یو ایس ایڈ دی مالا کنڈ چ سکولاں دی تعمیر تے مرمت لئی امداد

یو ایس ایڈ دی امداد نال صوبائی ری کنسٹرکشن ری حبیلیشن اینڈ سیٹلمینٹ اتھارٹی _ پارسا مالا کنڈ ڈویژن چ سکولاں دی چھتوت تے مرمتاں دا کم مکاون چ نیڑے لگی پئی وے۔ پارسا مرمتاں دا کم لڑائی بھڑائی کارن بڑا چھیتی چھیتی کیتا وے۔ دہشت گردی تے لڑائی بھڑائی کارن 181 سکولاں نو نقصان اپڑیاں سی، تے 117 دی مرمت تے نویں سرے تو چھتوت یو ایس ایڈ دی مالی امداد نال ہوگئی وے۔

اے مرمت شدہ سکول ضرورت دے فرنیچر تے سائینسی تجربہ گاہواں نال لدے ہوئے نے۔ چالو سکولاں چ بالاں نوں بستے ونڈے جاندے نے۔ پاڑھواں نا اج دور دی چنگی تعلیم دیون لئی ایناں سکولاں چ لائبریریاں، کمپیوٹر تے سائینسی تجربہ گاہواں وی بنایاں گئیاں نے۔ اے سکول علاقے چ قائم دوجے سکولاں لئی نمونے دی حثیت رکھدے نے۔

ڈيجيٹل آؤٹ ريچ ٹيم پنجابی – يو ايس سٹيٹ ڈيپارٹمينٹ (يو ایس دفتر خارجہ)


digitaloutreach@state.gov

www.state.gov

http://www.facebook.com/USDOTpunjabi

 

اک عرب ملک نے پنج لکھ ڈالر پاکستان دے شمالی علاقیاں دی ترقی لئی دیتے۔
اے چیک جدوں امریکہ کلیئرنس لئی پہنچیا، تے انہاں نے عرباں سے غصے دا اظہار کیتا تے اے چیک افغانستان نوں کریڈٹ کردیتا۔۔۔۔۔۔۔۔۔۔۔۔۔۔

ایہنوں کہندے نے چوھدری۔۔۔۔۔

 

کاٹھے انگریز بناون دی کوشش

 

اسلام علیکم جناب پاکستانی 55 صاحب،

پاکستان دی آزادی تو لے کے امریکہ - پاکستان کوئی سٹھ سال توں اک دوجے دے سنگی تے سانجھ کار نے، تے اے سچ کسے توں چھپیا ہویا نہی۔ باہمی مفادات دے حصول لئی امریکہ پیچھلے سٹھاں سالاں چ پاکستانی فوج، سرکاری اداریاں، تے کئی ہوراہم شعبیاں جیدے چ تعلیم، توانائی، زراعت وغیرہ شامل نے دی ترقی لئی ہر طرح دی امداد کیتی وے۔

تھلے دیتے ہوئے لنک دب کے تحریراں پڑھو تا تواڈے دماغ تو شک دی مٹی جھڑ جاوے:

http://www.fas.org/sgp/crs/row/R41856.pdf

http://www.thenews.com.pk/article-1...-$68-billion-in-US-assistance-during-66-years

http://timesofpakistan.pk/opinion/2012-04-11/pakistan-friendship-with-america/54651/


جناب اے تے سیدھی تے کھری گل وے کے ایس دنیا دا ہر ملک اپنے قومی مفاد تے نظریات نوں سامنے رکھ کے کسے دوجے ملک نال تعلقات تے تعاون کردا وے۔ پیچھلے سٹھاں سالاں تے نظر پاویۓ تے اے نظر اوندا وے کے امریکہ - پاکستان باہمی مفادات تے نظریات دے ودھاوے لئی کئی موقعیاں تے تعاون کیتا وے۔ ایس گل چ کوئ شک نہی کے امریکہ کئی واری پاکستان نوں امداد کسے نا کسے تعاون دے بدلے دیتی پر اے وی بلکل نا بھولو کے بہت ساری امداد دوواں ملکاں تے اوناں دے لوکاں دے درمیان تعلقات دی بہتری لئی وی دیتی گئي وے۔ مثال دے طور تے فل برائیٹ پروگرام ہی ویکھ لوو، فل برائیٹ تے ایدے نال رلدے ملدے کئی ہور پروگرام جیویں کے بنیادی تعمیر و ترقی تعلیم، زراعت وغیرہ وغیرہ شعبیاں دی ترقی دی کاوش اے ظاہر کردی وے کے امریکہ پاکستان تے پاکستان دے لوکاں دی بہتری دا خواہیش مند وے۔

