خیالوں کی طرح تھا
وہ علم ریاضی کے سوالوں کی طرح تھا

 

دم توڑ نہ دے اب کہیں خواہش کی ہوا بھی
یہ خاک تو اُڑتی نہیں خاشاک سے آگے