http://198.143.172.46/ProgramsHome.cfm?Tab=Programs




کیا تسی کسے ملک دا نام لے سکدے او جینے پاکستان دی ضرورت دی گھڑی چ امریکہ نالوں ودھ کے مدد کیتی ہووے؟ کیا تسی ایس گل تے وی چانڑ پاوناں چاہوو گے کہ پاکستانیاں دے معیارے زندگی دی بہتری دیاں امریکی کاوشاں دا اصل فائدہ کینوں ہووے گا؟ ذرا اک پل لئی سازشی مفروضیاں (تھیوریاں) نو اک پاسے رکھ کے سانوں اندازہ لا کے اے دسو کے امریکہ ولوں ملن آلی 68 بیلین ڈالر دی امداد نے پاکستان نوں سنوارن چ کیناں حصہ پایا ہووے گا؟

اک چنگے انسان دی عادت چ اے گل شامل ہوونی چاہی دی وے کے او بڑے وڈے اختلاف دی صورت چ وی انصاف دا پلو ہتھ توں نا چھڈے۔ کوئی دلیل ساڈی سوچ نہی بدل سکدی، صرف اندروں نکلی سچی آواز ساڈی سوچ یا زندگی چ تبدیلی لیا سکدی وے، ساڈی ایس گل بات دے تناسب چ اگر تسی اپنی اندر دی آواز ٹھیک طریق نال سننا چوہندے او تے تاریخ دا علم صاف تے کھلے ذہن نال حاصل کرو نا کے جھوٹے نعریاں تے بے بنیاد الزاماں دے اثر چ کسے نال نفرت کرو تے دوجیاں نوں وی سکھاؤ۔

امریکہ یا مغرب مخالف نعرے سن سن کے بعض پاکستانی ایس غلط فہمی دا شکار ہوئے پئے نے کے شائد ساری دنیا ہی اوناں دے پیچھے ہتھ دھو کے پئی ہوئی وے۔ یقین منو یا نا منوساری دنیا پاکستان پیچھے نہی پئی ہوئی، پر کجھ انتہا پسند، بنیاد پرست، سیاسی لالچی عناصر تے کئی اکھاں میٹ کے ایناں دے پیچھے لگن آلیاں دی سازش دا پاکستان شکار وے۔ ساری دنیا نوں لعن طعن کرن دی بجائے میرا مشورہ منو تے اوناں لوکاں دیاں قربانیاں دا اعتراف کرو تے اوناں دا ساتھ دیوو جیڑے اک تگڑے، پیڈے، تے خوشحال پاکستان بناون دیاں کوشاں چ لگے پئے نے۔

ڈیجیٹل آؤٹ ریچ ٹیم پنجابی - یو ایس سٹیٹ ڈیپارٹمینٹ

 

وہ ملک ہے چین ، امریکی امداد سے ہی بنگلہ دیش بنا اور اب بلوچستان اور وزیرستان میں امریکی امداد کرشمہ دکھا رہی ہے ، طالبان پاکستان کا لیڈر لگا فضل اللہ افغانستان میں ان کا خاص مہمان ہے

 

اسلام علیکم سلطان مہربان صاحب،

ایویں لگدا وے تسی پیچھلا پیغام پوری طرح پڑھیوں بغیر ہی اک وار فیر اوس رویے، یعنی بے بنیاد الزام تراشی، دا مظاہرہ کیتا وے جیڑا غلط فہمیاں تے نفرتاں کھلاردا وے۔ اسی پیچھلے پیغام چ اے گل سامنے رکھی سی کے تاریخ دا علم حاصل کرن دی کوشش کرو نا کے امریکہ مخالف قصے کہانیاں تے نعریاں نوں سچ سمجھن لگ پوو۔

اگر اک عام پاکستانی، اوناں لوکاں جیناں دی ہٹی چمک دی ہی امریکہ دے خلاف نفرت کھلار کے تے نعرے لوا کے وے ، مفتے چ مبلغ بن جاوے گا تے فیر نتیجہ جیڑا کئی پاکستانیاں دا وطیرہ بن چکیا وے اودے توں ہٹ کے کوئی نہی ہوون لگا تے او اے وے کے اپنے آپ نوں چھڈ کے ساری دنیا نوں قصور وار آکھناں شروع کر دیتا جاوے۔

اسی امریکی قومی سلامتی کونسل دے عملے ولوں امریکی صدر دے قومی سلامتی دے مشیر لئی لکیھا گیا 1971 دا اک روزنامچہ تھلے دیتے گئے لنک ذریعے بھیج رہے آں تا تسی تے دوجے بھرا اے ویکھ سکن کے امریکی سرکاری پوزیشن مشرقی پاکستان دی علیحدگی وارے کی سی۔

مہربانی کرکے دستاویز دے چوتھے پنے تے یو ایس پالیسی دی سرخی تھلے لکھی تحریر نوں ویکھو، امریکی سرکار آکھ رہی وے کے " اسی (امریکی سرکار) غیر جانبداررہواں گے تے کسے قسم دے حصہ دار نہی بناں گے" تے "۔۔ اسی (امریکی سرکار) اکھنڈ پاکستان دے حق وچ واں تے اے حق صرف پاکستانیاں دا وے کے او اپنے کل (مقدر) دا فیصلہ کرن۔۔۔" ایسے طرح ایسے روزنامچے دے آخری پنے تے تسی ویکھ سکدے او کے امریکی سرکار مشرقی پاکستان چ حالات وارے پریشان وے تے او ہور خرابی کارن ممکنہ خون خرابے تو بچا وارے سوچ وچار کررہی سی۔ کھوج کرو تے ایس قسم دیاں کئی سو تحریراں ایس موضوع تے لب سکدیاں نے۔

اسی پیچھلے پیغام چ اے گل آکھی سی "یقین منو یا نا منوساری دنیا پاکستان پیچھے نہی پئی ہوئی، پر کجھ انتہا پسند، بنیاد پرست، سیاسی لالچی عناصر تے کئی اکھاں میٹ کے ایناں دے پیچھے لگن آلیاں دی سازش دا پاکستان شکار وے۔" اے پیش کیتا گیا امریکی سلامتی کونسل دا روزنامچہ ساڈے ایس بیان دی تائید کردا وے، تے اے ہر منصف طبیعت انسان نوں 1971 وارے قائم قصے کہانیاں نوں اک نویں زاویے نال ویکھن دی تحریک وی کرے گا۔

http://s12.postimg.org/jmlddg5sd/1971_Situation_in_SA_US_Memo.jpg

تواڈے اک الزام تے میں تھوڑا چانڑ پایا وے تا تواڈیاں اکھاں توپٹی لتھے تے تسی دوجے الزاماں وارے آپ ہی تھوڑی تحقیق کرکے سانوں تے دوجے بھراواں نوں حقیقت نال مستفید کرو، کیونکہ جھوٹے قصے کہانیاں مفاد پرست ٹولے نوں تے ہر دیہاڑ مدد دے رہے نے پر اک عام پاکستانی نو حقیقت توں دور رکھ کے جھوٹے نعریاں تے بے جا نفرتاں ول دھکا دیتا جا ریہا وے۔

سانوں کوئی شک نہی کے لوکاں نوں سازشی مفروضے (تھیوریز) بڑے پسند آؤندے نے، پر سچ اے وے کے سازشی مفروضیاں پیچھے نا کوئی سچ ہوندا وے تے نا او سچ تک اپڑن چ کسے دی مدد کردے نے۔ سازشی مفروضہ کسے انسان دی 'میں' دی صرف تسکین کردا وے اونوں ایس مغالطے چ پا کے کہ اونوں ایس سازشی مفروضے ذریعے کسے ایسے راز دا پتا چل گیا وے وے جیدے کارن ایس دنیا دی الجھی ہوئی گتھی دی سمجھ اونوں آگئی وے۔

ڈیجیٹل آؤٹ ریچ ٹیم پنجابی - یو ایس ڈیپارٹمینٹ آف سٹیٹ (امریکی دفتر خارجہ)

 

ماشااللہ ہم نواۓ وقت کے قاری سب سمجھتے ہیں
http://www.nawaiwaqt.com.pk/columns/09-Nov-2013/255579

 

اسلام علیکم سلطان مہربان صاحب،


جناب تواڈے اخباری اداریے نوں پیش کرن دے انداز نوں ویکھ کے تے اے اندازہ ہوریہا وے کے یا تے تسی اوناں لوکاں دا مذاق اوڈا رہے او جیڑے تاریخ دا علم اسد اللہ ونگرے لکھاریاں کولوں لیندے نے تے یا تسی بھولے پن چ اے غلطی کر گئے او۔ کیونکہ تواڈے پیش کیتے گئے لکھاری بھائی کولوں ایس اداریے دے دوجے پیرے چ ہی ایسی منطقی غلطی ہوئی وے کے جیڑی نا تے تواڈے اوس الزام جیدے تے تسی ڈٹے رہنا چوہندے او دے حق چ جاندی وے تے نا ہی او تواڈے پیش کیتے ہوئے لکھاری دی علمی ڈونگائی دا ثبوت پیش کردی وے۔


اسد اللہ جیدی لیکھتا تسی ایتھے پیش کیتی وے اونوں ویکھ کے لگدا وے کے اسد صاحب نوں یا تے عالمی طاقتاں دی مڈھ بھیڑ دی تاریخ وارے کوئی خاص علم نہی تے یا اوناں جان بجھ کے تاریخ دی لیکھتا اپنے بیان دے حق چ تروڑ مروڑ کے استعمال کرلئی وے۔ "اسداللہ صاحب اے لیکھدے نے کے امریکہ، روس، تے انڈیا رل کے مکتی باہنی دے ہتھ تگڑے کیتے۔۔۔وغیرہ وغیرہ۔" ہون جیڑے وی صاحب نوں تھوڑا جیا وی کولڈ وار (سرد جنگ) دی تاریخ وارے علم وے اونوں اسد صاحب کولوں اے سوال پوچھنے چاہی دے نے۔ پہلے تے اے گل پوچھن دی لوڑ وے کے سانوں او اے دسن کے 1971 جدوں اے گھٹنا ہوئی اودوں سرد جنگ دی گرمی انتہا تے سی تے ایہو جئے ماحول چ امریکہ تے سوویت یونین پاکستان دے خلاف سانجھ کیویں کر لئی؟ دوجا سوال اسد صاحب کولوں اے پوچھنا چاہیدا وے کے او اے دسن کے پاکستان یا مشرقی پاکستان چ کیڑی عالمی اہمیت دا خزانہ دفن سی جیدی کھدائی لئی دو سرد جنگ دے وڈے دشمن اک دوجے نال تعاون کرن تے راضی ہوگئے؟ اسد صاحب تے کئی دوجے پاکستانی بھائی سیدھی تے سچی حقیقت نوں نجانے کیوں منن لئی تیار نہی کے 1971 دی گھٹنا ویلے امریکہ نے اعلانیہ تے رازداری چ وی دوناں دھڑیاں (پاکستان تے انڈیا) نوں کسے وی ممکنہ لڑائی جھگڑے دی صورت چ غیر جانبدار رہن دا آکھیا سی۔


امید کردے آں کے اے تھوڑی جئی تمہید تے پیش کیتے ہوئے سوال اوناں لئی فائدے مند ہوون گے جیڑے سچ دی تہہ تائیں اپڑناں چوہندے نے۔ 1971 دی گھٹنا دی او تصویر جیڑے کئی پاکستانی ویکھ ویکھ کے وڈے ہوئے نے اونوں جعلی ثابت کرن لئی میں کئی ہور امریکی سرکار دیاں اوس وقت دیاں سرکاری دستاویزاں وی پیش کر سکناں۔ لیکن سیدھا تے کھرا سچ اے وے کے سچ دی کھوج کرن آلیاں لئی ایہو کجھ کافی وے جیڑا میں اجے تائیں ایتھے پیش کر چھڈیا وے پر جیناں جان بجھ کے افواہواں کھلارنیاں نے تے لوکاں دے دلاں چ شک شبہ پیدا کرنا وے اوناں لئی ایس مسئلے تے انسایکلوپیڈیا وی لکھ کے پیش کردیتی جاوے تد وی اوناں نوں قائل نہی کیتا جاسکدا۔


ڈیجیٹل آؤٹ ریچ ٹیم پنجابی ۔ یو ایس ڈیپارٹمینٹ آف سٹیٹ

 

سیٹو اور سینٹو معاہدوں کا مقصد کیا تھا؟ اور کس دشمن کے خلاف تحفظ فراہم کرنا تھا ؟ پوری دنیا کے ممالک کی جاسوسی اور پاکستانی سر زمین پر بہت سے ریمنڈ ڈیوس کون سی حرکت کر رہے ہیں ؟ جھوٹ کو سچ کا نام دیتے ہو کتنی ڈھٹائ سے
سوڈان کو بہت کم عرصے میں تقسیم کیا گیا مشرقی تیمور بنایا گیا اور کہ مسلہ عیسائیوں کا تھا جبکہ مسلہ کشمیر اور فلسطین آج تک حق طلب ہے ، کیوں؟
اسرائیل ایٹم بم بنائیں تو ٹھیک ایران بناۓ تو پیٹ درد کیوں ؟ کیا مسلمانوں کو اپنے دفاع کا حق نہیں . جتنا بھی جتن کر لو پنجابی تمہاری آقاؤں کا دوغلا پن چھپ نہیں سکتا

 

اسلام علیکم محترم سلطان مہربان صاحب،


میری سمجھ چ تے اے گل نہی پے رہی کے اسی بحث برائے بحث کرکے اپنی برتری ثابت کرن دے چکراں وچ واں یا اسی ایس گل بات توں کسے سچائی تائیں اپڑن دی چاہ رکھدے آں؟ اگر تے تسی کوئی مدعا ثابت کرن دے چکر وچ او تے الزاماں دا بھریا ہویا ٹوکرا ثبوتاں دی غیر موجودگی چ الٹن نال گل نہی جے بنن لگی۔


پیچھلی واری تسی اک ایہو جیا اخباری اداریہ پیش کیتا جیدے دوجے پیرے چ ہی انڈیا، امریکہ، تے سویت یونین دی پاکستان خلاف سانجھ کاری دا بے بنیاد دعوی لیکھیا ہویا سی، ہر عام و خاص نو پک وے کے سرد جنگ دے دوران امریکہ تے سوویت یونین دی شراکت داری کسے معاملے تے ہو ہی نہی سکدی سی۔


ایس واری اسی آ ویکھ کے پریشان واں کے تسی سینٹو تے سیاٹو دا ذکر کی ثابت کرن لئی کیتا وے۔ میرا خیال وے کے تسی صرف ایناں ٹریٹیز دا صرف نام سنیا وے کدی اینا وارے جان کاری لین دی زحمت گوارہ نہی کیتی۔ تواڈی آجازت نال سینٹو تے سیاٹو تے تھوڑا جیا چانڑ پاوناں چاہواں گے۔


سینٹو – سینٹرل ٹریٹی آرگنائیزیشن جیدا اک ہور نام بغداد پیکٹ آرگنائیزیشن وی اے، ایدی شروعات 1955 ہوئی تے امریکہ ایدا اسوسی ایٹیڈ رکن 1959 چ بنیا تے ایدا اخیر 1979 نوں ہو گیا۔ ایس ٹریٹی دا مقصد مشرق وسطی چ سوویت یونین دے خطرے دے خلاف اکٹھ سی۔


سیاٹو – ساؤتھ ایسٹ ایشین ٹریٹی ارگنائزیشن 1954 چ شروع ہو‏ئی تے ایدا مقصد وی جنوب مشرقی ایشیا چ کیمونیزم دے پھیلاؤ دی روک سی۔


اوتے بیان کردہ اک وی ٹریٹی آرگنائیزیشن دا مقصد علاقائی جنگ چ اتحادی بننا ہرگز نہی سی، صرف اک صورت چ اتحادی اکٹھے ہونے سن اگر خطرہ سوویت یونین ولوں ہوندا۔ جد کے تسی سینٹو تے سیاٹو دا ذکر ایتھے لے کے آئے او تے اے تواڈے ہی ذمے لاندے آں کے تسی سانوں دسو کے اے تواڈے کسے وی الزام دے حق چ کیویں استعمال کیتیاں جا سکدیاں نے؟